Yohaneac kpefing 11:15 - Deduamiti

¹⁵ Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yoak kekehagocac Dzadzahac gboria nga Mitiyegec

¹⁵ Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkefude.”

Yohaneac kpefing 11:15 ပူးပေါင်းရင်းမြစ်များ

Mitiyegec 110:4

Kebungo yoac yofi bic deseriec, imoc naric mi meickeude, “Geng Melkitsedekac siricfu womonggareng wisic wisickea kpac kecengkecbesannec.”

Mitiyegec 146:10

Kebu Tsionggac Anutu, ye nasoya nasoya geac ngictau anggengkefude. Ye fingecsahega fekefudesoc geac ngictau anggengkecbesande. Kebu eriendzong memini, hallelu Yac.

Mitiyegec 2:2

Bangecac ngictau yeni efaigec ngicenara uayoacnginagoc, yeni kpeturanggema Kebu memagecde. Nga yeng ngic meisinggema kerecdokungo nadzicmiec, ye ifingoc memagecdeac yoac yofi deandae,

Mitiyegec 72:11

Ngictau sasawa yeneng yeac kicfu ngonducnegec bangec monnunac ngicngac yeni sasawango yeac kingang kpemibisia.

Mitiyegec 82:8

O Anutu, bangeha bangeha ngicngacareng sasawa yeni geac. Imocac ge yacma bangecfu desi desi uaga mebesena.

Mitiyegec 86:9

O Kebu, ge bangeha bangeha ngicngacareng meficyununec, yeneng gearu hadacma kicgau fafoc heigemma hama geac kpac kuneng heiwayong memigecde.

Makekeng 15:18

Kebu ye ngictautatac mekecde amma nasoya kpac meengkefude.

Danicel 7:14

Anu yeng garengyunuudeac kuc mima kuc kibikperagiagoc nga eucerereng migec ngicngacareng nga bangecareng amma yoacareng sasawango yeni yeac enactofoc tofohoareng amma eweheimibesandae. Ye ngickuneng amma nasoya nasoya garengyunu kecengkecbesande, imoc wisic wisickea kpac. Yeac eucererenga imoc mong mi kpetotiebesandae, kpac.

Danicel 7:18

Anu eucerereng imoc Engenatoaac kpetiacareng yeni yemmegec megecde. Mema eucerereng imoc tigec enu wisic wisickea kpac nasoya nasoya mekecbesandae.”

Danicel 7:22

Anu kecma mong bicngoc yombong nga nasoya kpac kefecngo, yeng hama yoacngina desiu Engenatoaac kpetiacareng yeneng yoacfu firang anggec. Anu naso dedea hasikeu eucerereng imoc kpetiacareng yemmeu yeneng mema mekecgec.

Danicel 7:27

Anu eucerereng nga ngictau kecgecdeac kuc nga ngickuneng amma garengyunugecdeac kuc imoc Engenatoaac kpetiac ngicngac yeni yemmegec yeneng kurumenggac bageu eucerereng sasawa garengyunuma kecgecde. Yeac eucerereng imoc feengkecbesande. Ifi feu ngictau bangec kucnginagoc sasawa yeni ye eweheimima yoara tofohobesandae.”

Owadya 1:21

Amma Isracelngicngac ngabaunac mesiyunugec yeneng Tsiontikiu emma ihai tacma Edombangecac sifec garenggebesandae. Garenggegec ngictau ua imocngo Kebuac ambeso.

Mika 4:7

Anu neng ngicngacfocna hani mangang tosea damoc meicyunukenggec, yeni meseriyunuba bangecareng kucnginagoc anggecde. Nga Ni Kebu neannaoc Tsion tikiu ngictaungina amma nasoyakpac bubungyunuma kecengkecbesanduae.

Dzekarya 14:9

Anu Kebu yengenaoc bangeha bangehaac ngictau amma kecbesande. Naso imohai Kebu mocgungosac kecbesande amma ye mocgu kpara Kebunoc.

Dzekarya 2:11

Naso imohai bangec homacngo kebuaru hama ngicngacforakecbesandae. Anu yeng botucnginau kecbesande. Naso imohai Kurumenggac wasaiareng habuya habuya yeneac Kebu yengenaocni suenuec imoc hentegecbesandae.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Mataio 24:31

Nga trampet udumengtoa kuneng fingecmanu ye angerofora sueyunuu yeneng kurumenga kurumenga noboc noboc amma bangec tegia noboc noboc 4 imohai kemma Kebu yengenaoc ngicngac meisingyunuec, yeni kpedzucyunubesandae.

Mataio 6:13

Ge faitobannu mi fainununa nga manganaunac mesinunubesena.’

