Yohane 8:6 - Deduamiti

⁶ Yeni Yesungo yoac mong dafi deu negemma yoacfu faini dema faitobang ammigec. Ifi ammigec Yesungo ngonducnema gbongango bangecfu kibi ohoec.

Yoak kekehagocac Dzadzahac gboria nga Mitiyegec

⁶ Yeni Yesungo yoac mong dafi deu negemma yoacfu faini dema faitobang ammigec. Ifi ammigec Yesungo ngonducnema gbongango bangecfu kibi ohoec.

Yohane 8:6 ပူးပေါင်းရင်းမြစ်များ

Fingec fingec 49:9

Yehuda ye laionmedaha isoc. O medacna, ge yang kpema nannec. Ye laionyang isoc ngonducnema fenegenude. Amma ye laionngagera isoc andeac mongngo ye yarudeac naric mi suruckeude.

Mitiyegec 39:1

Ni negen nengengua mema deai, “Nedzarannango kopocsic meficgebaiac nedzaranna nga fakana garenggebade. Ngic Anutu wama magana megecdeac ayemmeande, yeneng nigoc wegenac kecmagec enacbibicna kpae heimiba yoac mong mi debeso.”

Danicel 5:5

Ifi ammagec naso imohaingoc ngicac mari gbongngo fingectegecma ngictauac amatoaac parannu hocweroc kongac kongacngo oho ohoya imohai kifatoa wegenahau kibi ohou fingerec. Anu ngictau ye mari ohoec imoc kiwango henec.

Amosi 5:10

Ngeni ngic yoacfu namma yoacfora desiandae nga ngicngac yoacfora deandae yeni ubango ukuyunuandae.

Amosi 5:13

Ifiac amma naso mangana yofinenggac, negen negengtegehagocngo waickema kefude.

Bangec kisiu 14:22

Ngic sasawango neac kibikperagina henggec amma Aigitabangecfu nga bangeckisiu negensinggegecdeac faka morora mema edzacngunuba imoc hengkecgec, yenennoc faitobannu fainuma ubaudumennaac kedzac mi kpegec, imoc naso ten ande.

Mataio 10:16

Negendae, rama yeneng katekasi yeneac botucfu kecdae, ni siriha imocacsoc suengunuduae. Imocac ngeni boidzoc isoc negen negentegecnginagoc kecbisia nga kebesac neng, yeni isoc manganangina kpac kecbisia.

Mataio 15:23

Deu Yesungo yoac turunga mong mi merenu medacfora yeneng hama igockema degec, “Ngac ye ngadeninau homac kpacdeac suena kenu.”

Mataio 16:1

Farisaio nga sadukaio yeni Yesuaru kemma yeac kuha isinggegecdeac negenggec. Ifi negemma ye faka furia mong kurumennunac meu fingeru edzacyunuudeac kpesimigec.

Mataio 19:3

Anu farisaio yeneng yearu hama faitobannu faigecdeac kpesimigec, “Ngic ye enema wiac hania haniaac amma waude, singngo imoc dede me?”

Mataio 22:18

Ifi degec Yesungo ngabasiricfu degec, imoc negemma yofi edeyunuec, “Ikocngic, ngeni nocac suba idenendae?

Mataio 22:35

yeneac botucfunac dedeseriyoacac negen negengngic mongngo Yesu faitobannu faima kpesimiec,

Mataio 26:63

Ifi deu Yesungo ine waickema nanec. Nanu womonggarengtoango edeec, “Anutu kekec mingina, yeac kicfu kpesigemba ge deserina, geng Messia Anutuac medac me kpac, imoc edenununa.”

Mareko 10:2

Nga farisaio goa yeni ye tobanggegecdeac negemma kpesimigec, “Ngic mong ye enema naric waude, imoc singngo dede me kpac?”

Mareko 12:15

Ifi degec Yesungo ikocfakangina negentegecma yofi edeyunuec, “Ngeni nocac faitobannu fainudae? Ngeni dzo mong meficgema edzacnugec hemba.”

Mareko 3:2

Nga ngic goa yeni Yesu yoacfu faigecdeac negensigec amma ngic imoc sabata nasou mengereude me kpac, imocac hembikecgec.

Mareko 8:11

Farisaio yeneng hama Yesugoc yoacngina engemmama anec. Yeni kuha isinggegecdeac faka kuhagoc mong kurumennunac meu henggecdeac derecgemigec.

Ruka 10:25

Anu dedeseriyoac negen negengngic mongngo hama Yesu faitobannu faiudeac negemma deec, “Kpoukpou, dafi amba kekecseri imoc neac ambesande?”

Ruka 11:16

Anu goa yeneng ine Yesu kuha isinggegecdeac negemma kurumennunac faka kuhagoc mong meudeac edegec.

1 Korinti 10:9

Ni monggoc torokpema deba, goa yeneng Kebu faitobang ammigec boidzoc yeneng yinigec homedacgec. Nenang ifingoc Kristo mi tobanggebisina.