Yohaneac kpefing 19:6 - Deduamiti

⁶ Ifi deu udumeng mong negemba, imoc areng kuneng yeneac enacudumeng isoc anec. Imoc doku homac yeneac udumeng nga gbururungtoaac udumengtoa isocngo yofi degec, “Kebu Anutunina kuctoa minginango ngictau bic amma kecde, halleluya.

Yoak kekehagocac Dzadzahac gboria nga Mitiyegec

⁶ Ifi deu udumeng mong negemba, imoc areng kuneng yeneac enacudumeng isoc anec. Imoc doku homac yeneac udumeng nga gbururungtoaac udumengtoa isocngo yofi degec, “Kebu Anutunina kuctoa minginango ngictau bic amma kecde, halleluya.

Yohaneac kpefing 19:6 ပူးပေါင်းရင်းမြစ်များ

Mitiyegec 47:2

Kebu Engenatoa ye bibiagoc, ye bangectoa bangec imocac ngictautoa.

Mitiyegec 47:7

Anutu ye bangectoa bangec imocac ngictau. Ngeni yeac yegec heimima ye dengerebisia.

Mitiyegec 77:18

Firang kunengngo amabangec heimerenu imocac manau geac gbururunggac udumengtoa fingerec. Geac piratacngo bangeha bangeha mekperagiyunuu bangecngo kengec amma dendeng kpekecfec.

Mitiyegec 93:1

Kebungo ngictauac kuc, imoc ngakpi isoc heiu kemeu ngicngac garengyunuude. Ye ngictauac kuc heiu ngakpia ande. Ye kuha bic heima kebangau dzegeec. O, yeng bangectoa bangec tatahau faiu seria tacdeac wiac mongngo meu goroc goroc naric mi anude.

Mitiyegec 97:1

Kebu ye ngictauac kuc minginango bangectoa bangec garenggema kecde. Imocac bangecngo sogaibeso nga kondung tegiau bangec fekendae, yeni ubangerecgoc kecbisia.

Mitiyegec 97:12

Ngicngac dindingac ngeni Kebuac sogac sogaigoc kecma yeac kpara kpetiac yaiyo kpemibisia.

Mitiyegec 99:1

Kebu ye ngictau amma ye ngiha ngiha garengyunuu yeni dzonong fedefedegoc kecbisia. Ye keruw botucnginau ngictau tatahau taru usocngo bangecfu mebeso.

Mataio 6:13

Ge faitobannu mi fainununa nga manganaunac mesinunubesena.’

Yohaneac kpefing 1:15

Nga aieng sacsac gerecfu ohogec wewengaima feande, ye hania imoc isoc anec. Nga enacudumenga, imoc doku homac yeneac udumeng isoc anec.

Yohaneac kpefing 1:8

Kebu Anutu ye kefec nga kecdenoc amma kecma habesande, ye Kucseri minginango yofi dede, “Ni neannaoc A nga Y, hanac hanahea nga wisic wisickea.”

Yohaneac kpefing 12:10

Nga enacudumengtoa mong kurumennu negemba yofi deec, “Memengerec nga kuc amma eucerereng imocac mingina Anutu. Nga yeac danggunucngic Kristongo yaguc imocac uakibi nga kuc metacde. Ngic tosofocnina yoacfu faiyunukefec, yeng Anutuninaac kicfu hadzing toforec yoacfu faiyunuma kefu yeneng yegoc ewema firang amma ye bic kurumennunac ukugec maec.

Yohaneac kpefing 14:2

Nga kurumennunac udumeng mong doku homac gbururungtoa yeneac udumeng isoc negemba imoc gita kpekpe yeneng gitangina kpegec udumeng fingecande, ifi isoc anec.

Yohaneac kpefing 19:1

Imocac ngadeau kurumennu areng kuneng yombong ubaudumeng isoc negemba yofi degec, “Halleluya, memengerec nga kuc kibikperagiagoc, imocngo Anutuninaac ande.

Yohaneac kpefing 19:4

Ifi degec ngicenara 24 nga wiac kekecnginagoc 4, yeni makpema Anutu ngictau tatacfu tacde, ye numumima yofi degec, “Imoc fora, halleluya.”

Yohaneac kpefing 21:22

Nga imocac manau womong mong mi henai. Imoc yofiac, Kebu Anutu kuctoa mingina nga ramamedahango womonga andape.

Yohaneac kpefing 4:5

Ifi yenembare piratac nga udumengtoa amma gbumparandang ngictau tatacfunac fingerec. Ngictau tatacac kiwau kifa 7 dzetacgec, imoc Anutuac Asu 7.

Yohaneac kpefing 6:1

Ni imoc hembare ramamedahango kendokereha 7 ongayagoc warac warac kibi mendac mendanggeau tarec, imoc mekpacgeec. Nga wiac kekecnginagoc 4 yenearunac mongngo ubaudumenga parandanggac udumeng isocngo kpacma yofi deu negennai, “Ge hana!”

Yohaneac kpefing 8:5

Enu angero ye sokohango arataunac gerec fiu wakeu bangecfu ukuec. Ukuu gbumparandang nga udumengtoa amma piratac homac fingeru usoc meec.