Yohane 17:22 - Deduamiti

²² Nerang mocgu kecdipe, ifi isoc yeni mocgu kecgecdeac amma geng kuc kibikperagiagoc nennec, imoc bic yemmeai.

Yoak kekehagocac Dzadzahac gboria nga Mitiyegec

²² Nerang mocgu kecdipe, ifi isoc yeni mocgu kecgecdeac amma geng kuc kibikperagiagoc nennec, imoc bic yemmeai.

Yohane 17:22 ပူးပေါင်းရင်းမြစ်များ

Mareko 6:7

Yesungo medacfora 12 kpacyunuma yohockang yohockang hendzicyunuma asu seuhagoc kporacgecdeac uayoac nga kuc yemmema sueyunuec.

Ruka 22:30

Kecma ngeni eucererennau yaka nga doku nema tacgecde. Amma ngeni ifingoc ngictautatac mema Isracel kisic 12 yeneac fakangina isinggema desibesandae.

Yohane 1:14

Anu enacyoacngo sebifusiagoc amma botucninau kefec. Kefu medac mocgungo fingecma Manggacarunac kuc nga kibikperagia mekefec, kuc nga kibikperagia imocnoc hening. Henni yearu danggunuc nga yoac fora wake wakea fede.

Yohane 1:16

Dedeseriyoacngo Mosegoc hau yearunac meing nga danggunuc amma yoac fora imoc Yesu Kristogoc haec. Amma ye danggunuc hafoangoc femide, imocngo nenannu wisic wisickea kpac hakecde.

Yohane 14:20

Ni Mannaac hereu kecduae nga ngeni neac hereu kecdae amma ni ngeneac hereu kecduae, ngeni naso imohai imoc negentegecgecde.

Yohane 17:24

Manggac, bangec nga kurumeng mi fingecmaec ge bic heresongogoc hoannuma kuc nga kibikperagi nennec. Nga ngicngacfocna nennec, yeni neac kuc kibikperagiagoc imoc henggecdeac neng kecbade, imohaingoc nenahafoc kecbesandimbeac anende.

Aposoro 5:41

Sueyunugec, yeni naric Yesu kparaac amma gamekpekpe ayemmegec, imocac ubangerecfu tutumannunac mama kenggec.

Roma 8:30

Arenggema ngicngac warac bic meisingyunuec, yeni ifingoc kpacyunuma dindingac deyemmeec. Dindingac deyemmema kuc kibikperagiagoc ifingoc yemmeec.

2 Korinti 3:18

Nga nenang sasawa kicmesunina kperaha kpac kecni Kebuac kuc kibikperagingo kicninau wiking isoc heimerenu yeac onga annide. Amma yeac kperagingo kekecninau yadima saheude. Kebu ye Asu amma Asungo uaya meu faka imoc fingerude.

2 Korinti 5:20

Nenang Kristoac enacdede nga Anutungo enacnina meefaiu yeac desambicyoac Kristoac amma ngicngac yofi edeyunuandimbe, “Ngeni Anutugoc uba mocgu anggecdeac yegoc ruae meficgebisia.”

2 Korinti 6:1

Nenang nenahafoc ua mekecdimbeac yofi serima edengunudimbe, “Ngeni Anutuac wosoefac bic megec, imoc eng kpedzonggebauac amma edengunudimbe.”

Efeso 2:20

Ngeni Anutuac ama mengunungunuya. Aposoro nga profete neneng serengunudimbe amma Yesu Kristo yengenaoc hocwotung seria ande.

Firipi 1:29

Ngeni Kristo meficgegecdeac areng yofi ngemme ngemmea fede: Ngeni ye negensinggema ifingoc yeac amma kpendzeng kpegecde.

Kolosai 1:24

Anutungo ua arenga nenec imocac siriha yofi, neng yeac yoac hafoangoc ngenearu dekperagibadeac ua arenga nenec. Nenu yoac imocac kingangkpekpe anai. Nga ngeni Kristoac kpebung yengena forakebanga. Ngeni yeac amma kpendzeng soha mi kpegec. Nga neng meficngunuma ngeneac amma neanna sebiu kpendzeng kpeduae. Ifi kpema ubangerec negenduae.

1 Yohane 1:3

Neni wiac hennegeng aning, imoc ngeneng nenigoc urec kekec kecnideac dekperagidimbe. Nga urec kekec, imocngo Manggac nga Medaha Yesu Kristo, yerigoc fede.

1 Yohane 3:24

Ngic mong ye singyoac yomoc modarude, yeng Anutuac hereu kefu Anutungo yeac hereu kefude. Amma yeng hereninau kecde, imoc Anutungo Asuya nemmeec, yeac kucfu negendimbe.

1 Yohane 4:17

Ifi kecmina heresongogoc kekecngo nenannu hafoangoc feude. Feu desidesi nasou nenang negengyohoha kpac serima nannide. Nga nenang bangectoa bangec yomohai Yesuac onga isoc kecdimbe.

Yohaneac kpefing 21:14

Taongtoaac oda imoc hocngo memea nga imocac titiseria 12. Amma titiseria 12 imohai ramamedahaac aposoro 12 yeneac kpacngina oho ohoya nanec.