Yohane 12:34 - Deduamiti

³⁴ Ifi deu ngic habutoango meremmigec, “Dedeseriyoacfu yofi degec negengandimbe, ‘Messiango fingecma nasoya kpac, kechereema kecbesande.’ Anu ge dafi denec, ‘Ngic yeneng Ngicac Medac miacgec embeso.’ Nga Ngicac Medac imoc merac?”

Yoak kekehagocac Dzadzahac gboria nga Mitiyegec

³⁴ Ifi deu ngic habutoango meremmigec, “Dedeseriyoacfu yofi degec negengandimbe, ‘Messiango fingecma nasoya kpac, kechereema kefude.’ Anu ge dafi denec, ‘Ngic yeneng Ngicac Medac miacgec embeso.’ Nga Ngicac Medac imoc merac?”

Yohane 12:34 ပူးပေါင်းရင်းမြစ်များ

Mitiyegec 110:4

Kebungo yoac yofi bic deseriec, imoc naric mi meickeude, “Geng Melkitsedekac siricfu womonggareng wisic wisickea kpac kecengkecbesannec.”

Mitiyegec 72:7

Afo imoc nasosoc fekefude, ifi isocngoc ngictauac nasou faka dindingacngo sabayagoc amma ruae kunengtoa fefeseri fekecbeso.

Danicel 2:44

Anu ngictau, imoc yeneac nasou kurumenga kurumengaac Anutungo eucerereng mong fefeseri feudeac faiude, imoc naric mi kpetotiebesandae. Nga imoc garenggegecdeac kuc ngicngac mong mi yemmegecde. Eucerereng imocngo eucerereng sasawa imoc kpedzamedaru kpac anggecde. Nga yengena ine fefeseri febesande.

Danicel 7:14

Anu yeng garengyunuudeac kuc mima kuc kibikperagiagoc nga eucerereng migec ngicngacareng nga bangecareng amma yoacareng sasawango yeni yeac enactofoc tofohoareng amma eweheimibesandae. Ye ngickuneng amma nasoya nasoya garengyunu kecengkecbesande, imoc wisic wisickea kpac. Yeac eucererenga imoc mong mi kpetotiebesandae, kpac.

Danicel 7:27

Anu eucerereng nga ngictau kecgecdeac kuc nga ngickuneng amma garengyunugecdeac kuc imoc Engenatoaac kpetiac ngicngac yeni yemmegec yeneng kurumenggac bageu eucerereng sasawa garengyunuma kecgecde. Yeac eucerereng imoc feengkecbesande. Ifi feu ngictau bangec kucnginagoc sasawa yeni ye eweheimima yoara tofohobesandae.”

Mika 4:7

Anu neng ngicngacfocna hani mangang tosea damoc meicyunukenggec, yeni meseriyunuba bangecareng kucnginagoc anggecde. Nga Ni Kebu neannaoc Tsion tikiu ngictaungina amma nasoyakpac bubungyunuma kecengkecbesanduae.

Mataio 16:13

Yesungo Firipi bangecac Kaisarea taong mewegenema medacfora yofi kpesiyemmeec, “Ngicngac yeni Ngicac Medac yeac merac deandae?”

Mataio 21:10

Yesungo Yerusalennu enu taonggac ngicngac sasawa yeni kpidohoma kengha amma degec, “Imoc merac?”

Mataio 8:20

Ifi deu Yesungo yofi deec, “Katekasi yeni bangec manau fefenginagoc nga sawau neng yeni faecnginagoc nga ngicac Medacngo ine kparicganga kpac, ifi kecde.”

Yohane 10:34

Ifi degec Yesungo yofi merenec, “Dedeseriyoacnginau yoac yofi oho ohoya fede, imoc mi negendae me? Anutu yengenaoc deec, ‘Ni deba, ngeni sasawango anutuareng.’ (Myeg 82:6)

Yohane 12:32

Anu ngic yeneng bangecfunac miacnugec ni emma ngicngac sasawa kpedziyunuba nearu hadacgecde.”

Yohane 15:25

Anu yoac yomoc, ‘Yeni hania kpacfu ubango ukunugec.’ (Myeg 35:19; 69:4) imoc dedeseriyoacnginau oho ohoya fede nga imocngo hafoangoc fingerudeac ifi anggec.

Yohane 8:28

Obohogec Yesungo yofi edeyunuec, “Ngeni Ngicac Medac nanggegec nanude, ngeni naso imohai ‘ni kecduaengoc,’ imoc negentegecgecde. Ni wiac mong neannaoc mi angkecduae, Mannango kpounenec, imoc debade.

Roma 3:19

Neni yofi negendimbe, dedeseriyoac imocngo ngicngac dedeseriyoacac bageau kecdae, imoc yeneac enacngina medzickeudeac nga bangeha bangeha ngicngac sasawa yeni Anutuarunac turunga megecdeac amma yoara dede.

Roma 5:18

Ifi anu ngic mocgungo sing feraheecac Anutungo ngicngac sasawa manganaac arennu desiec. Nga ngic mocgungo angammeme dindingac anecac ifi isocngoc ngicngac sasawa kopocsicnginaac turunga meickeec. Meickeu Anutungo ngicngac dindingac deyemmedaru imocngo kekecseri heficgeyemmeec.

Hebiraio 7:24

Nga Yesungo ine wisic wisickea kpac kecengkefude, imocac womonggareng ua yegoc wisic wisickea kpac amma feeng kecbesande.