Yohane 12:40 - Deduamiti

⁴⁰ “Yeni kicnginango mi henggecdeac kicngina mekundung kpeec amma faka meu ubangina dzingfong anu mekundung kpeyunuec nga ubadzigec dzigene mi fingecyemmemanu mengereyunubaiac.” (Yes 6:10)

Yoak kekehagocac Dzadzahac gboria nga Mitiyegec

⁴⁰ “Yeni kicnginango mi henggecdeac kicngina mekundung kpeec amma faka meu ubangina dzingfong anu mekundung kpeyunuec nga ubadzigec dzigene mi fingecyemmemanu mengereyunubaiac.” (Yesaia 6:10)

Yohane 12:40 ပူးပေါင်းရင်းမြစ်များ

Mitiyegec 147:3

Ngicngac herenginau ebic mema manganeyombonggeu yeng mengereyunuma kubecngina sangohoude.

Mitiyegec 41:4

Neng yoac yofi deai, “O Kebu, ni gearu kopocsic meficgeai. Ge imocac neac ubaga manganeu mengerenuna.”

Mitiyegec 6:2

O Kebu, ni kucna kpac anu homebeso anduae nga kengec amma dzononna fededeac neac ubaga manganeu sebina mengerena.

Makekeng 10:1

Ifi fingeru Kebungo Mose yofi edeec, “Ge Parecoaru kembesena. Ni neannaocnoc kucfaka yomoc botucnginau mebadeac ye nga enactofoc tofohofora yeni faka ayemmeba ubaseri yombong andae.

Makekeng 11:10

Anu Mose nga Aharon yeri Parecoac kicfu kucfaka mi hehena imoc sasawa medaroc nga Kebungo Pareco ammiu ubaseri yombong amma Isracelngicngac yeni bangeha wama kenggecdeac uaac ebicfunac mi yungecyunuec.

Makekeng 14:17

Nga ni aigitangic ubaseri meyunuba yeni modacngunugecde. Pareco nga wasaihabufora sasawa keretacnginagoc amma becosicfu kekengngicfora yeni ifi anggec neng firang amba eweheihei fingecnenude.

Makekeng 14:4

Nga ni Pareco ye ubaseri yombong meficgemiba kporacyunuude. Kporacyunuu ni yeac wasaihabufora sasawa yenigoc ewema firang amba eweheihei fingecnenude. Ifi fingeru aigitangicngac yeni yofi negentegecgecde, ni Kebu.” Ifi deu Isracelngicngac yeni ifi anggec.

Makekeng 14:8

Anu Isracelac ngicngacareng hafoangoc yeni kengeha kpac kucgoc kemmagec Kebungo Aigita ngictau Pareco ubaseri meficgemiu kporacyunuma kenec.

Makekeng 4:21

Anu Kebungo Mose yofi edeec, “Ge Aigitabangecfu dzigene kennade, naso imohai faka sasawa mi hehena, imoc menadeac kuc genai, imoc negensima Parecoac kicfu medacbesena. Nga neng ine ubaseri meficgemiba ngicngacareng uaac ebicfunac naric mi yungecyunuude.

Makekeng 7:13

Anu Kebungo deec, faka ifi yombong fingerec. Pareco ye ubaseri amma mi negengyecmeec.

Makekeng 7:3

Nga ni ine Pareco ubaseri meficgemima Aigitabangecfu ebicfaka kuhagoc nga faka mi hehena hania hania monggoc nga monggoc mebade.

Makekeng 9:12

Nga Kebungo Pareco ubaseri meficgemiu ye Mose nga Aharon yereac yoacac kedzac mi kpeec, Kebungo Mose bic edeec ifi yombong fingerec.

Mataio 15:14

Ngeni imocac wayunugec. Yeni yenaoc kicpisic amma kicpisic yeneac enarafocngina kecdae. Amma kicpisic mongngo kicpisic ogea wangerudeu, yeri yerahafoc tennu kemeyuruude.”

Mareko 4:12

Ifi anu ‘Yeni kicnginango hemma wiac mong ine mi henggecde nga kedzacnginango negemma wiac mong sifu mi negentegecgecde. Imocac yeni ubangina dzigenebacac Anutungo kopocsicngina mi wayemmeude.’ ” (Yes 6:9-10)

Mareko 6:52

Amma yeni herengina dzege dzegea feecac amma yakau faka fingerec, imoc mi negentegecgec.

Ruka 4:18

“Kebuac Asungo nigoc kecde nga neng ngicngac makpekpea siduc gombung edeyunubadeac Kebungo dzimbonga nadzicnenec. Ngic witicfu kecdae, yeni witicngina kpac anude nga kicpisicngo kicfifi anggecde, imoc edeyunubadeac yeng suenuec. Suenuu hama ebicgoc kecdae, yeni ebicngina meickema wangecyunubade.

Ruka 8:10

yofi merengyemmeec, “Anutuac eucererenggac negen negeng sufu sufuya, imoc ngeneng negentegecgecdeac bic ngemmengemmea. Amma goa yeni kicngina fikecma mi henggecde nga kedzacnginango negengkecma naric mi negentegecgecde, imocac yoac heiheiausing yoac sasawa yemmeyemmea.”

Yohane 12:39

Imocac amma yeni naric mi negensinggegec. Amma Yesaiango yoac mong yofi torokpema deec,

Yohane 9:39

Nga Yesungo yofi deec, “Ni fakanginaac ising ising fingerudeac bangecfu mayaiac ngic kicpisicngo kicfifi anggecde nga kicfifi yeni kicpisic anggecde.”

Aposoro 15:3

Nga kpebung yeneng singgac wiac yemmema sueyunugec kenggec. Kemma Foinike nga Samaria bangec kensikema Yesuac habu ihai kecgec, yeni yofi edeyunugec, “Bangec monnunac ngicngac homacngo ubamereng anggec.” Ifi degec, yeni imoc negemma ubangerec kuneng negenggec.

Aposoro 28:26

‘Ge kemma ngichabu yofi edeyununa: Ngicngac kedzacngo negen negeng, yeni imoc negemma naric mi negentegecgecde. Amma kicngo heheng yeni imoc hemma naric mi hentegecgecde.

Aposoro 3:19

Imocac ngeni kopocsicngina meicmeickea anudeac ubangina dzigeneu Anutu hoanggebisia.

Roma 9:18

Imoc yofi, Anutungo mong wosoefac ammibesonga negendeu, imoc ammiude. Amma monggac herea dzegebesonga negendeu, imoc dzegeude.