Yohane 8:36 - Deduamiti

³⁶ Imocac Medacngo yungecngunuudeu ngeni witicngina kpac kecgecde.

Yoak kekehagocac Dzadzahac gboria nga Mitiyegec

³⁶ Imocac Medacngo yungecngunuudeu ngeni witicngina kpac kecgecde.

Yohane 8:36 ပူးပေါင်းရင်းမြစ်များ

Mitiyegec 119:133

Faka manganango kekecna garenggeu ngicngac ogofocna memanganeyunubaiac singtitina meserina. Ge yoac deserima denec, imoc modacbesare.

Mitiyegec 119:32

Ge negen negentegecna meyadikecna geac nonoyoacgaac sinnu nedzikecbade.

Mitiyegec 19:13

Ni, kingang ngicgango kopocsicfaka goa yofi negemma mekecbai, “Faka imoc songea andeac angkecbadenoc.” Ni ifi amba geng sinna hedzickena kopocsicngo mi garennubeso. Ge ifi anna ni kopocsic mong mi meficgebade nga singyoac kpema faka mangana mi ambade.

Ruka 4:18

“Kebuac Asungo nigoc kecde nga neng ngicngac makpekpea siduc gombung edeyunubadeac Kebungo dzimbonga nadzicnenec. Ngic witicfu kecdae, yeni witicngina kpac anude nga kicpisicngo kicfifi anggecde, imoc edeyunubadeac yeng suenuec. Suenuu hama ebicgoc kecdae, yeni ebicngina meickema wangecyunubade.

Roma 8:2

Ge Yesu Kristogoc kpeketahema kecna Kekec Asuac dedeseriyoacngo kopocsic nga homecac singyoacac witicfunac yungecguec.

1 Korinti 7:22

Ngic mong ye minginaac wanacngic kecmanu Kebungo kpacma heitaiecfu, yeng naso imohai sifu Kebuac ngic witiha kpac ande. Amma ngic mong witiha kpac kecmanu kparu, yeng sing ifiangoc Kristoac wanacngic anu Kristongo yeac mingina anude.

2 Korinti 3:17

Kebu ye Asu amma Kebuac Asungo ngicfu kefu ngic ye witiha kpac kefude.

Garata 5:1

Nenang witiha kpac kecnideac Kristongo witicfunac yungecnunuec, imocac ngeni serima nambisia. Ngeni monggoc wanac kekecac bageu faingunubauac henghomema kecbisia.