Yohane 4:18 - Deduamiti

¹⁸ Ge ngic 5 bic meyununec nga ngic yofinenggac mena ngerahafoc kecdape, ye geac ewega kpac.”

Yoak kekehagocac Dzadzahac gboria nga Mitiyegec

¹⁸ Ge ngic 5 bic meyununec nga ngic yofinenggac mena ngerahafoc kecdape, ye geac ewega kpac.”

Yohane 4:18 ပူးပေါင်းရင်းမြစ်များ

Fingec fingec 20:3

Hau Anutungo ine Awimelec tofocnac monnu gaukpefinnu fingecmima yofi dema edeec, “Ge ngac imoc medanggac homecac areng annec. Ngac imoc ye ngic monggac enema.”

Fingec fingec 34:2

Kenu bangec imocac ngickuneng hiwingic Hamor yeac medaha Sehem ye naroang imoc henec. Hemma wangecma kemma yegoc fema faka gameagoc ammiec.

Fingec fingec 34:31

Ifi deu yeri yofi deoc, “Ye nainnina singtoangac isoc faka gameagoc ammiu naric mi andac!”

Bangec kisiu 5:29

Negeunggac singyoac imoc yofi, ngac mongngo eweagoc kecma sing segema Kebuac hehenu wonongagoc anudeac angemeude

Mareko 10:12

Nga ngac mongngo ewea wama ngic mong meude, ye serofaka ammiude.”

Yohane 4:16

Ifi deu Yesungo yofi meremmiec, “Ge kemma ewega dena haec.”

Yohane 4:17

Ifi deu ngacngo deec, “Ni ewena kpac.” deu Yesungo yofi edeec, “Ni ewena kpac, ge fora denec.

Yohane 4:19

Ifi deu ngacngo deec, “Kebu, ge profete, imoc gentegecduae.

Roma 7:3

Nga ewea gbori kecmanungoc ngac ye ngic monggaru kenudeu yeac serongac degecde. Nga ewea homeudeu ine ngac ye dedeseriyoacac witicfu monggoc mi kefude. Ye naso imohai ngic monggac ngac anudeu serongac mi anude.

Hebiraio 13:4

Nga eweeneng memeturanggac fakaya imoc eweheiheiagoc ambeso. Nga eweeneng yerahafoc fefengira eweheimiec imocngo wononga kpac febeso. Noac, Anutungo kaisero ngicngac haniangina isinggema turunga yemmeudenoc.

Ruti 4:10

Amma ni Mahelonggac kpac heigboriba bangec yombonga nganoc engngoc feudeac hotseha mocawngac Ruti meba enenna anude. Amma yeac kpac daramunafora yenearu nga taonggac odanaguyau oho ohoya feude. Imocac ngeni yaguc hepuc annendaenoc.”