Yohaneac kpefing 5:13 - Deduamiti

¹³ Nga wiac sasawa Anutungo deu fingecdarec kurumennu nga bangecfu amma bangec bageau nga kondunnu, yeneac manau wiac sasawa kecdae, yeneng yoac yofi degec negennai, “Ngictau tatacfu tacde nga ramamedaha, yerearu kenec nga eweheihei amma kibikperagi nga kuc wisic wisickea kpac fekengkecbeso.”

Yoak kekehagocac Dzadzahac gboria nga Mitiyegec

¹³ Nga wiac sasawa Anutungo deu fingecdarec kurumennu nga bangecfu amma bangec bageau nga kondunnu, yeneac manau wiac sasawa kecdae, yeneng yoac yofi degec negennai, “Ngictau tatacfu tacde nga ramamedaha, yerearu kenec nga eweheihei amma kibikperagi nga kuc wisic wisickea kpac fekengkecbeso.”

Yohaneac kpefing 5:13 ပူးပေါင်းရင်းမြစ်များ

Mataio 6:13

Ge faitobannu mi fainununa nga manganaunac mesinunubesena.’

Ruka 2:14

“Anutu ohec, wi kurumennu febeso nga bangecfu ruae fingecbeso. Anutungo ngicngac wosoefac ayemmede.”

Yohane 1:29

Wereckengau Yohanengo namma henu Yesungo yearu hau ngicngac yofi edeyunuec, “Henggec, imoc Anutuac ramamedaha, yeng bangectoa bangec imocac ngicngac sasawa yeneac kopocsic meickeude.”

Roma 11:36

Anutu ye yengenaoc wiac sasawa meficgedarec. Imoc yengena kucfu fedacde amma yengena songo fingerudeac faifaia. Yearu dedengerec nga dedengerec fekengkecbeso, imoc fora.

Roma 16:27

Anutu mocgungo negen negentegec mingina. Nga nenang Yesu Kristogoc kpeketahema dedengerec nga dedengerec Anutuaru faini fekengkecbeso, imoc fora.

Roma 9:5

Nga yeni kisicbangecfocngina negendae, yeneac fingecsaheunac Kristongo ngicsiric amma fingerec. Ye Anutunoc, wiac sasawaac engena. Yearu dedengerec nga dedengerec fekengkecbeso, imoc fora.

Efeso 3:21

Kristo Yesu kpebungfora kpeturanggema kecma keceregecde, ngeneac botucfu dedengerecngina yearu fekengkecbesande. Imoc fora.

Firipi 2:10

Anu yeni kurumennu nga bangecfu amma bangec bageau kecdae, yeneng Yesuac kpacfu fafoc heidacgecdeac ifi anec.

Kolosai 1:23

Ngic yeneng warac siduc gombung imoc dekperagigec ngeni nga wiac sasawa Anutungo deu fingecgec, ngenahafoc yoac imoc negenggec. Anu ngeni siduc gombunggac fora ihai tiserima namma mi wagecdeu ngeni yeac kicfu nambesandae. Nga Pauro neng yoac imocac kingangkpekpe kecbadeac Anutungo meficnuec.

1 Timoteo 4:16

Mekecma geangga garengemema yoac edekpou ayemmekecnec, imoc ifingoc garenggebesena. Ifi annadeu ge nga ngicngac yoacga negengandae, ngeni ngenahafoc komoc kpegecde.

1 Petoro 4:11

Ngic mong ye miti hania ngicngac dekperagiyemmeude, ye Anutuac yoac modacma dekperagibeso. Amma mong ye memeficac arennu kingang kpeyemmekecde, ye Anutungo kuc miande, imocac sirihau kingang kpekpe ua mebeso. Ifi anggec ngicngac yeneng faka sasawa imoc hemma Yesu Kristoac negemma Anutu dengeregecde. Ye kibikperagi nga kuc mingina nasoya wisic wisickea kpac fekengkecbesande, imoc fora.

1 Petoro 5:11

Ye kuc mingina amma kechereema kecbesande, imoc fora.

Yuda 1:25

Memengerecnina Anutu mocgungo kecde. Kebunina Yesu Kristo yeac amma eweheimima dengereni, yeng engenatoanina nga kuc mingina amma wiac sasawa fede, imocac buma ande. Ye wiac mi fingecmanu kefec nga yaguc kecde amma kecbesande, imoc fora.

Yohaneac kpefing 1:6

Mesinunuma eucererenggac habu menunuma yegoc arennunuu nenang yeac Anutu nga Mamaac kurumenggac womonggareng amma kecnide, imocac ifi anec. Yearu kibikperagi nga kuc imoc wisic wisickea kpac fekengkecbeso, imoc fora.

Yohaneac kpefing 13:8

Ifi migec ngicngac sasawa bangecfu kecdae, yeneng wasaipusi numumigecde amma ramamedaha kpebucgegec, yeac kekecac kibiu ngicngac kpacngina bangec meficmeficgeaunac mi fede, yeneng wasaipusi numumigecde.

Yohaneac kpefing 5:1

Kebu ngictau tatacfu tarec, ye kibi kpou kpouya mong marifoiau mekefec. Nga imoc kibi manaac ngadeau kibi oho ohoya feec. Anu imohai kendokereha 7 onganginagoc, imocngo mendac mendanggea henai.

Yohaneac kpefing 5:12

Yeni ubaudumengtoanginagoc yofi degec, “Ramamedaha kpebuc kpebucgea, ye kpac kuneng nga finactoa amma negen negentegec nga kuc nga eweheihei nga kibikperagi amma kenec mibesonga ngereede.”

Yohaneac kpefing 5:3

Arohou kurumennu me bangecfu me bangec bageau ine ngic mong kibi kpou kpouya imoc witiude me oho ohoya, imoc hehenggacsoc mi kefec.

Yohaneac kpefing 5:6

Ifi deu yofi henai. Ngictau tatac nga wiac kekecnginagoc 4 amma ngicenara 24 yeneac botucfu ramamedaha mong nanec nga ye kpehomemea isoc anec. Ramamedaha imoc ye baiha 7 nga kiwa 7. Kiwa imoc Anutuac Asu 7 nga imoc yeni bangectoa bangecfu sueyunuyunuya.

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.

Yohaneac kpefing 6:16

Sufuma tiki nga hoc yeni yofi edeyunugec, “Ngeni witininau mama ngictau tatacfu tacde, yeac kicfunac nga ramamedahaac ngabaunac semenunubisia.