Yohane 19:6 - Deduamiti

⁶ Ifi deu womonggareng enara nga keracnatang yeneng ye hemma kpacgec, “Mariponnu kpegec, mariponnu kpegec!” Ifi degec Piratongo deec, “Ni yeac kopocsic mong mi meficgeduaeac amma ngenaoc wangecma kemma mariponnu kpegec.”

Yoak kekehagocac Dzadzahac gboria nga Mitiyegec

⁶ Ifi deu womong gareng enara nga keracnatang yeneng ye hemma kpacgec, “Mariponnu kpegec, mariponnu kpegec!” ifi degec Piratongo deec, “Ni yeac kopocsic mong mi meficgeduaeac amma ngenaoc wangecma kemma mariponnu kpegec.”

Yohane 19:6 ပူးပေါင်းရင်းမြစ်များ

Mataio 26:58

Yeni Yesu mendanggema ifi mekemmagec Petorongo ngadenginau hereaungoc Yesu modacma kenec. Kensikema, Yesuac yoac desigecde, imoc negenudeac womonggarengtoaac ama imocac oda manau kemema uamedac yeneac botucfu matarec.

Mataio 27:22

Ifi degec kpesiyemmeec, “Ifi anu Yesu, kpara mong Kristo deandae, yeac dafi ambade?” Kpesiyemmeu yeni sasawango degec, “Ye mariponnu kpena homeu.”

Mataio 27:24

Ifi dema nanggec hemma Piratongo yoac dindingac deudeac obohoec. Nga yeni ine serima kpacma nanggec kpeborongtoa hanahema fingeru yeng doku mema ngicngac habutoa kicnginau namma maria dzuacma yofi deec, “Ngic yomocac sacac kopocsic, imocngo nearu mi tacbeso, imoc ngenearu febeso.”

Ruka 23:4

Anu Piratongo womonggareng enara nga habu yeneac deec, “Ngic yomocngo singyoac mong mi kpeec, ni kopocsiha hofocduae.”

Yohane 18:3

Ye ifi negemma womonggareng enara nga farisaio yeneac wasaingicfocngina amma kingangngicfocngina goa meyunuu hagec. Hama yenahafoc kifa hania hania nga yareac wiac goa momoc mekenggec.

Yohane 18:31

Ifi degec Piratongo yofi edeyunuec, “Ifi anu ngeni mekemma ngenang singngina modacma fakaya isinggema desigec.” Ifi deu yudangic yeneng degec, “Neni ngic mong kpeni homeudeac kuc mi metacdimbe.”

Yohane 18:38

Ifi deu Piratongo deec, “Nga nocngo yoac fora ande?” Ifi dema monggoc Yuda yenearu dzigene mama yofi edeyunuec, “Ni yeac kopocsic mong mi meficgeduae.

Yohane 19:15

Ifi deu yeni kpacgec, “Meickena, meickema mariponnu kpena homeu!” Ifi kpacgec edeyunuec, “Ni ngictaungina mariponnu kpeba homeudeac negendae me?” Ifi deu womonggareng enara yeneng meremma degec, “Ngictaunina imoc Sisa, mong mi kecde, kpac.”

Yohane 19:4

Anu Piratongo monggoc ngadeau mama deec, “Negenggec, ni ngic yeac kopocsic mong mi meficgeduae, imoc negenggecdeac amma wangecma maduae.”

Aposoro 2:23

Yeacnoc Anutungo bicngoc negenu feec, imocac sing desima ngeneac mariu faiec. Ngeneng ye bangec monnunac ngic, dedeseria kpac kecdae, yeneac mariu faima edeyunugec yeni ye mariponnu kpegec homeec.

Aposoro 7:52

Kisicfocngina yeni profete sasawa yunukporac ayemmegec. Profete yeneng dindingac mingina fingecbesandeac kpefingyoac degec nga ngeneac kisicfocngina yenennoc yenahafoc profete imoc yunugec. Kecma Ngic Dindingac yengena fingeru ngenennoc doc mema ye kpehomegec.