Yohaneac kpefing 20:13 - Deduamiti

¹³ Nga kondung manau homegec kecdae, kondungo yeni wayunuec. Homecac ama manau homegec kecdae, ye nga homecngo yeni wayunuoc. Ifi anu ngicngac tembuc tembuc angammemenginaacsoc yoacngina desigec.

Yoak kekehagocac Dzadzahac gboria nga Mitiyegec

¹³ Nga kondung manau homegec kecdae, kondungo yeni wayunuec. Homecac eucerereng manau homegec kecdae, ye nga homecngo yeni wayunuoc. Ifi anu ngicngac tembuc tembuc angammemenginaacsoc yoacngina desigec.

Yohaneac kpefing 20:13 ပူးပေါင်းရင်းမြစ်များ

Mataio 11:23

Nga Kafanaung taong, yeni kurumennu miacgugec ennadeac ifi negengannec, imoc kpac yombong. Yeni homecac amau megu keme kemeac siric annec. Faka kuhagoc gearu fingerec, imocngo Sodong taonnu fingecbac dede Sodong ye naso yofinenggac febacngoc.

Mataio 16:27

Nga Ngicac Medacngo Mamaarunac kuc nga kibikperagiagoc angerofora yenigoc hama ngicngac sasawa angammemengina angandae, imocac sirihau turunga kpouyemmebesande.

1 Korinti 15:26

Ifi faiyunuma ngabaya wisic wisickea, imoc kpara homec, ye meickeu kpac ambesande.

Yohaneac kpefing 1:18

Henna, ni homeai nga monggoc gbori kecduae. Nga negenna, ni wisic wisickea kpac kecengkecma homec nga homecama yereac ki mekecduae.

Yohaneac kpefing 2:23

Nga ni yeac nambaracfora kpebucyunuba kpebung sasawango yofi negentegecgecde, ni ubaherenginaac hengisingngic. Ni ngic tembuc tembuc angammemeaac sirihau turung kpoumibade.

Yohaneac kpefing 20:12

Nga ngicngac kuneng kapia bic homegec yenenai. Yenemba yeni Anutuac kicfu nammagec kibi homac mesima kibi mong kpara Kekecac kibi mesigec, kibi imohai homegec yeneac angammemengina oho ohoya fede. Nga yeni imoc hemma yoacngina desigec.

Yohaneac kpefing 20:14

Faiyunuma homec nga homecac ama gereckondunnu ukugec. Imocngo homec kpetea yohockang ande.

Yohaneac kpefing 21:4

Amma yeng kickumangina sasawa kicnginaunac mekerenggeude. Nga homec nga ubahodunggac kiacsonggong amma asira monggoc mi feude. Wiac warac feec, imoc bic kpac anec.”

Yohaneac kpefing 6:8

Ifi deu hemba becosic meac meac mong amma ngic yeac witiu tarec, kpara homec, yeng homecama hesickeu haoc. Haec yereng bangectoa bangec tegia 4, imohacnac noboha mocgu (¼) imoc yereng wasai beang nga bodi amma homectoa nga kateyang mehaoc. Mehaec imocngo ngicngac yunuhomegecde, imocac uakibi nga kuc yemecyemera.