Yohane 16:22 - Deduamiti

²² Ngeni imocacsoc yaguc ubaebicgoc kecdae. Amma monggoc ngenemba imohai ngeni ubangerec negemma sogaigec ngic mongngo sogac sogaingina imoc naric mi meickeude.

Yoak kekehagocac Dzadzahac gboria nga Mitiyegec

²² Ngeni imocacsoc yaguc ubaebicgoc kecdae. Amma monggoc ngenemba imohai ngeni ubangerec negemma sogaigec ngic mongngo sogac sogaingina imoc naric mi meickeude.

Yohane 16:22 ပူးပေါင်းရင်းမြစ်များ

Mitiyegec 146:2

Ni kekecnau Kebu afehema kekec kecbadesoc Anutunaac dedengerecyegec heibade.

Mitiyegec 33:21

Neni yeac kpara kpetiac negenserima kecnideac hereninango yearu sogaima kecde.

Mataio 28:8

Ifi anu yeri kicsere wama damu nga sogac sogaitoagoc medacfora siduc edeyunugecdeac nedzima bic kenoc.

Ruka 10:42

Amma wiac mocgusac imoc megec ngereeude. Maria ye wiac gombunga isinggema mekecde, imoc mongngo yearunac naric mi meickeude.”

Ruka 16:25

Ifi deu Abrahangngo yofi deec, ‘Medacna, ge wiac mong negensibesena. Ge bangecfu kecmana ngicngac yeneng iwai gombunga gombunga bic genggec mekecnec nga Radzaro ine manganasac migec. Yaguc Radzaro yei menomanedae nga geng ine kpendzeng kpekecnec.

Ruka 19:26

Ifi degec yofi merengyemmeec, ‘Ngic mong wiac goa femide, ye wiac monggoc migecde nga mong ye wiac mong mi femide, yearu wiac fedemoc, imoc ifingoc wangecgecde, imoc edengunuduae.

Ruka 24:41

yeni kerectegec amma ubangerectoa negemma sifu mi negensinggegec yeng yofi kpesiyemmeec, “Ngeni yaka mong faigec tacde me?”

Yohane 14:1

Ngeni ubaebic mi mebisia. Ngeni Anutu negensinggema ni ifingoc negensinnubisia.

Yohane 14:19

Naso wegenanec wisickeuguc bangectoa bangec imocac ngicngac yeneng ni monggoc mi nenggecde nga ngeneng ine nenggecde, nocac ni kecduaeac amma ngeni kecgecde.

Yohane 14:27

Ni faingunu kembade nga ruaena faiduae, imocngo ngenearu fekefude. Bangectoa bangecac ngicngac yeneng ruae yemmeandae, ruaena imoc ifi isoc kpac. Imocac ngeni kengec mi ambisia amma ubaebic mi mebisia.

Yohane 16:16

Ngeni naso wegenanec mi nenggecde nga naso wegenanec monggoc fede, imohai nenggecde.”

Yohane 16:20

Foracngoc, ngeni kiac songgong ammagec bangectoa bangec yomocac ngicngac yeneng sogaigecde, imoc edengunuduae. Nga ngeni ubahodung anggec ubahodungngina imocngo merennu ngeni ubangerec monggoc meficgegecde.

Yohane 16:6

Neng yoac yomoc edengunuduaac ine ngeni ubahodungngo mewakengunuude.

Yohane 21:7

Nga Yesuac songomedacngo Petoro edeec, “Imoc Kebunoc.” ifi deu Simong Petorongo negemma sebiasac nanecac ngakpia heima gombaunac yuma dzohonnu kemema waraiyemmeec.

Yohane 4:14

Nga mong ye neng doku miba neude, yeng dokuac monggoc mi ammiude nga ammibesande. Nga doku mibade, imocngo yearu dokukiwa sike sikea fingecma kekecseri meficgemiude.”

Aposoro 13:52

Nga Yesuac habu yeneac ubau songo kuneng nga Tiri Asu wake wakea fingecyemme kenec.

Aposoro 16:25

Tofocnac dzongiau Pauro nga Sira yeri Anutu yegec nunumu ammioc. Ammiec witicngic goango kedzac kpema negengyecmegec.

Aposoro 2:46

Nga ngicngac wenacsoc Anutuac womonnu uba mocgu amma kpedzucnekecgec, yeni uba urecfu amaya amaya yaka nekecma yakangina imoc ubangerecgoc mederema emenec angkecgec.

Aposoro 5:41

Sueyunugec, yeni naric Yesu kparaac amma gamekpekpe ayemmegec, imocac ubangerecfu tutumannunac mama kenggec.

2 Korinti 6:10

Nga ubahodung negemma sifu nasosoc sogaima kecdimbe. Neni makpekpea kecma sifu ngicngac meficyununi yeni kurumenggac finactoagoc anggecde. Wiacnina kpac yombong kecma sifu wiacnina sasawa fenemmede. Ifi isoc kecni ngicngac yeneng hanianina naric negentegecgecde.

2 Tesaronike 2:16

Kebunina Yesu Kristo yengenaoc nga Anutu Mannina yeri yoac nga uangina imoc sasawaac manau negen negengngina midima herengina meseribesera. Yerennoc heresongogoc hoannunuma wosoefacngiraac amma ubaherenina nasosoc meserinemmekecdape. Yeri ifi anec nenang kecma wiac gombunga mebesandimbe, ifi negensikecdimbe.

Hebiraio 10:34

Ngeni witicngic yenigoc ngenahafoc kpendzeng kpegec nga ngic yeneng goa ngenearunac witicamau faiyunugec nga ngaba yeneng goa ngenearunac hamangec faka angemmema hiedzongina megec. Ifi anggec ngeni ine sogaima yofi negenggec, hiedzonina feengkefude imocngo bangectoa bangecac hiedzo ferahedacde.

Hebiraio 6:18

Ye ifi dema yoac seria yohockang meficgenemmeec. Yoac yohockang ifi feecac yoara ikoc naric mi anude. Fakaya ifia negenni imocngo ebiriangoc meserinunuu bangecac wiac naric wama wiac ngade menideac deec, imoc seria mekecnide.

1 Petoro 1:8

Ngeni ye kicnginango mi henggec amma sifu yeac songo negendae. Nga yofinenggac ye mi hengandae amma ngeni sifu ye negensinggegecde. Amma ngeni ye negensinggegec, yeng ubaongangina kopocsicac ebicfunac mesingemmeu ngeni komoc kpebesandae. Ngeni imoc negensima sogac sogai ebiriangoc amma kecdae.