Yohane 4:10 - Deduamiti

¹⁰ Ifi deu Yesungo yofi edeec, “Ge Anutu haringaac hania nga merang dokuac kpesigende, imoc negentegecma kpesimibang debac yeng doku kekehagoc gembac.”

Yoak kekehagocac Dzadzahac gboria nga Mitiyegec

¹⁰ Ifi deu Yesungo yofi edeec, “Ge Anutu haringaac hania nga merang dokuac kpesigende, imoc negentegecma kpesimibang debac yeng doku kekehagoc gembac.”

Yohane 4:10 ပူးပေါင်းရင်းမြစ်များ

Mitiyegec 10:17

O Kebu, ngicngac yumia yeneng heresongongina edegugec ge imoc negemma herengina meseriyemmenade. Yeni kpacgugec ge kedzacga yenearu faina.

Mitiyegec 46:4

Doku mong mahama Anutuac taonnu sogac sogai meficgede. Anutu Engenatoango kpetiac ama imohai kecde.

Makekeng 17:6

Negennec, ni edi Horew tiki haniau hoc witiau ihai hoanggau nambade. Nambareng ge hoc kpena doku eremau ngicngac yeni nebisia.” Ifi deu Mose ye isracel enarafocngina yeneac kicfu ifinoc anec.

Dzekarya 13:1

Kecma nasoya hasikebesandeu Dawidac kisic nga Yerusalaimgac ngicngac yeneac amma dokukiwa gboria mong erema doku imocngo kopocsicngina nga seucfakangina imoc sasawa dzuacdacbesande.

Dzekarya 14:8

Naso ihai Yerusalaim imohacnac doku sike sikeango erema tohoma nobohango wenac ere ereaubigeng dzohontoau kemebesande nga noboha wenac keme kemeaubigeng kondunnu kemebesande. Amma doku imocngo wenacnasou nga nomangnasou erema kemma febesande.

Ruka 11:13

Ngic ngeni mangana angandaengo sifu nambaracfocngina ubangerecac wiac gombunga yemmegecdeac negentegecdae. Imocac yofi negenggec, kurumeng Mangnginango fakangina gombunga imoc homac feraheu ngicngac Tiri Asuya yemmeudeac kpesimidae, yeni Tiri Asuya naric yemmeude.”

Yohane 16:3

Yeni Manggac nga ni mi negennurudaeac ifi anggecde.

Yohane 17:3

Anu yeni Anutu mocgungo fora kecde amma yeng Yesu Kristo sueu maec negennurugecde, imocngo kekecseriac hania.

Yohane 3:16

Imoc yofiac, Anutungo bangectoa bangecfu ngicngac ngeneac noc isoc ammiecac Medaha mocgu faiu bangecfu maec. Imocac ngic mongngo ye negensinggeude, ye manganau mi kemeude yeng ine kekecseri meude.

Yohane 4:14

Nga mong ye neng doku miba neude, yeng dokuac monggoc mi ammiude nga ammibesande. Nga doku mibade, imocngo yearu dokukiwa sike sikea fingecma kekecseri meficgemiude.”

Yohane 6:35

Ifi degec Yesungo yofi edeyunuec, “Ni neannaoc yaka kekehagoc, imocac ngic mong ye nearu haude, yeng yakaac mi homeude nga mong ye ni negensinnuude, yeng dokuac monggoc mi ammiude.

Yohane 6:51

Ni neannaoc yaka kekehagoc amma kurumennunac mayai. Ngic mong ye yaka imoc neudeu ye kekecseri meficgema kechereema kecbesande. Yaka imoc fusina. Ngicngo kekec meficgegecdeac yemmebade.”

Aposoro 9:11

deu Kebungo yofi edeec, “Ge yacma sing kpara Dindingac deandae, ihai kemma Yudaac amau emma ngic mong kpara Sauro, Tarso taonnunac, ye hofocma meficgebesena. Negenna, ye numuma tacde.

Roma 8:32

Anutungo Medacyombonga mi segerema sasawa nenanggac amma ngaba yeneac mariu waec. Nga nenanggac waecac amma ye ifingoc ubangerehaac torokpema Medahagoc wiac sasawa nemmeude.

1 Korinti 1:30

Anutungo negengngemmeecac ngeni Yesu Kristogoc kpeketahema kecdae. Yeng Yesu sueu Anutuac negen negentegec botucninau mehaec. Mehau nenang Anutuac kicfu dindingac nga kpetiac annideac yeng kopocsicac witicfunac mesinunuec.

1 Korinti 10:4

Asuac hoc peperandzingo modacyunuu hoc ihacnacnoc doku mau yeni sasawango Asuac doku siriha mocgu nekenggec. Nga hoc peperandzi imoc Kristonoc.

2 Korinti 9:15

Anutungo wosoefacfu wiac nemmeande imoc wiac engena anu imoc yoacngo dafi debesonga obohodimbe. Neni dengereni.

Efeso 2:8

Imoc yofiac, ngeni Yesu negensinggegecac yeng danggunuha ngemmema kopocsicac ebicfunac mesingunuu komoc kpegecde. Nga imoc ngenang gombunggac kpac. Anutungo wosoefahaac amma wiac imoc ngemmeec.

Hebiraio 6:4

Imoc yofiac, ngicngac goa yeni kperagi bic yemmeyemmea nga kurumenggac ubangerecac yaka nehemma Tiri Asugoc bic anggec.

1 Yohane 5:20

Anu nenang yoac fora Mingina negemminideac Medahango hama negen negentegec nemmeec, imoc negendimbe. Amma Anutu yoac fora mingina, yeac heremanau nga Medaha Yesu Kristo, yeac heremanau momoc kecdimbe. Yennoc Anutu fora amma kekecseri.

Yohaneac kpefing 21:6

Dema monggoc edenuec, “Imoc bic fingecdac. Ni A nga Y, hanac hanahea nga wisic wisickea. Ngicngac mongngo dokuac ammide, ye dokukiwaunac kekecac doku eng neudeac mibade.

Yohaneac kpefing 22:17

Asu nga enembingeha yeri yeac, “Ge hana.” ifi deec mongngo imoc negende, yeng, “Ge hana.” ifi debeso. Mong ye dokuac homeande nga dokuac ammiande, yeng hama kekecac doku buma kpac eng mema nebeso.

Yohaneac kpefing 7:17

Imoc yofiac, ramamedaha ngictau tatacac dzongiau nande, yeng ramagarengngina amma kekecac dokukiwau hesicyunuude. Nga Anutungo kickumangina sasawa kicnginaunac mekerenggeude.”