Yohaneac kpefing 14:14 - Deduamiti

¹⁴ Anu ni hoeng mong kongac kongac henai. Hemba imocac witiau ngic mong siriha ngicac medac isoc tarec. Ye oruhau ira mong golngo memea heima mariau soe mong enaragoc witfora heiandae, ifia metarec.

Yoak kekehagocac Dzadzahac gboria nga Mitiyegec

¹⁴ Anu ni hoeng mong kongac kongac henai. Hemba imocac witiau ngic mong siriha ngicac medac isoc tarec. (Danie 7:13) Ye oruhau ira mong golngo memea heima mariau soe mong enaragoc wit fora heiandae, ifia metarec.

Yohaneac kpefing 14:14 ပူးပေါင်းရင်းမြစ်များ

Mitiyegec 21:3

Geng ye heitaima kenecgaac finactoa mima ngictau ira gol tegengngo memea oruhau fainec.

Mitiyegec 97:2

Hoeng nga kundung kunengngo ye oronggema fedape. Faka dindingac nga sing dindingac, imocngo yeac ngictautatahaac sering seria.

Danicel 7:13

Anu tofocnac gaukpefinnungoc hembare mongngo kurumenggac hoenggoc haec, ye siriha ngicac medacac siric isoc. Yeng bicngoc yombong kefec nga kecereema kecde, yearu hau yeac hoannu hesickegec.

Mataio 13:30

Wit nga kpindzing yerahafocngoc yadimaec kpememe naso hau kpememengic yofi edeyunubade, ‘Ngeni hanahema kpindzing taima dedeckema gerecfu ukugec dzebeso. Nga wit ine mekpedzuc amma semengamanau faigec tacbeso.’ ”

Mataio 17:5

Anu Petorongo ifi denammanungoc hoeng mong kperagiagocngo mama semeyunumanu hoeng manaunac yoacudumeng mong yofi kpacma deec, “Yomoc neac Songomedacna, ye hensongo ammiduae. Ngeni yeac yoac negembisia.”

Mareko 4:29

Kpaueu fora kpememe naso anu ye semeng bic kperecgeude.”

Ruka 21:27

Anu naso imohai yeni Ngicac Medac henggec ye kuctoayagoc nga kibikperagitoayagocngo hoeng witiau haude.

Hebiraio 2:9

Anu nenang Yesuac yofi hendimbe, Anutungo faka meu Yesungo naso wegenanec angero yeneac mameangina kefec. Kefu Anutungo wosoefac anemmeu Yesungo ngicngac sasawa donina mema kpendzeng kpema homeec. Imocac ye kuc nga kibikperagia amma eweheihei mekecma imocngo yeac ira ande.

Yohaneac kpefing 1:13

Yenembare yeneac botucfu mongngo Ngicac Medacac siric isoc nanec. Ye ngakpia herea hani susia kpesec kpeserea nga mokuhau fadeng golngo dzege dzegea feec.

Yohaneac kpefing 1:7

Henggec, ye hoenggoc hau ngicngac sasawa yeneng kicnginango hendacbesandae nga sebiau nenesari ammigec, yeni kicnginango ye ifingoc henggecde. Nga bangeha bangehaac areng sasawa yeni ye hemma fagung madzacgoc kiacbesandae. O, imoc fora.

Yohaneac kpefing 10:1

Anu ni angero kuhagoc mong hemba kurumennunac maec. Ye hoengngo temboc tembonggea oruhau asommadoc heiec nga kicmesuya imoc wenackiwa isoc amma hanihora imoc wotung isoc gerehagoc.

Yohaneac kpefing 11:17

Afehema yofi degec, “Kebu Anutu Kuctoa mingina, neni dangge edegudimbe. Ge bicngoc kecnec nga yaguc kecnec, ge geangga kuctoa mema mekecma yaguc ngictau kecnec.

Yohaneac kpefing 19:12

Ye kiwa imoc gerec borang isoc nga oruhau ira homac heiec. Amma kpara mong oho ohoya, imoc mongngo mi negende, yengenaocsac negende.

Yohaneac kpefing 20:11

Imocac witiau ngictau tatactoa kongac kongac mong henai. Nga imocac witiau tarec, yeac kiwaunac bangec nga sawakebanga woraec tatacngira mong mi feec.

Yohaneac kpefing 6:2

Ifi deu ni fima becosic kongac kongac mong henai nga imocac witiau ngic mongngo tebeagoc tarec. Taru ira mong migec ye imoc heima firang anganggac arennu firang anudeac becosicfu kenec.