Yohane 5:28 - Deduamiti

^28-29 Ngeni yoac imocac kerectegec mi ambisia. Imoc yofiac, ngicngac kicsereu fedae, yeni sasawango naso mong hau ubaudumenga negemma kicsereunac eregecde. Faka gombunga angkecma homegec, yeni kekec megecdeac yacgecde. Nga faka mangana angkecma homegec, yeneng yoacfu nanggecdeac yacgecde.

Yoak kekehagocac Dzadzahac gboria nga Mitiyegec

^28-29 Ngeni yoac imocac kerectegec mi ambisia. Imoc yofiac, ngicngac kicsereu fedae, yeni sasawango naso mong hau ubaudumenga negemma kicsereunac eregecde. Faka gombunga angkecma homegec, yeni kekec megecdeac yacgecde. Nga faka mangana angkecma homegec, yeneng yoacfu nanggecdeac yacgecde.

Yohane 5:28 ပူးပေါင်းရင်းမြစ်များ

Danicel 12:2

Anu bangec manau fekendae yenearunac homacngo gborima yacma goa yeni kekecseri mema kecgecde nga goa yeni ine ebic manau yofi kecgecde, ngadeyunuma game kpekpeu faiyunugec ifi kecengkecbesandae.

Yohane 3:7

Ngeni fingec fingec gboriau fingecgecdeac edeguba mi kpidohona.

Yohane 4:21

Ifi deu Yesungo yofi edeec, “Ngac negensinnuna, naso mong wegeneude, imohai ngicngac ngeneng tikibuma yomohai nga Yerusalennu Anutu monggoc mi afehegecde.

Yohane 4:23

Naso mong hama kecde nga bic hadac, imohai ine dedengerec ngicngac fora, yeni ongaasungina forango Manggac dengeregecde. Manggacngo nunumu areng ifia yeneac negenu ngereeude.

Yohane 5:20

Imoc yofiac, Manggac ye Medaha songogoc hoanggema ua mede, imoc sasawa edzahekecde. Nga ua sasawa meu hengandae, imocac engenatoa edzaheu meu ngeni imoc hemma kerectegec anggecde.

Yohane 5:25

Foracngoc, ngicngac bic homegec, yeneng Anutuac Medacac ubaudumeng negemma kekec megecde. Naso imoc haude nga yaguc bic hadac, imoc edengunuduae.

Aposoro 24:15

Amma kecma ngic mangana nga gombunga homecfunac yacyac nasoya haude, ngic yomoc yaguc nesunggedae, yeni nga ni nenahafoc wiac imoc fingecbesandeac negensinggema kecdimbe.

Aposoro 3:12

Ifi anggec Petorongo yenemma ngicngac yofi edeyunuec, “Isracel ngicngac, ngeni ngic yomoc hemma kerectegec mi ambisia. Amma ngeni neri mi nerenseribisia. Faka imoc nereac kucac mi fingecdac nga imoc nereng Kebuac kicfu gombunga kecdipeac mi fingecdac.

1 Korinti 15:22

Ngicngac sasawango Adanggac amma homec meficgegec yeni sasawango ifi isocngoc Kristoac amma gborigecde.

Firipi 3:21

Ye wiac sasawa yengena bageu faiudeac kuc femide. Amma yeac kuc imocngo bangecsebinina makpekpea heimerenu yengena sebi isoc kuc nga kibikperagiagoc anude.

Yohaneac kpefing 20:12

Nga ngicngac kuneng kapia bic homegec yenenai. Yenemba yeni Anutuac kicfu nammagec kibi homac mesima kibi mong kpara Kekecac kibi mesigec, kibi imohai homegec yeneac angammemengina oho ohoya fede. Nga yeni imoc hemma yoacngina desigec.