Yohaneac kpefing 6:10 - Deduamiti

¹⁰ Yeni ihai fema kucgoc arohoma yofi kpacgec, “O Kuctoa mingina, ge kpetiackekec nga yoac foraac mingina, ge nocac turung kpoukpou naso mehereema sacninaac kopocsic negemma ngic bangecfu kecdae, yeni kopocsicnginaaac turunga mi yemmenec.”

Yoak kekehagocac Dzadzahac gboria nga Mitiyegec

¹⁰ Yeni ihai fema kucgoc arohoma yofi kpacgec, “O Kunennina, ge kpetiackekec nga yoac foraac mingina, ge nocac turung kpoukpou naso mehereema sacninaac kopocsic negemma ngic bangecfu kecdae, yeni kopocsicnginaaac turunga mi yemmenec.”

Yohaneac kpefing 6:10 ပူးပေါင်းရင်းမြစ်များ

Fingec fingec 4:10

Ifi deu Kebungo yofi meremma edeec, “Ge noc faka andang? Munagaac sacngo bangecfunac kpacnuu negenduae.

Mitiyegec 119:84

Ni, kingang ngicgango naso dafiguc ebicfu kecma tomai kecbesare? Ngic nukporac anengandae, yeni turunga yemmenade, naso imocac tomai kecduae.

Mitiyegec 13:1

O Kebu, ebicna noc nasou wisickeude? Ge naso wisic wisickea kpac kecma neac mi nigecgubeso. Ge kicmesuga nearu mesufukecnec, ge faka imoc wanadeac tomai kecduae.

Mitiyegec 35:17

O Kebu, ge naso dafiguc wiac imoc kicga fima hennade? Yeni memanganenudaeac yeneac mariunac meicnuna. Ge kekecna laionyangtoa yenearunac meicnuna.

Mitiyegec 79:10

Bangec monnunac ngicngac Anutu mi negemmidae, yeneng yofi debau, “Ngeni Anutungina mong mi hendimbe, kpac.” yeni ifi degec negemba naric mi ande. Ngic yeneng kingang ngicngacfocga sacngina kpakegec, imocac turunga bangec monnunac ngicngac yenearu kpouyemmena neni kicninango hemma nambisina.

Mitiyegec 9:12

Ye ngic sac hetinggegec, yeni negengyunuma kopocsicnginaac turunga kpouyemmeude. Ngicngac ebicnginagoc kecma ye kpacgec yeng imoc naric mi nigeckpeude.

Danicel 12:6

Anu yerearunac mongngo yoac dema ngic wamba linenkporucngo memea heima dokuac witiau wi sawau nanecmoc yofi edeec, “Kecma noc nasoac faka yomoc mi hehena nga naso wisic wisickea fingerude?”

Danicel 8:13

Anu negemba kpetiacngic mongngo yoac deu kpetiacngic ogeango meremma yofi edeec, “Kpefinnu wiac yofi henai, wenaha wenaha sese faifai imocac meic meickeyoac nga Anutu ngadehema wagecac bangec manganeyombonggeudeac amma wasaiarengtoa nga Anutuac kpetiac womong tidzamegec, faka imoc hanaheu naso dafiguc ifi angkecmagec faka imoc wisickebesande?”

Dzekarya 1:12

Ifi degec Kebuac angero myrtle ic manau nanec, yeng yofi deec, “Kurumenggac wasaiareng habuya habuya yeneac Kebu geng kifa sewenti Yerusalaim nga Yehuda bangecac taong fekende yeneac herebu negenyemmenec amma kifa homac yombong ubamangangga segereyemmenec.”

Ruka 2:29

“Kuctoa minginna, ni wanacngicga kicnango Memengerecga hembadeac denec, imoc bic henduaac ruaegoc kekecna mewegenena kembade.

Ruka 21:22

Naso imoc turung kpoukpou naso anude. Imohai yoac sasawa oho ohoya fede, imocac fora fingecbesande.

Roma 12:19

Songo tosofocna, faka mangana angemmegec, imocac turung mi kpouyemmebisia. Anutungo turungngina kpouyemmeudeac titing faimagec yengenaoc manganaac turung kpoukpou ua imoc mebeso. Imocac yofi oho ohoya fede, “Manganaac turung kpoukpou, imoc neac ua, Kebungo ifi dede.” (Dser 32:35)

Hebiraio 12:24

Nga ngeni Yesuaru hagec yeng dzadzahac gboriaac ngic botucnina andenoc. Amma ye sawa kpegiec, imocngo Abeac sacngo yoac deec, imoc ferahema kuhagoc yombong deude.

2 Petoro 2:1

Warac ngicngac yeneac botucfu profete ikoha kecgec, ifi isocngoc kpoukpou ikoha ngeneac botucfu ifingoc kecgecde nga kecbesandae. Yeni dedesifuc yoac goa ikoha dema waic waic botucnginau mehama kekecngina memanganegecde. Nga Kuctoa minginango bic bummeyunuec, ye ifingoc busic kpema yenaoc ebic witinginau faigec, imocngo bic memanganeyunuude.

Yohaneac kpefing 11:18

Ngicngac bangeha bangeha kecdae, yeni herebu anggec geac herebuac naso ine yofinenggac hau geng homegec yeni yoacngina isinggema desinade. Wanacngicfocga profete nga kpetiac arengfocga kuneng nga kapiango geac kpacga eweheiandae, yeni angammemenginaac turunga megecde. Nga ngicngac bangec memanganegec geng memanganeyunubesannec.”

Yohaneac kpefing 18:20

Anutungo ngeneac turunga yeac witiu faiecac amma kurumeng nga kpetiac areng kecdae nga aposoro amma profete, ngeni yeac amma sogaibisia.”

Yohaneac kpefing 18:24

Nga taongtoa imocac manau profete nga ngicngac kpetiac amma ngicngac sasawa bangecfu yunuhomegec, yeneac sacngina meficgegec.”

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”

Yohaneac kpefing 3:10

Ge modzotitia kpac serima kecnadeac edeguai, imoc seriangoc mekecnecac amma ni faitobannunac meicgubade. Faitobang imoc bangectoa bangecac ngicngac yenearu fingerudeac dedea fede. Nga imoc fingeru neng ifingoc hoangguma imohacnac meicgubesandua.’

Yohaneac kpefing 3:7

“Ge Firadefia kpebung yeneac angeroaru kibi yomoc ohoma faina kenu.” “Kpetiac kekec nga faka foraac mingina, yeng Dawidiac ki metacde. Ye nagu witiu ngic mongngo naric mi heiude nga nagu heiu mongngo naric mi witiude. Nga yeng ngeneac yofi dede,