Yohaneac kpefing 10:1 - Deduamiti

¹ Anu ni angero kuhagoc mong hemba kurumennunac maec. Ye hoengngo temboc tembonggea oruhau asommadoc heiec nga kicmesuya imoc wenackiwa isoc amma hanihora imoc wotung isoc gerehagoc.

Yoak kekehagocac Dzadzahac gboria nga Mitiyegec

¹ Anu ni angero kuhagoc mong hemba kurumennunac maec. Ye hoengngo temboc tembonggea oruhau asommadoc heiec nga kicmesuya imoc wenackiwa isoc amma hanihora imoc wotung isoc gerehagoc.

Yohaneac kpefing 10:1 ပူးပေါင်းရင်းမြစ်များ

Mitiyegec 104:3

Ge ama managaac kpete doku witiau mena hoeng imoc geac keretac anu geng firanggac kpegang mema witiau tacma kisanna firangngo meguma kenude.

Mitiyegec 97:2

Hoeng nga kundung kunengngo ye oronggema fedape. Faka dindingac nga sing dindingac, imocngo yeac ngictautatahaac sering seria.

Makekeng 16:10

Anu Aharon ye Isracelkpebung hafoangoc yoac edeyunuma nammanungoc yeni bangec kisiubigeng kic figec kenu Kebuac kuckibikperagia hoeng manau fingeru henggec.

Danicel 10:6

Yeac sebia siriha imoc topas hoc isoc nga kicmesuya imoc piratacac siriha isoc nga kiwa imoc gerecborang isoc amma hanimaria imoc aieng sacsacac pirac pirac ifi isoc anec. Nga yoaraac udumenga imoc habutoa yeneac udumeng isoc anec.

Danicel 7:13

Anu tofocnac gaukpefinnungoc hembare mongngo kurumenggac hoenggoc haec, ye siriha ngicac medacac siric isoc. Yeng bicngoc yombong kefec nga kecereema kecde, yearu hau yeac hoannu hesickegec.

Mataio 17:2

Ihai kecmagec Yesuac sebia kicnginau heimerenec. Heimerenu kicmesuya imoc wenac isoc anec nga ngakpikporuha imoc kongac kpema ama meaiu kperagia fingecande, ifi isoc anec.

Ruka 21:27

Anu naso imohai yeni Ngicac Medac henggec ye kuctoayagoc nga kibikperagitoayagocngo hoeng witiau haude.

Aposoro 26:13

O ngictauna, ni sinnu kembare naso 12 kiroc ammanu kurumennunac kperagi mong kuneng wenacac kperagia ferahade, ifiango mama ni nga arengfocna nerarannunuec.

Yohaneac kpefing 1:7

Henggec, ye hoenggoc hau ngicngac sasawa yeneng kicnginango hendacbesandae nga sebiau nenesari ammigec, yeni kicnginango ye ifingoc henggecde. Nga bangeha bangehaac areng sasawa yeni ye hemma fagung madzacgoc kiacbesandae. O, imoc fora.

Yohaneac kpefing 18:1

Imocac ngadeau hemba angero mong garengyunuudeac uayoac nga kuctoa metarec, ye kurumennunac mau yeac kperagingo bangec mekperagiec.

Yohaneac kpefing 18:21

Anu angero kuhagoc mong, yeng dzamandzingtoa mong mema kondunnu ukuma yofi deec, “Yeni Babilon taongtoa gereagoc kondunnu ifi ukugec monggoc naric mi meficgegecde.

Yohaneac kpefing 20:1

Imocac witiau angero mong henai. Hemba ye kurumennunac maec nga yeng teng buya kpac, imocac ki nga sengtoa mong mariau metarec.

Yohaneac kpefing 4:3

yeac siriha hoc seria nga gombunga kpacngira yaspa nga kaneriang, yeri isoc. Nga asommadoc mong emerare hoc isoc, imoc ngictau tatac yerecgema feec.

Yohaneac kpefing 5:2

Ni angero mong kuhagoc hemba yeng uba kunengngo yofi arohoec, “Merac eweheiheiagocngo kibi mendac mendanggea mekpacgema kpou kpouya imoc witiudeac siriha ande?”

Yohaneac kpefing 8:13

Anu hemba huntoc mong wi kurumeng botuhau kpututuckeu ubaudumenga negembare kunengngoc yofi arohoec, “Angero harebec yeneng trampetngina fifigec arohou ngicngac bangecfu kecdae, ngenearu ubahodung, ubahodung, ubahodung fingerude.”