Yohane 8:16 - Deduamiti

¹⁶ Ni tembucna ua imoc mi mekecduae. Manggac suenuec, yegoc ua mekecdipe. Imocac neng desi desiua meduaeu imocngo foragoc ande.

Yoak kekehagocac Dzadzahac gboria nga Mitiyegec

¹⁶ Ni tembucna ua imoc mi mekecduae. Manggac suenuec, yegoc ua mekecdipe. Imocac neng desi desiua meduaeu imocngo foragoc ande.

Yohane 8:16 ပူးပေါင်းရင်းမြစ်များ

Mitiyegec 98:9

Kebungo desi desi ua meudeac bangecfu hade. Imocac yeac kicfu yegec heibisia. Ye faka dindingacfu bangectoa bangecac ngicngacareng isingyunuma yoacngina desima monde mondea kpac kecma ngiha ngiha faka angammemengina isinggema yoacfu desiude.

Mitiyegec 99:4

Ngictau ye kuctoayagoc. Ye faka dindingac fingerudeac ammide. Geng faka mongang mongangga kpac, imoc faina seria fede. Ge Yacakowac areng yeneac botucfu faka angammemengina isinggema yoacfu desima sing dindingac modacma yoacngina desinec.

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Yohane 16:32

Negenggec, naso mong hade nga bic hadac imohai ngeni ni tembucna wanuma ticpac tohoma sinsararang kpema tembuc tembuc amanginasoc kenggecde. Nga tembucna mi kecbade, nocac Manggacngo nigoc kefude.

Yohane 8:29

Suenuec, yeng nigoc kecde. Ni yeac songo modacma ua mekecduae. Imocac amma ye wanuu tembucna mi kecbade.”

Aposoro 17:31

Yeng bicngoc naso mong deec, imoc fede. Naso imohai bangeha bangeha ngicngac hanianina desima turunga dindingac merennemmeude. Amma ngic mong ye ua imocnoc meudeac demiec, ye ngic imoc edzacnunuudeac homecfunac megboriu yarec.”

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.