Yohane 5:25 - Deduamiti

²⁵ Foracngoc, ngicngac bic homegec, yeneng Anutuac Medacac ubaudumeng negemma kekec megecde. Naso imoc haude nga yaguc bic hadac, imoc edengunuduae.

Yoak kekehagocac Dzadzahac gboria nga Mitiyegec

²⁵ Foracngoc, ngicngac bic homegec, yeneng Anutuac Medacac ubaudumeng negemma kekec megecde. Naso imoc haude nga yaguc bic hadac, imoc edengunuduae.

Yohane 5:25 ပူးပေါင်းရင်းမြစ်များ

Ruka 15:24

Medacna yomoc ye bic homeec, ifi negening ammanu ye kekec monggoc meficgedac. Ye sufuecfunac monggoc meficgeding.’ Ifi deu yeni nesogaitoa anggec.

Ruka 15:32

Nga nenang yaguc ubangerec negemma nesogai ambisina. Munaga yomoc ye bic homeec, ifi negening ammanu ye kekec monggoc meficgedac. Ye sufuecfunac monggoc meficgedinggac ifi anni.’ ”

Ruka 9:60

Ifi deu meremmiec, “Homec yeni yenaocngoc tonggoemegec nga geng ine wayunuma kemma Anutuac eucerereng dekperagima kecbesena.”

Yohane 13:1

Makekenggac hombang nasoac tofocnac mocgu femanu Yesungo bangec yomoc wama Manggacaru dzigeneudeac nasoya wegeneec, imoc bic negengemeec. Ifi negemma bangecfu wiacfora yeneac heresongoya fekefec, imoc hafoangoc edzacyunumaguc kekeha wisickebeso, ifi negenec.

Yohane 17:1

Yesungo yoac imoc dema kiwa kurumennu fiu enu yofi numuec, “Manggac, naso bic hadac. Ge medacgaac kuc nga kibikperagi ngicngac mekperagiyemmena. Ge ifi anna Medacngo ifingoc geac kuc nga kibikperagi ngicngac mekperagiyemmeude.

Yohane 4:21

Ifi deu Yesungo yofi edeec, “Ngac negensinnuna, naso mong wegeneude, imohai ngicngac ngeneng tikibuma yomohai nga Yerusalennu Anutu monggoc mi afehegecde.

Yohane 4:23

Naso mong hama kecde nga bic hadac, imohai ine dedengerec ngicngac fora, yeni ongaasungina forango Manggac dengeregecde. Manggacngo nunumu areng ifia yeneac negenu ngereeude.

Yohane 5:21

Manggacngo ngic homemea midiyunuma megboriyunukecde, ifi isocngoc Medacngo ngic megboribeso negemmiu ngereeu megboriude.

Yohane 5:28

Ngeni yoac imocac kerectegec mi ambisia. Imoc yofiac, ngicngac kicsereu fedae, yeni sasawango naso mong hau ubaudumenga negemma kicsereunac eregecde. Faka gombunga angkecma homegec, yeni kekec megecdeac yacgecde. Nga faka mangana angkecma homegec, yeneng yoacfu nanggecdeac yacgecde.

Yohane 6:60

Ifi deu negemma medacfora yenearunac homacngo degec, “Kpoukpou imoc ebihagoc, mongngo imoc negemma naric mi modarude.”

Yohane 8:43

Nga ngeni ine yoacnaac kedzac kpegecdeacsoc mi ande, imocac amma ngeni yoac deanduae, imoc mi negentegecdae.

Yohane 8:47

Anutuac arengfora yenennoc yoara negenggecde. Ngeni ine Anutuac arengfora kpac, imocac yeac yoac mi negenggecde.”

Yohane 9:27

Ifi degec yeng merengyemmeec, “Ni imoc bic edengunudacdua nga ngeni ine nearu kedzac mi faidau. Ngeni nocac monggoc negembeso andae? Ngeni ifingoc yeac medacfora ambeso negensidae me?”

Roma 6:4

Nga doku nadzicni Anutungo yegoc tonggonunuu homecfu kemeing. Manggac ye kuc nga kibikperagitoayango Yesu homecfunac megboriu kekec gboriau enec. Enu nenang ifingoc kekec gboriau kecnideac yegoc torokpenunuec.

Efeso 2:1

Ngeni warac Anutuac sing ferahema kopocsicgoc amma ongaasungina homemea kecma

Efeso 5:14

Imocac siriha yofi, wiac sasawa kperagiango henu meaiude. Imocacnoc yofi dedea, “O, ngic gau fema kecnec, ge gborima homecfunac yacna. Ifi anna Kristongo mekperagiguude.”

Kolosai 2:13

Anu ngeni warac homemea kecma uba eseangina mi herec herecgea Anutuac yoac kpekecma singa ferahegec. Nga yeng Kristogoc megboringunuma yoackpekpengina sasawa wangemmedacma monggoc mi negensiec.

Yohaneac kpefing 3:1

“Ge Sarde kpebung yeneac angeroaru kibi yomoc ohoma faina kenu.” “Ngic Anutuac asu 7 nga asomeng 7 metacde, yeng ngeneac yofi dede, ‘Ni angammemega negendacduae. Ge naric kecnec degengandae nga sifu homemea siric kecnec.