Yohaneac kpefing 21:15 - Deduamiti

¹⁵ Anu angero nigoc denegeng anec, yeng taongtoa nga naguya amma oda hocngo memea, imocac kpete meudeac kpetememeyasu mong golngo memea menanec.

Yoak kekehagocac Dzadzahac gboria nga Mitiyegec

¹⁵ Anu angero nigoc denegeng anec, yeng taongtoa nga naguya amma oda hocngo memea, imocac kpete meudeac kpetememeyasu mong golngo memea menanec.

Yohaneac kpefing 21:15 ပူးပေါင်းရင်းမြစ်များ

Dzekarya 2:1

Anu monggoc kpehengaima hemba ngic mongngo amamemeac kpeteac witic menanec.

Dzekarya 2:2

Anu hemma yofi kpesimiai, “Ge dahai kennade?” deba yofi deec, “Ni kemma Yerusalaim bangecac hereaya nga wegenaha dafi fede, imocac witic taima kpetea hennegeng ambade.”

Yohaneac kpefing 21:12

Nga odaya hocngo memea, imoc kuneng nga herea amma naguya 12 nga naguyau angero 12 nanggec. Amma naguyau ifingoc Israeac kisic 12 yeneac kpacngo nanec.

Yohaneac kpefing 21:16

Menanu hemba taongtoa ye titiha 4 amma tegia sasawa yeneac kpetengina socfungoc anec. Nga angerongo kpetememeyasungo kpetea meu kpete imoc 2 tauseng 2 handret 20 kiromita anec nga tegia amma witiau kpetengina socfungoc anec.

Yohaneac kpefing 21:21

Ihai naguya 12 yeni kubu gbomea kuneng 12. Nga nagu tembuc tembuc imoc gbomea mocgu mocgungo memea. Amma taongtoaac sing imoc goltegengngo memea, garas isoc ngadeau naric hentegecnade.