Yohaneac kpefing 19:12 - Deduamiti

¹² Ye kiwa imoc gerec borang isoc nga oruhau ira homac heiec. Amma kpara mong oho ohoya, imoc mongngo mi negende, yengenaocsac negende.

Yoak kekehagocac Dzadzahac gboria nga Mitiyegec

¹² Ye kiwa imoc gerec borang isoc nga oruhau ira homac heiec. Amma kpara mong oho ohoya, imoc mongngo mi negende, yengenaocsac negende.

Yohaneac kpefing 19:12 ပူးပေါင်းရင်းမြစ်များ

Fingec fingec 32:29

Ifi deu Yacakowngo kpesimima yofi deec, “Ge kpacga naric edenubang me?” Ifi kpesimiu ye yofi deec, “Ge nocac kpacnaac kpesinec?” Ifi dema imohaingoc keneheec.

Mitiyegec 8:5

Geng ngic negensima meficgema ngicac medac gombunga garenggekecnec, imocac warecguduae. Ye kurumenggac areng yeneac mamea anudeac geng faina kefec. Amma ye kuc kibikperagiagoc kekecac iraya heiminec.

Makekeng 23:21

Waraigenu ge yeac kicfu garengemema kecma yoara negentofoho ambesena nga yeac yoac mi kpebesena. Neac kpacna yeac ubaongea manau fekecdeac singyoara kpegecdeu yoackpekpengina imoc mi wangemmeude.

Danicel 10:6

Yeac sebia siriha imoc topas hoc isoc nga kicmesuya imoc piratacac siriha isoc nga kiwa imoc gerecborang isoc amma hanimaria imoc aieng sacsacac pirac pirac ifi isoc anec. Nga yoaraac udumenga imoc habutoa yeneac udumeng isoc anec.

Dzekarya 9:16

Naso imoc Kebu Anutunginango ngicngacfora komoc kpeyemmeudeac naso amma rama isoc yenenggareng ayemmebesande. Anu yeni ira witiau hoc buma kunengngo pirac pirac amma kperagiande, ifi isoc kperagima bangeha mekperagibesandae.

Mataio 11:27

Mannango wiac sasawa nenu neng imoc mekecduae. Nga ngic mongngo Medac naric mi negemmide, Manggacngosac negemmide. Ifi isocngoc mongngo Manggac naric mi negemmide, Medacngosac ine ye negemmide. Amma Medacngo ngicngac meisingyunuma edzacyunuande, yeneng ifingoc Manggac negemmigecde.

Mataio 21:5

“Ge Sionggac ngicngac yofi edeyunubesena, ‘Henggec, ngictaugnina ngenearu habesande. Ye donggi witiau tacdenoc, ye donggi medahau hade nga ye fakaya memaemeemea.’ ” (Dzek 9:9)

Mataio 28:18

Nga Yesungo kicnginau hama yofi edeyunuec, “Negenggec, bangec nga kurumenggac kuc sasawa ni bic nendac nendara.

Ruka 10:22

Mannango wiac sasawa nenec imoc mekecduae. Nga mongngo Medahaac hania naric mi negende, Manggacngosac negemmide. Ifi isocngoc mongngo Manggacac hania naric mi negende, Medacngosac ye negemmide. Amma Medacngo ngicngac meisingyunuma Manggac edzacyunude, yeneng ifingoc ye negemmigecde.”

Yohane 17:11

Kekecnasona bangecfu wisickebeso ammanu yeni bangecfu kecmagec neng gearu habade. Kpetiac Manggac, nerang mocgu nga ifi isoc yeneng mocgu anggecdeac geng kpacga nennec, imoc arennu yenenggareng ambesena.

Yohane 17:12

Neng yenigoc kefai, naso imohai kpacga nennec, imocngo garengyunuma onggongyunuba ngic mongngo mi sufuec. Yenearunac mocgusac, hofeac medac, yeng manganeec. Mitikibiu yoac fede, imoc hafoangoc fora fingerudeac ifi fingerec.

Efeso 1:21

Nga kia gamang nga ngickuneng amma kuc hania hania nga sawakebangau kebuareng kecdae, yeneac engenatoa faiec tacde, imoc naso yofinenggacsac kpac, imoc ifi fekengkecbesande.

Hebiraio 2:9

Anu nenang Yesuac yofi hendimbe, Anutungo faka meu Yesungo naso wegenanec angero yeneac mameangina kefec. Kefu Anutungo wosoefac anemmeu Yesungo ngicngac sasawa donina mema kpendzeng kpema homeec. Imocac ye kuc nga kibikperagia amma eweheihei mekecma imocngo yeac ira ande.

Yohaneac kpefing 1:14

Ye orucsira nga orucdzoeya kongac kongac imoc ramadzoeya nga hoeng isoc amma kiwa imoc gerec borang isoc.

Yohaneac kpefing 12:3

Nga faka mong ifingoc kurumennu fingeru henggec. Imoc sekactoa sacsac mong kuneng yombong. Ye oruha 7 nga baiha 10 nga ye oruhau ira 7 heiu tarec.

Yohaneac kpefing 13:1

Hemba kondung manaunac wasaiyang yeneac mimiha mong ereec. Ye baiha 10 nga oruha 7 amma baiha imocac witiau ira 10. Nga oruc imoc yeneac witinginau Anutuac desure kpac hania hania feec.

Yohaneac kpefing 19:16

Kporuhau nga kopohau kpac mong yofi oho ohoya feec, “Ngictau yeneac Ngictau nga kebu yeneac Kebu.”

Yohaneac kpefing 3:12

Firang anude, neng ye gununggeba Anutunaac womong manaac wotung seria anude. Nga ye womong imoc monggoc mi waude. Nga ni yeac witiau Anutunaac kpac amma Anutunaac taongtoaac kpara nga neanna kpacna gboria ifingoc ohobade. Taongtoa imoc Anutunaac taong nga imoc Yerusaleng gboria amma kurumennunac neac Anutuarunac mabesande.’

Yohaneac kpefing 6:2

Ifi deu ni fima becosic kongac kongac mong henai nga imocac witiau ngic mongngo tebeagoc tarec. Taru ira mong migec ye imoc heima firang anganggac arennu firang anudeac becosicfu kenec.