Yohaneac kpefing 19:4 - Deduamiti

⁴ Ifi degec ngicenara 24 nga wiac kekecnginagoc 4, yeni makpema Anutu ngictau tatacfu tacde, ye numumima yofi degec, “Imoc fora, halleluya.”

Yoak kekehagocac Dzadzahac gboria nga Mitiyegec

⁴ Ifi degec ngic enara 24 nga wiac kekecnginagoc 4, yeni makpema Anutu ngictau tatacfu tacde, ye numumima yofi degec, “Imoc fora, halleluya.”

Yohaneac kpefing 19:4 ပူးပေါင်းရင်းမြစ်များ

Nehemia 5:13

Anu ni tiging kebannaunac mesima gigiba mau yofi deai, “Mongngo dedeseri yoac dema mi tofohoudeu Anutunngo ifinoc kpemindzaheu amagerecha kpacanu sobengasac ambeso!” Ifi deba ngicngac sasawango dendzerenggema degec, “Imoc Fora!” Ifi dema Kebu dengerema dedeseringina imoc modacgec.

Nehemia 8:6

Ifi nandacmagec Edzerango KEBU Anutu Engenatoa dengereec. Dengereu ngicngac sasawango maringina miacma ningkpedacma, “Imoc Fora! Imoc Fora!” Dema yenahafocngoc KEBU dengerema ngonducnema kicngina bangecfu hetutuckedacgec.

Mitiyegec 104:35

Ngic kopocsicgoc bangecfunac meicyunubesonga nga ngic Anutu ngadehema mangana megecdeac ayemmeande, yeni kpac ambisia. O ubaongana, ge Kebu kenehena. Kebu eriendzong memini, hallelu Yac.

Mitiyegec 106:48

Kebu Isracelac Anutu, ye nasoya nasoya kenehebesonga. Imoc fehereema fekecbeso. Ngicngac sasawango yofi debisina, “Imoc Fora.” Kebu eriendzong memini, hallelu Yac.

Mitiyegec 41:13

Kebu Isracelac Anutu, ye nasoya nasoya kenehema keneengkecbesonga. Imoc fora nga fora yombong.

Mitiyegec 72:19

Yeac kpac kuneng imoc kuc nga kibikperagiagoc, imocac nasoya nasoya ye kenehebesonga. Yeac kuc nga kibikperagiango bangeha bangeha sokodacbeso. Imoc fora nga fora yombong.

Mitiyegec 89:52

Kebu nasoya nasoya kenehebesonga. Imoc fora nga fora yombong.

Mataio 28:20

Nga neng yoac sasawa dederecge angemmekefai, ngeni imoc hafoangoc modacdacgecdeac kpouyemmebisia. Amma negendae, ni wenaha wenaha ngenigoc kecbare naso wisickebesande.”

Mataio 6:13

Ge faitobannu mi fainununa nga manganaunac mesinunubesena.’

1 Korinti 14:16

Anu ongaasugango Anutu dengerenadeu ngictehec yeni geac dedengerec torokpema, “Imoc fora.” degecdeac obohogecde. Yeni yoacga mong mi negentegecgec.

Yohaneac kpefing 15:7

Magec wiac kekecnginagoc 4 yenearunac mongngo angero 7 sokoc 7 yemmeec. Sokoc imoc golngo memea nga Anutu kecde nga kecengkefude, yeac herebungo imohai wakema feec.

Yohaneac kpefing 19:1

Imocac ngadeau kurumennu areng kuneng yombong ubaudumeng isoc negemba yofi degec, “Halleluya, memengerec nga kuc kibikperagiagoc, imocngo Anutuninaac ande.

Yohaneac kpefing 19:3

Yeni monggoc yofi degec, “Halleluya, yeac hosuc imoc naso wisic wisickea kpac engkecma engkecbesande.”

Yohaneac kpefing 19:6

Ifi deu udumeng mong negemba, imoc areng kuneng yeneac enacudumeng isoc anec. Imoc doku homac yeneac udumeng nga gbururungtoaac udumengtoa isocngo yofi degec, “Kebu Anutunina kuctoa minginango ngictau bic amma kecde, halleluya.

Yohaneac kpefing 5:14

Ifi degec wiac kekecnginagoc 4 yeni “Imoc fora.” degec nga ngicenara 24 yeni makpema ye afehegec.