Yohaneac kpefing 20:11 - Deduamiti

¹¹ Imocac witiau ngictau tatactoa kongac kongac mong henai. Nga imocac witiau tarec, yeac kiwaunac bangec nga sawakebanga woraec tatacngira mong mi feec.

Yoak kekehagocac Dzadzahac gboria nga Mitiyegec

¹¹ Imocac witiau ngictau tatactoa kongac kongac mong henai. Nga imocac witiau tarec, yeac kiwaunac bangec nga sawakebanga woraec tatacngira mong mi feec.

Yohaneac kpefing 20:11 ပူးပေါင်းရင်းမြစ်များ

Fingec fingec 18:25

Ge wiac yomoc negemma ngicngac dindingac nga ngicngac Anutu ngadehema mangana megecdeac ayemmeande yeni momoc yunubeso annade imoc geac faka mi ande. Bangec sasawaac desi desingic ge sifu desidesifaka fora modacma isingyunubesena.”

Mitiyegec 102:26

Wiac imoc sasawa yeni kpac andacbesandae nga ge ine kecengkecbesannec. Yeni ngakpi isoc esea amma kuha maude nga wamba hesikpe amma ukuandimbe, siriha ifi isoc bangec nga kurumenga kurumenga yeni meicyununa kpac anggec gboria faiyunubesannec.

Mitiyegec 47:8

Anutu ye ngictau amma bangec monnunac ngicngacareng kucgoc garengyunuma kecde. Ye ngictau tataha kpetiacfu tacde.

Mitiyegec 89:14

Ge fakaga dindingac nga ge sing dindingac modacma yoac desiannec, wiac imocngo ngictau tatacgaac sering ande. Geng yoac dedzege amma imoc modackecnec amma ge yoac modac modac Kebu, fakaga imocngo waraigendape.

Mitiyegec 97:2

Hoeng nga kundung kunengngo ye oronggema fedape. Faka dindingac nga sing dindingac, imocngo yeac ngictautatahaac sering seria.

Danicel 2:35

Hedzameyuruu aieng, bangec nga aieng sacsac nga silwa amma gol imoc yeni wiac mocgu isoc dzamedacgec, yeni wenacnasou witsebera meic meicke amau fingecande ifi isoc firangngo fifirangyunuu kendacma kpac andacgec. Anu hocngo ongatoa kpeecmoc ye meremma tikitoa amma bangectoa bangec sasawa mewakedarec.

Danicel 7:10

Anu yeac hoannunac gerecngo erema doku hakecde, ifi isoc haec. Tausenga tausenga yeneng yeac enactofoc tofoho ua megec. Millionga millionga yeni yeac kicfu nanggec. Anu yoac desi desinaso fingeru yoac isinggegecdeac kibi homac kparatiegec.

Mataio 11:22

Ni edengunuba, ising ising nasotoau Anutungo Tiro nga Sidong areng yeneac ubamangang negemma turunga efeanec yemmeude amma ngeni ine turunga ebiriangoc ngemmebesande.

Mataio 24:35

Fingeru bangec nga kurumeng kpac anecde nga neac yoac, imoc ine mi kpac anude.

Mataio 25:31

Kecma Ngicac Medacngo kuc nga kibikperagiagoc nga angero sasawa yenigoc hasikebesandae, naso imohai ye ngictau tataha kibikperagiagoc ihai emma tarude.

Roma 2:5

Nga here dzege dzegegoc kecma ubaga mi meremma kopocsic mekpedzuc angkecma turunga menade. Nga Anutuac turung kpoukpouac nasotoa hau turunga dindingac fingectegecgembesande.

2 Petoro 3:7

Amma Anutungo yoac monggoc dema, bangec yomoc nga wiac sasawa sawau yofinenggac fedacde, imoc faiyunuu gerecac tomai fedae. Kecma ngicngac Anutu ngadehema kecdae, yeni yeac yoacfu turungngina mema manganegecde, naso imohai bangec nga wiac sawau fedacde, imoc gerecngo dzedacbesande.

Yohaneac kpefing 12:8

kucngina soha mi anu kurumennu tatacnginaac titing monggoc mi feec.

Yohaneac kpefing 16:20

Anu nuc sasawa woragec nga ngicngac yeni tiki hofocma monggoc mong mi meficgegec.

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.

Yohaneac kpefing 20:2

Metacma sekactoa, boudzoc esea kpara mong Mangana mingina nga Satang, ye mema kifa 1 tausenggacsoc tarudeac witickeec.

Yohaneac kpefing 21:1

Ni kurumeng nga bangec gboria yerenai. Imoc yofiac, bangec nga kurumeng warac feoc, yeri kpac anoc nga kondung imoc monggoc mi feec.

Yohaneac kpefing 21:5

Nga Kebu ngictau tatacfu tarec, yeng yofi deec, “Henggec, ni wiac sasawa gboria mebade.” dema edenuec, “Ge yoac imoc ohona nocac yoac yomoc fora nga ngicngac yeneng imoc negensinggegecdeacsoc ande.”

Yohaneac kpefing 4:2

Ifi deu imohaingoc Asungo kicna merecgeu ni kurumennu ngictau tatac faifaia hemba ngic mongngo imocac witiau tarec,

Yohaneac kpefing 6:14

Magec ngicngo kibi kpouandae, kurumengngo ifi isoc kpouma kpac anec. Kpac anu tiki nga nuc sasawa tatacnginaunac meickedacgec.