Yohaneac kpefing 18:10 - Deduamiti

¹⁰ Yeni yeac kpendzenggac kengec amma hereau yombong namma yofi degecde, ‘Ge aua mocguac manau hanahema yoacfu faifaiguac forayaga bic hadacde. Imocac Babilon, ge taongtoa nga taong kucgagoc ama sifu ge ebicgagoc.’

Yoak kekehagocac Dzadzahac gboria nga Mitiyegec

¹⁰ Yeni yeac kpendzenggac kengec amma hereau yombong namma yofi degecde, ‘Ge aua mocguac manau hanahema yoacfu faifaiguac forayaga bic hadacde. Imocac amma yei yei Babirong, ge taongtoa nga taong kucgagoc.’

Yohaneac kpefing 18:10 ပူးပေါင်းရင်းမြစ်များ

Yoele 1:15

Naso imocac kuku heigec! Imoc yofiac: Kebuac nasotoango bic mewegenenunude, imoc Anutu Kuctoa Mingina yearunac kpendzengngagoc haude.

Amosi 5:16

Imocac amma Kebu ye Kebu Anutu Kuctoa Minginango yofi dede, “Naso imohai sintoaac sing bisicfu kpabetoreng fingerude nga yaimmainggac kiac udumengngo kpekpeturang amau feude. Ifi anu heihomec ngic kiac ubahodunggac heitaiyunugecde nga songgonggac ngicngo kpabetorenggoc hagecde.

Bangec kisiu 16:34

Amma kemegec arongina negemma Isracelac ngicngacareng hafoangoc nanggec yeni yofi dema kengec amma woragec, “Bangecngo nenang ifingoc gbokonunubacac.”

Yohaneac kpefing 11:8

Kpebucyuruu farengngira taonggac sinnu feecde. Taongtoa imocac kpara kpefing yoacfu Sodong nga Aigita nga bangec imohaingoc Kebunina mariponnu kpegec homeec.

Yohaneac kpefing 14:8

Ifi deu angero mongngo ye modacma yofi deec, “Makpedacnoc, Babilon taongtoa imoc bic makpedac. Yennoc ngaba nga kaiserofakayaac waindoku seria ngicngac sasawa gumecyunuu nedacgec.”

Yohaneac kpefing 16:19

Usoc mema taongtoa mendziru harebec anec. Nga ye bangeha bangeha yeneac taong homac hembarackeec. Hembarackeu Anutungo Babilon taong negensiu ngaba nga herebuac waingsokoha miec.

Yohaneac kpefing 17:12

Baiha 10 hennec, imoc ngictau 10 bangecac eucererengngina mi megecngoc, yeni ine aua mocguacsoc wasaiyanggoc ngictau ua megecdeac uayoac nga kuc yemmegec megecde.

Yohaneac kpefing 18:18

yeac gerecac hosuc hemma yofi dema kpacgec, ‘Taongtoa ifia mong mi fede, kpac.’

Yohaneac kpefing 18:19

Yeni orucnginau sendung ukuma kiacsonggong amma kpacma degec, ‘Ye aua mocguac manau gerecngo memanganeu kpac anecac amma, taongtoa ye ebihagoc. Nga yeac ngicngac sasawa wagenginagoc kondunnu kengandae, yeni yearunac finactoanginagoc anggec.’

Yohaneac kpefing 18:21

Anu angero kuhagoc mong, yeng dzamandzingtoa mong mema kondunnu ukuma yofi deec, “Yeni Babilon taongtoa gereagoc kondunnu ifi ukugec monggoc naric mi meficgegecde.

Yohaneac kpefing 18:8

Imocac amma uameme mocguac manau homec nga ubahodung amma here homehome hanahemima yeac witiau kpendzeng ifia fingeru ngac ye gerecfu dzeude. Imoc yofiac, Kebu Anutu ye kuhagoc, yeac faka isinggema foraya desiec.