Yohane 5:22 - Deduamiti

^22-23 Manggacngo ngic angammemengina mi desiude, kpac. Ngic sasawango Manggac eweheimiandae, ifi isoc Medac eweheimigecdeac yeng desi desiua Medahaac mariu faidarec. Nga ngic mong ye Medahaac eweheihei mi ammiande, yeng Manggac sueec, ye ifingoc eweheihei mi ammiude.

Yoak kekehagocac Dzadzahac gboria nga Mitiyegec

^22-23 Manggacngo ngic angammemengina mi desiude, kpac. Ngic sasawango Manggac eweheimiandae, ifi isoc Medac eweheimigecdeac yeng desi desiua Medahaac mariu faidarec. Nga ngic mong ye Medahaac eweheihei mi ammiande, yeng Manggac sueec, ye ifingoc eweheihei mi ammiude.

Yohane 5:22 ပူးပေါင်းရင်းမြစ်များ

Mitiyegec 96:13

Kebungo hadeac amma yeac kicfu sogaibisia. Ye bangecfu desi desi ua meudeac hama bangec sasawa faka dindingacfu isingyunuma ngiha ngiha faka forau yoacngina desiude.

Mitiyegec 98:9

Kebungo desi desi ua meudeac bangecfu hade. Imocac yeac kicfu yegec heibisia. Ye faka dindingacfu bangectoa bangecac ngicngacareng isingyunuma yoacngina desima monde mondea kpac kecma ngiha ngiha faka angammemengina isinggema yoacfu desiude.

Mataio 11:27

Mannango wiac sasawa nenu neng imoc mekecduae. Nga ngic mongngo Medac naric mi negemmide, Manggacngosac negemmide. Ifi isocngoc mongngo Manggac naric mi negemmide, Medacngosac ine ye negemmide. Amma Medacngo ngicngac meisingyunuma edzacyunuande, yeneng ifingoc Manggac negemmigecde.

Mataio 16:27

Nga Ngicac Medacngo Mamaarunac kuc nga kibikperagiagoc angerofora yenigoc hama ngicngac sasawa angammemengina angandae, imocac sirihau turunga kpouyemmebesande.

Mataio 28:18

Nga Yesungo kicnginau hama yofi edeyunuec, “Negenggec, bangec nga kurumenggac kuc sasawa ni bic nendac nendara.

Yohane 17:2

Geng bangecngicngac sasawa yeac kuc bageau faiyununec. Nga yeac areng denec yeng kekecseri yemmeudeac yeni yeac bageau kecgecdeac uayoac nga kuc ye minec.

Yohane 3:35

Manggacngo heregoc Medahaac songo negemma wiac sasawa mariau faiec.

Yohane 5:27

Nga Medaha ye Ngicac Medac, imocac amma Manggacngo ngic isingyunuma desiyunuudeac kuc miec.

Yohane 9:39

Nga Yesungo yofi deec, “Ni fakanginaac ising ising fingerudeac bangecfu mayaiac ngic kicpisicngo kicfifi anggecde nga kicfifi yeni kicpisic anggecde.”

Aposoro 10:42

Nga Anutungo ngic yenoc ngic gbori nga homemea angammemenina desiudeac gununggeec, yoac imocac hepuc amma ngichabu gorongina kpema desaheyemmenideac denemmeec.

Aposoro 17:31

Yeng bicngoc naso mong deec, imoc fede. Naso imohai bangeha bangeha ngicngac hanianina desima turunga dindingac merennemmeude. Amma ngic mong ye ua imocnoc meudeac demiec, ye ngic imoc edzacnunuudeac homecfunac megboriu yarec.”

Roma 2:16

Imoc Anutuac desi desi nasotoau fingectegeru henggecde. Ni siduc gombung Yesu Kristongo nenec, imoc yofi dekperagianduae, Anutungo nasotoau ngicngac yeneac negen negeng sufu sufuya feec nga fede, imoc isinggema desibesande.

2 Korinti 5:10

Nenang sasawa Kristoac ising isinggac tatahau kembisina. Kenni yeng naso imohai faka nga angammemenina gombunga nga mangana angkefing, imocac turunga kpounemmeude.

2 Timoteo 4:1

Yesu Kristongo eucererengau fingecma namma gbori nga homemea isingyunuma desiyunubesande. Ni yeac nga Anutuac kicfu serima edeguduae,

1 Petoro 4:5

Anu Anutungo ngic gbori nga homemea angammemengina desiudeac efaima kecde, yearu haniangina debisia.