Yohaneac kpefing 22:10 - Deduamiti

¹⁰ Naso wegenedeac amma ge kibi yomocac profeteyoac kasoyagoc wana mi febeso.

Yoak kekehagocac Dzadzahac gboria nga Mitiyegec

¹⁰ Naso wegenedeac amma ge kibi yomocac profeteyoac kasoyagoc wana mi febeso.

Yohaneac kpefing 22:10 ပူးပေါင်းရင်းမြစ်များ

Danicel 12:4

Anu Danicel, geng yoac yomoc mesufuma kibikpoukpouya imohai kpae faina. Anu kecma naso wisic wisickea haude. Anu bangectoa bangecac negen negeng monggoc nga monggoc anu ngicngac homac yeni bic yombong yomohai nga edimohai kengkecbesandae.”

Danicel 12:9

Deba yofi deec, “Yoac imoc kpae bageau nga sufu sufuu femanu kecma naso wisic wisickea haude. Imocac Danicel ge kenna.

Danicel 8:26

Amma tofocnac nga asoac, kpefing imocac dedea imoc fora ande. Nga kpefing imoc ngadeguc yombong fingecbesandeac geng imoc sufu sufu mekecbesena.”

Mataio 10:27

Ni tofocnac nasou yoac edengunuduae, ngeni imoc kperagiau debisia. Nga sangicfu kedzacnginau dedea, ngeni ama witiau namma imoc deyadigec negendacbisia.

Roma 13:11

Ngeni faka imoc mekecma naso yomocac negemma efaima kecbisia! Imoc yofiac, neni hanahema Kebu negensinggeing, imohai negenni naso herea isoc feec. Yofinenggac ine komoc kpenide, imocac naso wegenedeac ngeni gauunac gborima yacbisia.

Roma 13:12

Tofocnac bic kpac anudeac ande nga ama wereckenudeac ande, imocac nenang kundunggac angammeme wadacma kperagiaac tebemariku heima mekecbisina.

2 Tesaronike 2:3

Mongngo faitobangyoac ifia hania hania edengunuu ngeni yoara mi negembisia. Imoc yofiac, Kebuac sike sike naso mi hamanu ngicngac yeni singyoac mi hoanggema ubango ngadehegecde. Ifi anggec singyoac kpekpengic mongngo didiu fingectegerude. Anutungo ngade ngic imoc hofeu ukuude.

1 Petoro 4:7

Wiac sasawa imoc kpac ambesandeac naso mi ukuude. Imocac ngeni garengemema negengisinggoc kecma nunumu ua mebisia.

Yohaneac kpefing 1:11

“Ge wiac hennecmoc, imoc kibiu ohona. Ohoma kpebung 7 Efeso nga Simirna amma Peagamong nga Tiatira amma Sarde nga Firadefia amma Raodikea, ge kibi imoc yenearu faina kenu.”

Yohaneac kpefing 1:3

Naso wegenedeac mongngo profeteyoac yomoc osonegeng anude, ye kenehagoc. Nga ngicngac yeni yoac yomohai oho ohoya fede, imoc negemma hoanggegecde, yeni ifingoc kenecnginagoc.

Yohaneac kpefing 10:4

Ifi degec ohobeso ambare kurumennunac enacudumeng mongngo yofi edenuu negennai, “Gbururung 7 yoac degec ge imoc mi ohona. Imoc mesufuna febeso.”

Yohaneac kpefing 22:16

Ni Yesungo angerona sueba yeng dedekperagi yomoc kpebung sasawa ngenearu dekperagingemmeudeac haec. Ni Dawidiac sera nga bangeha amma asoacac asomeng kibikperagiagoc.”

Yohaneac kpefing 22:18

Anu ngicngac kibi yomocac profeteyoac negendae, ngeni sasawa gorongina kpema yofi deduae, “Mongngo yoac yomohai nande, imohai yoac mong torokpeudeu Anutungo ye kpendzeng kibi yomohai oho ohoya fede, imoc torokpemiude.

Yohaneac kpefing 22:20

Anu wiac yomocac dekperagingemmeude, yeng yofi dede, “Foracngoc, ni bic habade.” Imoc fora. O Kebu Yesu, ge hana.

Yohaneac kpefing 22:7

“Henggec, ni bic habade. Mong ye profete yeneac yoac kibi yomohai oho ohoya fede, imoc gombunga onggonggema mekefude, ye kenehagoc.”

Yohaneac kpefing 22:9

yeng yofi edenuec, “Ifi mi anna. Ni ge nga tosofocga profete, yeni amma ngicngac kibi yomocac yoac gombunga onggonggema mekecandae, ngeneac wanac ogongina. Ge Anutu numumibesena.

Yohaneac kpefing 5:1

Kebu ngictau tatacfu tarec, ye kibi kpou kpouya mong marifoiau mekefec. Nga imoc kibi manaac ngadeau kibi oho ohoya feec. Anu imohai kendokereha 7 onganginagoc, imocngo mendac mendanggea henai.