Yohaneac kpefing 13:5 - Deduamiti

⁵ Enara migec ye dearogoc sicsauc amma Anutu desure ammiec. Nga yeni kuc yofi migec, yeng afo 42ac manau ngicngac garengyunuudeac uayoac nga kuc mekefec.

Yoak kekehagocac Dzadzahac gboria nga Mitiyegec

⁵ Enara migec ye dearogoc sicsauc amma Anutu desure ammiec. Nga yeni kuc yofi migec, yeng afo 42ac manau ngicngac garengyunuudeac uayoac nga kuc mekefec.

Yohaneac kpefing 13:5 ပူးပေါင်းရင်းမြစ်များ

Mitiyegec 12:3

Ngicngac yeni enacnginau yoackerec ikoha anggecde nga nedzarangnginango yenanggac yoac engena homac osogec Kebungo imoc herecgema meickebeso.

Danicel 11:36

Anu ngictaungo songea modacma faka hania hania mema kecma anutu sasawa eyemmedacma anutu yeneac Anutu ifingoc emmi emmiyoac warac mi negen negena deude. Anu wiac fingerudeac dedea imoc fingecbesande imocac amma ye wiac hania hania meude imoc sasawa fingerude. Anu kecma herebuac nasoya wisickeude.

Danicel 12:12

Anu mong ye serima kecma wenac 1 335 kefude ye kenehagoc.

Danicel 7:11

Anu ni tofocnac imohaingoc hemma kecbare baicngo nendefeyoac dekecmanu yang imoc kpehomema kpetotiema sebia imoc gerecfu dzedarudeac ukugec.

Danicel 7:20

Amma baic teng oruhau nammagec baic mong ngade ereu baic harebec yeni yeac kicfu fotockema magec, imocac hania fora yombong dekperaginenudeac negenai. Amma baic imoc kiwagoc nga enaragoc anu nendefeyoac homac deec amma yeng kuneng amma feracyunuec, imocac hania ifingoc negentegecbadeac negenai.

Danicel 7:25

Amma Engenatoa denggbaringgema Engenatoaac kpetiacareng kenghedzic hahedzic ayemmeude. Amma naso nga singyoac faifaia imoc meickema wiac siriha mong meudeac negenu imoc yeac mariu faigec naso mocgu nga naso yohockang nganoc amma naso mocguac noboha kecgecde.

Danicel 7:8

Ifi anu baic imoc hembareng baiha kapia mong imoc yeneac botucnginau erema harebec bic nanggec yeni kpefacyunuma meicyunuma tatacngina meec. Nga baiha imohai kiwa imoc ngic yeneac kic isoc amma enarango nendefeyoac wiac kuneng deec.

Danicel 8:14

Ifi kpesimiba yofi edenuec, “Tofocnac nga asoac 2 300 wisickeu wiac sasawa imoc kpac anude. Anu imocac witiau kpetiac womong monggoc mengerema kpetiac monggoc anudeac desibesandae.”

2 Tesaronike 2:3

Mongngo faitobangyoac ifia hania hania edengunuu ngeni yoara mi negembisia. Imoc yofiac, Kebuac sike sike naso mi hamanu ngicngac yeni singyoac mi hoanggema ubango ngadehegecde. Ifi anggec singyoac kpekpengic mongngo didiu fingectegerude. Anutungo ngade ngic imoc hofeu ukuude.

2 Tesaronike 2:4

Nga yeng ngic negen negeng sasawa kpedarude. Anutu nga nemu nga noc wiac ngicngac yeneng numuyemmeandae, imoc sasawa kpeyemmeude. Ifi amma ye Anutuac womonnu emma ihai tacma yengenaac deude, “Ni anutunoc.”

2 Tesaronike 2:8

singyoac kpekpe ngic didiu fingectegerude. Fingectegecmanu Kebu Yesungo hama enacasuyango memanganeu kuckperagiayango meickeu kpac anude.

Yohaneac kpefing 11:7

Anu yeri dedekperagingira edeyunudarec wisickeu wasaiyangtoango teng buya kpac, imohacnac erema yerigoc ewema firang amma kpebucyuruude.

Yohaneac kpefing 12:14

Kisanu ngac ye boudzoctoaac kicfunac worama bangeckisiu dokuya kpacfu kenudeac yeneng ngac imoc huntoctoa kpeganga migec. Ye ihai naso mocgu nga naso goa amma naso noboha taru yeni henggareng ammima yaka migecde.

Yohaneac kpefing 12:6

Nga ngac ye worama bangeckisiu dokuya kpacfu kenec. Kenu yeneng ye uameme 2 tauseng 2 handred 60ac (2260) manau nenesemeng mima henggareng ammigecde. Anutungo yeac tatac ihai bic mengereec.

Yohaneac kpefing 13:7

Ayemmeu yeng ngicngac kpetiac yenearu dzikac kpema firang anudeac migec. Migec yeng ngicngac fakaga fakangina nga sebi siric hania hania amma yoacna yoacga nga bangeha bangeha garengyunuudeac uayoac nga kuc migec.