Yohane 9:31 - Deduamiti

³¹ Nenang yofi negendimbe, Anutungo kopocsicmeme yeneac yoac naric mi negengyemmeude. Anu ngic mongngo eweheimima dedea tofohoande, Anutungo ye negemmiude.

Yoak kekehagocac Dzadzahac gboria nga Mitiyegec

³¹ Nenang yofi negendimbe, Anutungo kopocsicmeme yeneac yoac naric mi negengyemmeude. Anu ngic mongngo eweheimima dedea tofohoande, Anutungo ye negemmiude.

Yohane 9:31 ပူးပေါင်းရင်းမြစ်များ

Fingec fingec 19:29

Anutungo tumiau taong sasawa tackenggec imoc kpetotieyunuec naso imohai Awrahamgac negensima Lot imocac botuhaunac meickeec. Ye taong warac fekenggec Lot ye imohai feyac kengkefec imoc sasawa hembac kpembarackedarec.

Fingec fingec 20:7

Awraham ye neac profete imocac amma ge yeac enema meremmibesena. Anu ge kecnadeac yeng geac numubeso. Anu negennec, ge enema mi meremminadeu ine ge nga wiacfocga ngeni sasawa homedacgede.”

Mitiyegec 106:23

Yeneng ifi anggec yeng kpetotieyunuudeac deu Mose meising ngihango Anutuac kicfu namma yeac herebu menomaneec. Ye ifi mi nambac dede Anutungo kpetotieyunuu kpac ambau.

Mitiyegec 143:10

Ge neac Anutu. Ge imocac songoga kpounenna arenggeba geac Asu gombunggango bangec sorongau hesicnubeso.

Mitiyegec 145:19

Ngicngac eweheihei ammiandae, yeni wiac monggac me monggac ayemmeu yeng imoc yemmeu naric kecgecde. Yeng kpakpacngina negemma ebicfunac mesiyunuude.

Mitiyegec 18:41

Yeni memeficac kiacgec nga ebicfunac mesiyunuudeac ngic mong ine mi tarec. Yeni Kebungo meficyunuudeac kiacgec yeng yoacngina mong mi merenec.

Mitiyegec 40:8

O Anutuna, ni geac songo sogac sogaigoc modacbade nga geac dedeseriyoac imoc herenau fede.”

Mitiyegec 99:6

Mose nga Aharon yereng yeac womonggareng habugoc kefoc nga Samue ye yeac kpac kuneng kpacma nunumu ua mekefec. Yeni desambic ammigec yeng negengyemmema turunga merengyemmekefec.

Mika 3:4

Ngeni faka mangana anggecac amma naso mong habesande imohai ngeniKebuaru kiacgec yeng ngadengunuma turunga mi merengngemmeude.

Dzekarya 7:13

Enu yofi dekperagiyemmeec, “Ngeni dedekperagi yoacna dekperagingemmeai ngeni imocac kedzac mi kpegec, ifi isocngoc ngeni kpacsambic anenggecdeu neng ifingoc ngeneac kedzac mi kpebade.

Yohane 11:22

Nga geng yaguc iwai monggac Anutu kpesimina ye naric genude, imoc negenduae.”

Yohane 15:16

Anu ngeni neac kpacfu wiac monggac kpesigec Manggacngo imoc ngemmeudeac amma neng meisingngunuai. Ngeneng ine ni mi meisinnugec, kpac. Meisingngunuma fora meficgegecdeac uau faingunuai. Nga ngeni kemma fora meficgebisia. Meficgegec fora imocngo fefeseri feengkefude.

Yohane 4:34

Ifi degec Yesungo yofi edeyunuec, “Suenuec, yeac enac tofohoma uaya mekecma mesibade, imocngo yakana ande.

Yohane 7:17

Ni yoac kpoungemmeduae, imoc Anutuarunac me neanna ubanaac deduae, imoc ngic mongngo Anutuac enac tofohobeso negende, yeng negentegerude.

Yohane 9:30

Ifi degec yofi merengyemmeec, “Ngic imoc kicna merecgedac. Nga ye dahacnac haec, imoc ngeni mi negendae. Ni imocac warecngunuduae.

Yohane 9:32

Bicngoc yombong hanahema feerekefecfu siduc mong yofia mi negenning, ‘Ngic mong kicpisic fingecma kecmanu ngic mongngo kiwa merecgeec.’

Hebiraio 10:7

Ifi anu deai, ‘Anutu, negenna, geac songo modacbadeac hayai nga kibi kpoukpouac manau neac yoac oho ohoya fede.’ ” (Myeg 40:6-8 Septuaginta mitikibiunac.)