Yohaneac kpefing 19:15 - Deduamiti

¹⁵ Nga enaraunac wasai beang mong enaragoc ereec, ye imocngo bangeha bangeha imocac ngicngac yunuude nga ye aiengyasungo garengyunuude. Amma ye Anutu kuctoa mingina yeac ngaba nga herebuac waing tidzoc tidzohoac hoctoau tidzohoude.

Yoak kekehagocac Dzadzahac gboria nga Mitiyegec

¹⁵ Nga enaraunac wasai beang mong enaragoc ereec, ye imocngo bangeha bangeha imocac ngicngac yunuude nga ye aiengyasungo garengyunuude. (Mitiyegec 2:9) Amma ye Anutu kuctoa mingina yeac ngaba nga herebuac waing tidzoc tidzohoac hoctoau tidzohoude.

Yohaneac kpefing 19:15 ပူးပေါင်းရင်းမြစ်များ

Mitiyegec 2:9

Ngictauyasuga aiengngo memea mekecnec, ge imoc mema ngicngo enang kpedzameandae, ifi isoc yasugango kpedzameyununade.”

Yoele 3:13

Semengngo kpekpau andaeac amma kpememeac soe taima gigigec. Hagec, hama waing gbomea tipusuckegec, waing tidzoctidzohoac sobengngo mewakeu waing dokuyango enang waketorockema kpakede, ifi isoc yeneac mangananginango yadiyombonggede.”

Malecaki 4:6

Amma bangec yomoc soweckebaiac mangfocngina yeni ubamereng amma nambaracfocngina hoangyunugecdeac amma nambaracfocngina yeni ifingoc ubamereng amma mangfocngina hoangyunugecdeac Eliyango ua imoc mebesande.”

2 Tesaronike 2:8

singyoac kpekpe ngic didiu fingectegerude. Fingectegecmanu Kebu Yesungo hama enacasuyango memanganeu kuckperagiayango meickeu kpac anude.

Yohaneac kpefing 1:16

Ye marifoiau asomeng 7 menanec nga enaraunac wasai beang mana ngadea enaragocngo ereec. Kicmesuya imoc wenackiwa kuhagoc neraranggeande, ifi isoc anec.

Yohaneac kpefing 12:5

Nanu ngacngo medac mong meec. Meu yeac sabaha ine faratac wangecma Anutuaru, yeac ngictau tatacfu meemma faigec feec. Nga medac imoc, yeng bangeha bangeha ngicngac aiengyasungo garengyunubesande.

Yohaneac kpefing 14:10

ye Anutuac ngabaac waindoku seria nebeso. Waing imoc seria yombong dokugoc mi yerec yerecgea yeac ngabaac taseu kpakegec. Kpakemigec, yeng angero kpetiac amma ramamedaha, yeneac kicfu gerec nga sarafa manau kpendzeng kpeude.

Yohaneac kpefing 19:21

Nga becosic witiau tarec, yeac enaraunac wasai beang ereec, imocngo tosea yunuu homegec. Homegec neng sasawango sebifusingina negec gebecyunuec.

Yohaneac kpefing 2:12

“Ge Pegamong kpebung yeneac angeroaru kibi yomoc ohoma faina kenu.” “Ngic wasai beang mana ngadea enara santac metacde, yeng ngeneac yofi dede,

Yohaneac kpefing 2:16

Imocac amma ubaga merembesena. Ifi mi annadeu ni gearu bic yombong hama enacnaac wasai beangngo yunubade.”

Yohaneac kpefing 2:27

‘Nga yeng garengyunuma ngictauyasuya aiengngo memea mekecde, imoc mema ngicngo enang kpedzameandae, ifi isoc yasuyango kpedzameyunuude.’ (Myeg 2:9)