Ruka 1:33

Amma yeng Yakoboac kisicfora yeneac ngictau amma nasoya kpac kefude nga amabangeha garenggeude, imoc wisic wisickea kpac feeng kecbesande.”

Ruka 15:10

Nga ngic kopocsihagoc mongngo ubea merenu Anutuac angero yeni yenahafoc ifingoc sogaigecde, imoc edengunuduae.”

Ruka 15:6

Mekemma ameau kensikema ngic ogofora nga tosofora wegenac kecdae, yeni kpacyunuma yofi edeyunuude, ‘Ngeni hagec nenahafoc sogaini. Ni ramana sufuec, imoc meficgedua.’

Aposoro 4:26

Bangecac ngictau yeni efaigec nga ngicenara uayoacnginagoc, yeni kpeturanggema Kebu memagec. Nga yeng ngic meisinggema kerecdokungo nadzicmiec, ye ifingoc memagecdeac yoac degec.’ (Myeg 2:1-2)

Hebiraio 1:8

Amma Medahaac negemma yofi deec, “Anutu, geac ngictau tatac imoc wisic wisickea kpac amma feengkecbesande. Amma ge eucererenggaac ngictauyasuga mena yoacga imoc dindingac.

Yohaneac kpefing 10:7

Angero wisic wisickeango trampeha fifibeso ammanu udumeng negenggecde, imohai yofi negembisia. Anutungo wanacngicfora profete yoac bic edeyunuec nga Anutuac negen negeng sufu sufuya feec, imocngo naso imohai fingectegerude.”

Yohaneac kpefing 12:10

Nga enacudumengtoa mong kurumennu negemba yofi deec, “Memengerec nga kuc amma eucerereng imocac mingina Anutu. Nga yeac danggunucngic Kristongo yaguc imocac uakibi nga kuc metacde. Ngic tosofocnina yoacfu faiyunukefec, yeng Anutuninaac kicfu hadzing toforec yoacfu faiyunuma kefu yeneng yegoc ewema firang amma ye bic kurumennunac ukugec maec.

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yohaneac kpefing 16:17

Kpedzucyunugec angero 7ngo sokoha sawau kpakeu womonnunac enacudumeng kuneng ngictau tatacfunac hama deec, “Bic fingecdac.”

Yohaneac kpefing 17:14

Amma yeni ramamedahagoc ewemagec yeng firang anude. Imoc yofiac, ramamedaha ye kebu yeneac Kebu nga ngictau yeneac Ngictau. Nga ngicngac kpacyunuyunuya nga segec segereyunuya amma ngicngac ramamedaha negensinggema kecdae, yeni yegoc firang anggecde.”

Yohaneac kpefing 19:1

Imocac ngadeau kurumennu areng kuneng yombong ubaudumeng isoc negemba yofi degec, “Halleluya, memengerec nga kuc kibikperagiagoc, imocngo Anutuninaac ande.

Yohaneac kpefing 19:6

Ifi deu udumeng mong negemba, imoc areng kuneng yeneac enacudumeng isoc anec. Imoc doku homac yeneac udumeng nga gbururungtoaac udumengtoa isocngo yofi degec, “Kebu Anutunina kuctoa minginango ngictau bic amma kecde, halleluya.

Yohaneac kpefing 20:4

Anu ni ngictau tatac homac henai. Ngictau tatac imocac witiau tacgec, yeni ngicngac yoacfu faiyunugecdeac uayoac yemmeyemmea. Amma wasaipusi nga ongea mi numumima kibia mesunginau me maringinau mi megec yeneng Yesuac dedekperagi amma Anutuac yoac dekperagigec. Imocac amma ngic yeneng ubangina herecgegec, yeneac ubaongangina henai. Hemba yeni sasawango kifa 1 tausenggacsoc Kristogoc kecma ngicngac garengyunugecdeac ua megec.

Yohaneac kpefing 8:12

Nga angero mongngo trampeha fifiec. Fifiu wenac nga afo amma asomeng yeneac kperagiaac kuc imohacnac harebecac noboha mocgu (⅓) kundung kpeudeac meickeec. Meickeu hadzing tofocnac yereac kperagiaac kuc imohacnac harebecac noboha mocgu (⅓) mi fingerec.

Yohaneac kpefing 9:1

Angero 5ngo trampeha fifiu ni asomeng mong kurumennunac mamaya henai. Hemba ye teng buya kpac, imocac ki migec.

Yohaneac kpefing 9:13

Nga angero wisic wisickeaac bageau, yeng trampeha fifiu Anutuac hoannu arata golngo memea, imocac tuturungasoc baiha 4, yenearunac enacudumeng mong negennai.