Yohane 13:8 - Deduamiti

⁸ Ifi deu Petorongo deec, “Kpac yombong, ge neac hani mi dzuacnade.” deu Yesungo meremmiec, “Ni haniga mi dzuacbadeu, ge nearu mi tahockenade.”

Yoak kekehagocac Dzadzahac gboria nga Mitiyegec

⁸ Ifi deu Petrongo deec, “Kpac yombong, ge neac hani mi dzuacnade.” deu Yesungo meremmiec, “Ni haniga mi dzuacbadeu, ge nearu mi tahockenade.”

Yohane 13:8 ပူးပေါင်းရင်းမြစ်များ

Fingec fingec 42:38

Deu Yacakowngo ine yofi deec, “Dara homeu tembucneha kecande. Medacna ye ngenigoc naric mi kenude. Ngeni sinnu kenggecde naso imohai ebic mong fingecmiudeu ni ubamangangngo mehomenuu orucna yegbonnagoc homecamau kembadeu imoc ngeneng anenggecac ifi fingerude.”

Mitiyegec 51:2

Ni ngicngac ogofocna faka mangana ayemmeai. Ge dzuacnuna kongaha ambesare. Ge kopocsicna medzuacna kongac kpebesare.

Mitiyegec 51:7

Ge babacmeac mema dzuacnuna kongac kpeba dzuacnuna hoeng kongaha feracyunuma kongac ambesare.

Dzekarya 13:1

Kecma nasoya hasikebesandeu Dawidac kisic nga Yerusalaimgac ngicngac yeneac amma dokukiwa gboria mong erema doku imocngo kopocsicngina nga seucfakangina imoc sasawa dzuacdacbesande.

Mataio 16:22

Ifi edeyunuu Petorongo Yesu ngadeau wangec kemma tembucfu namma dekpetari ammima deec, “Anutungo meficgumanu faka imocngo gearu naric mi fingecgembeso.”

Mataio 21:29

Ifi edeu medahango merenec, ‘Ni imoc waduae.’ Ifi dema ine ngade ubea dzigeneu uau kenec.

Mataio 26:33

Ifi deu Petorongo edeec, “Goa yeni sasawa geac ifi dema wagugecde nga neng ine naric mi wagubade.”

Mataio 26:35

Deu deec, “Ge guma ni nubeso degec sebi naric mi heibade.” Petorongo ifi deu medacfora meficgema imocngoc dedacgec.

Yohane 13:6

Ifi amma Simong Petoroaru kenu Petorongo kpesimiec, “Kebuna, ge dafiac hanina dzuacnade?”

Yohane 13:9

Ifi deu Simong Petorongo deec, “Kebuna, ge haninasac kpac, orucna nga marina momoc dzuacnenna.”

Yohane 3:5

Nga Yesungo yofi meremmiec, “Foracngoc, ngic mong ye dokuu nga Asuu gboria mi fingerude, yeng Anutuac eucererennu naric mi enude, imoc edeguduae.

Aposoro 22:16

Negennec, ge naso mi ukuna! Yacma Yesuac kpac kpacna yeac kpacfu mitidoku nadzicma kopocsicga dzuacna.’

1 Korinti 6:11

Nga ngenearunac ngicngac goango warac ifi kecgec. Ifi kecmagec Kebungo yengena kpacfu nga Anutuninaac Asu yeac kucfu dzuacngunuma dindingac dengemmema kpetiac arennu faingunuec.

Efeso 5:26

Anu nenang kpetiac annideac ye yengena yoaraac kucfu mitidokuyango dzuacnunuec.

Kolosai 2:18

Nga goa yeni kpefing hania hania hengkecma ikocfu memaemema angero dengereyunuandae, yeneng firanggac iraga mebauac yeneac yoac mi modacbesena. Ngic ifia yeni ubangina eseaac negen negeng sicsauc modacma eng yenanggac negenggec wiac engena angkecde amma yoackpekpegoc kecdae.

Kolosai 2:23

Anu ngic ifia yeni yenaoc deandae, “Yoacnina imoc negen negentegecgoc.” Yeni ifi dema yenaoc miti arengngina meficgeemema yegec nunumu nga memaemema faka ikoha modacma wiac hania haniaac segekecma ngicngac warecyunugecdeac sebingina memanganeandae. Nga faka ifiango fora mong mi meficgeude, kpac. Imoc uba eseaac negen negeng hania meseriude.

Tito 3:5

yeng dzuacnunuu Tiri Asungo ua meu fingec fingec gboria fingering. Ye ua gombunga meinggac amma mi mengerenunuec. Ye nenanggac ubamangang negemma mengerenunuu komoc kpeing.

Hebiraio 10:22

Nga nenang hanahema herenegen negennina gameagoc nga mi ngereeande, yeng imoc dzuaru kongaha fede nga sebinina doku kongahango dzuaru kongac kpeing. Imocac amma nenang ubaherenina fora imocgoc kekecnina isinggeyombonggema ye hafoangoc negensinggema Anutuac hoannu kembisina.

Yohaneac kpefing 1:5

Nga Yesu Kristoarunac ifingoc. Yeng yoac modac modac seria amma ye siducdedengic fora. Ye fingecma, homegec yeneac waracmedac anec. Amma bangecac ngictau yeneac kunengngina kecde. Amma ye nenang songo negemma sawango kopocsicninaunac mesinunuec.

Yohaneac kpefing 7:14

Kpesinenu merenai, “Kunenna, ge geanggaoc negennec.” ifi deba yeng yofi edenuec, “Ngic yomoc yeni kpendzengtoaunac hama ngakpingina ramamedahaac sawango dzuacgec kongac kongac ande.