Yohane 7:30 - Deduamiti

³⁰ Ifi deu yeni mendanggema witicamau faibesonga negenggec. Nga nasoya mi haecac mongngo mi kpeserema megec.

Yoak kekehagocac Dzadzahac gboria nga Mitiyegec

³⁰ Ifi deu yeni mendanggema witicamau faibesonga negenggec. Nga nasoya mi haecac mongngo mi kpeserema megec.

Yohane 7:30 ပူးပေါင်းရင်းမြစ်များ

Mitiyegec 76:10

Bangecngic yeneac herebu, imocngo ge dengereguude. Ge herebuac tosea kebanggau dzegena dzikacac wiacga ande.

Mataio 12:14

Nga farisaio yeni mama kemma adzoroma tacma Yesu kpegecdeac dekiric anggec.

Mataio 21:46

Yeni ifi negenggec nga habu yeneng yeac profete degecac yeni ine Yesu mendanggegecdeac kengecyunuu osima wagec.

Mareko 11:18

Ifi deu womonggareng enara nga mitiac negen negengngic yeneng imoc negemma ye kpegecdeac sing hofocgec. Nga habu sasawango yeac kpoukpouyaac negenggec engena anec nga yeni ine yeac kengecyunuec.

Ruka 20:19

Mitiac negen negengngic nga womonggareng enara yeni imohaingoc ye mebeso anggec. Yesungo yeneac yoac heima deec, imoc bic negenggec amma ngicngac yeneac kengecyunuu ine wagec.

Ruka 22:53

Ni Anutuac womonnu wenacsoc ngenigoc kecbareng ngeni sifu imohai mi menugec. Nga yaguc ine ngeneac naso anu kundunggac kucngo garenggac tatac mekecde.”

Yohane 10:31

Ifi deu yudangic yeneng hocngo heigecdeac hoc monggoc megec.

Yohane 10:39

Ifi deu yeneng monggoc mendanggebeso anggec, yeng maringinaunac hesima woraec.

Yohane 11:57

Nga womonggareng enarafocngina nga farisaio yeneng deserima ngicngac yofi edeyunugec, “Yesu dahai kecde, imoc mongngo meficgema edenunugec mendanggema mebisina.”

Yohane 7:19

Mosengo dedeseriyoac ngemmeec, fora. Nga ngenearunac ngic mongngo imoc ine mi modackecde, kpac. Amma ngeni nocac nuhomebeso negendae?”

Yohane 7:32

Habutoa yeneng ifi dema sangicfu yoac denengeng anggec. Anggec farisaio yeneng imoc negemma womonggareng enarafocngina yenigoc kpedzucnema keracnatang sueyunugec Yesu mendanggema witicamau faigecdeac kenggec.

Yohane 7:6

Ifi anggec Yesungo yofi edeyunuec, “Neac naso mi hadac nga ngeneac naso, imoc ine nasosoc feude.

Yohane 7:8

Ngeni hombannu kenggec nga ni ine bic mi kembade nocac neac nasoyombong mi ande.”

Yohane 8:20

Yoac imoc, womonggac mana monnu soikia katapa tarecfu, imohai ngic edekpou ayemmeec. Nga ngic mongngo mendanggema witicamau mi faigec nocac ye ifi ammigecdeac naso mi anec.

Yohane 8:37

Ngeni Abrahanggac kisicfora, imoc negenduae. Neac yoacac titinga mong ine ngeneac ubahereu mi nandeac nuhomebeso efaidae.

Yohane 8:59

Ifi deu yeni hoc mema heibeso anggec yeng sufu sufuu womong ngadeau kemeec.

Yohane 9:4

Suenuec, nenang yeac ua wenacfungoc mekecbisina. Nga ama toforemanu mongngo ua naric mi meude.