Yohane 7:24 - Deduamiti

²⁴ Ngeni kicnginango sebiu heheng imohai mi isinggema debisia. Ngeni ine yoac dindingac negengising amma debisia.”

Yoak kekehagocac Dzadzahac gboria nga Mitiyegec

²⁴ Ngeni kicnginango sebiu heheng imohai mi isinggema debisia. Ngeni ine yoac dindingac negengising amma debisia.”

Yohane 7:24 ပူးပေါင်းရင်းမြစ်များ

Mitiyegec 82:2

yofi dede, “Fakangina yomoc mi ngereede, ngeni sing dindingac wama ngic yoacngina desiandae. Ngeni monde monde angandae nga ngic Anutu ngadehema mangana megecdeac ayemmeude, ngeni yeni meficyunukecdae nga fakangina imoc mi wisickede, kpac.” Selac

Dzekarya 7:9

“Kurumenggac wasaiareng habuya habuya yeneac Kebu yeng yofi dede, ‘Ngeni demengereac sing imoc gombunga modacma ubamangang angemema wosoefacgoc kecbisia.

Yohane 7:25

Ifi deu Yerusaleng taonggac ngic goango kpesiemegec, “Ngic imoc kpehomebeso dedae me?

Yohane 8:15

Ngeni bangecngic siricnginau ngicngac fakangina isinggema haniangina deandae. Neng ngic mong isinggema hania dede ua mi mebade.

2 Korinti 10:7

Anu ngic mongngo deudeu, “Ni Kristoac ngic.” Ye yengenaoc imoc negengemeu, neni ye isocngoc Kristoac ngic kecdimbe. Ye ifingoc yengenaoc negengemebeso. Mongngo ifi negemmanu fakanina imoc yearu ireckeude.

Yakobo 2:1

Tosofocna, Kebunina Yesu Kristo ye kuc nga kibikperagiagoc kecde. Nga ye negensinggedae, ngeni ngic engena mamea sebinginaac sirihau faka ayemmeandae, imoc naric mi ngereede.

Yakobo 2:4

Ifi anggecdeu ngeni ngenaocngoc siricngina hentegecma sing manganau ngicngac ogofocngina isingyunugecde nga imocngo mi ngereede.

Yakobo 2:9

Nga ngeni ngic engena mamea sebinginaac siricfu ayemmeandaeu kopocsic meficgegecde. Nga dedeseriyoacngo manganangina dekperagima singyoac kpekpe, ifi dengemmeude.