Yohaneac kpefing 14:7 - Deduamiti

⁷ enacudumeng kunengngo yofi deec, “Ngeni Anutuac damungunuu eweheimibisia. Anutungo ngeneac yoac desiude imocac naso bic hadeac ngeni kurumeng nga bangec amma kondung nga dokukiwa meficyunuec, ye numumibisia.”

Yoak kekehagocac Dzadzahac gboria nga Mitiyegec

⁷ enacudumeng kunengngo yofi deec, “Ngeni Anutuac damungunuu eweheimibisia. Anutungo ngeneac yoac desiude imocac naso bic hadeac ngeni kurumeng nga bangec amma kondung nga dokukiwa meficyunuec, ye numumibisia.”

Yohaneac kpefing 14:7 ပူးပေါင်းရင်းမြစ်များ

Fingec fingec 22:12

Ifi deu yofi meremmiec, “Ge medacgaaru mariga mi sinena nga wiac mong mi ammina. Ge medacga mocgu ye mi segerenendanggac amma ge Anutuac yoac modacma eweheihei ammiannec imoc yaguc negengguduae.”

Nehemia 9:6

Ge mocgungo KEBU, geng kurumeng nga sawau asomeng amma angero habufocnginagoc meficyununec. Amma bangec nga bangec witiau wiac fekende nga kondung amma kondung manau wiac sasawa fedacde imoc meficyunudacnec, ge mocgungo wiac sasawa kekec yemmeannec. Anu kurumennu angero habuya habuya yeneng dengeregu kecdae.

Mitiyegec 115:15

Kebu kurumeng nga bangec meficyuruec, yeng kenecngunubeso.

Mitiyegec 124:8

Kebungo kurumeng nga bangec meficgeec. Nga memeficnina imoc yeac kpacfu fede.

Mitiyegec 33:6

Kebungo yoac dema kurumenga kurumenga meficyunuec. Ye enacasuyango wenac nga afo amma asomeng habutoanginagoc meficyunuec.

Mitiyegec 36:1

Ngic mong ye Anutu ngadehema mangana meudeac ammiu singyoackpekpengo yeac herea keme kemeau yombong kehema yoac edeude. Ye kiwango wiac hendacma Aunutuac kengec mong mi anude.

Mitiyegec 89:7

Kpetiac areng yeneac adzoc adzorou tacandae, yeneng yofi negengandae, Anutu ye damu damuyagoc. Ye engenatoa amma yeng kurumenggac areng ye yerecgema nandae, yeni feracyunuu yeneng yeac kengec homac angandae.

Mitiyegec 95:5

Yennoc kondung meec, imocac amma kondung imoc yeacngoc. Amma yeng bangec kerenga meu imocngo yeac marikibi ande.

Makekeng 20:11

Kebu ye wenac uameme siks ua mema kurumenga kurumenga nga bangec nga kondung amma wiac yeneac manau fekendacdae imoc meficgedarec nga wenac kpete sewen imohai tacnegenec. Imocac Kebungo tacnegenggac wenac kenehema segerema kpetiac annideac desiec.

Danicel 8:19

Namba yofi deec, “Ge naso wisic wisickeaac onga hendang. Negennec, herebuac naso wisic wisickeau wiac fingecbesande ge imoc negennadeac edeguduae.

Malecaki 2:2

“Ngeni neac yoac mi negenggecde amma heregoc neac kpacnaac ewe mi heigecdeu sowecnango ngeneac witiu enu kenecngina ifingoc soweckebade. Ni kenecngina imoc bic soweckeai nocac ngeni heregoc neac ewe mi heinenggec.

Mataio 25:13

Ngeni wenac nga aua mi negendae, imocac amma ngeni ubagbori kecbisia.

Ruka 17:18

Ngic yomoc ye areng monnunacngo yeneac botucfunac yengsac Anutu afeheudeac dzigenema hade nga goa yeni ifingoc anggec naric ambac.”

Aposoro 14:15

“Yei, ngicngac ngeni noc andae? Neri ngic ngeni isoc, ngeneac siric. Ngeni nemungina kucmama kecdae, yeni ngadeyunuma Anutu kekehagoc mewegenegecdeac siduc gombung dekperagingemmekecdipe. Yeng wiac sasawa bangecfu nga kurumennu nga kondunnu fedacde, imoc meficgedarec.

1 Petoro 4:7

Wiac sasawa imoc kpac ambesandeac naso mi ukuude. Imocac ngeni garengemema negengisinggoc kecma nunumu ua mebisia.

Yohaneac kpefing 11:13

Enec naso imohaingoc usoctoa meu taongyada tegia 10 imohacnac noboha mocgu (1/10) barackeec. Usocyada meec, imocac manaunac ngicngac kpetengina 7 tauseng yeni homegec. Homegec ngicngac tosea yeni kengec amma Anutu kurumennu kecde, ye afehegec.

Yohaneac kpefing 11:18

Ngicngac bangeha bangeha kecdae, yeni herebu anggec geac herebuac naso ine yofinenggac hau geng homegec yeni yoacngina isinggema desinade. Wanacngicfocga profete nga kpetiac arengfocga kuneng nga kapiango geac kpacga eweheiandae, yeni angammemenginaac turunga megecde. Nga ngicngac bangec memanganegec geng memanganeyunubesannec.”

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yohaneac kpefing 16:9

Mema gereango homac yombong yonohou ngicngac yeni ubangina sifu mi dzigeneec. Yeni kpendzeng 7gac mingina Anutu, ye mi afehema yeac kpara desure ammigec.

Yohaneac kpefing 18:10

Yeni yeac kpendzenggac kengec amma hereau yombong namma yofi degecde, ‘Ge aua mocguac manau hanahema yoacfu faifaiguac forayaga bic hadacde. Imocac Babilon, ge taongtoa nga taong kucgagoc ama sifu ge ebicgagoc.’

Yohaneac kpefing 18:17

Imoc aua mocguac manau finactoa sasawa gerecngo memanganeu kpac andarec.’ Amma wage kisang kisang sasawa nga yeneac bagenginau wageu ua meandae amma ngicngac sasawa kondunnu ua meandae, yeni hereau namma

Yohaneac kpefing 18:19

Yeni orucnginau sendung ukuma kiacsonggong amma kpacma degec, ‘Ye aua mocguac manau gerecngo memanganeu kpac anecac amma, taongtoa ye ebihagoc. Nga yeac ngicngac sasawa wagenginagoc kondunnu kengandae, yeni yearunac finactoanginagoc anggec.’

Yohaneac kpefing 19:5

Ifi degec enacudumeng mong ngictau tatacfunac erema yofi deec, “Anutuac wanacarengfora nga ngicngac kuneng nga kapia amma ngicngac eweheimidae, ngeni dengeregec.”

Yohaneac kpefing 4:11

“Ge Kebu nga Anutunina. Geng wiac sasawa dena fingecdarec. Ifi arenggema meficgedacnecac geng kibikperagi nga eweheihei amma kuc sasawa medacna ngereeyombonggede.”

Yohaneac kpefing 4:9

Anu wiac kekecnginagoc yeni ngictauac tatahau takecde nga wisic wisickea kpac kecbesande, dengerema eweheimima dangge dekecgec, naso imohai

Yohaneac kpefing 8:10

Amma yeac ngadeau angerongo monggoc trampeha fifiu kurumennunac asomengtoa mong ahakifa isoc dzema fotockema maec. Mama dokutoa nga dokukiwa yenearunac harebecac noboha mocgu (⅓) witinginau heiec.