Yohane 12:26 - Deduamiti

²⁶ Nga ngic mong ye kingang kpekpena ambeso negendeu ye ni modacnubeso. Nga ni kecbade, ye imohai ifingoc nigoc kefude. Nga ngic mong ye neac kingang kpeudeu, Mannango ye seseheude.”

Yoak kekehagocac Dzadzahac gboria nga Mitiyegec

²⁶ Nga ngic mong ye kingang kpekpena ambeso negendeu ye ni modacnubeso. Nga ni kecbade, ye imohai ifingoc nigoc kefude. Nga ngic mong ye neac kingang kpeudeu, Mannango ye seseheude.”

Yohane 12:26 ပူးပေါင်းရင်းမြစ်များ

Mitiyegec 17:15

Anu ni dindingac kecma kicmesuga hembade nga gauunac gborima geac kicsiric hemba gunucnude.

Mitiyegec 91:15

Ye kpacnuu ni turunga meremmibade. Ye ebic witiau kefu ni yegoc kecma ebicfunac mesima eweheihei ammibade.

Bangec kisiu 14:24

Anu enactofoc tofohongicna Kalew yearu ine asu siriha mongngo wakema fede nga yeng angammemea sasawau ni modacnuma kecde. Imocac amma ni ye hesickema bangec kemma henec, bangec imoc faimiba yeac fingecsahe yeneng bangec imoc megecde.

Bangec kisiu 32:11

‘Aigitabangecfunac magecmoc yeni kifangina twentiunac namma ende, ngic imoc yenearunac mongngo mong Awraham, Itsak nga Yacakow bangec yemmebadeac deseriai ihai mong mi kengyombonggegecde. Ni yoac dederecge ayemmeba yeni imoc sasawa hoanggegec amma ni mi modacnugec.

Mataio 16:24

Ifi dema medacfora yofi edeyunuec, “Mong ye ni modacnubeso negendeu ye yengena ubasebiaac songo memama mariponga miacma tofohoma modacnubeso.

Mataio 25:21

minginango yofi edeec, ‘Wanacngic gombunga yombong. Ge fakaga dindingac amma yoac modac modacfakaga soronga. Nga geng yoac modacma wiac kapia kpacgoc garenggedanggac wiac ebiriangoc garenggenadeac faigubade. Hana kunenggaac sogac sogaiu nerahafoc kecdede.’

Mareko 8:34

Yesungo habu nga medacfora kpacyunuma yofi edeyunuec, “Ngic mong ye ni modacnubeso negendeu ye yengena ubasebiaac songo memama mariponga miacma tofohoma modacnubeso.

Ruka 12:37

Nga mingingnginango hama uamedacfora yeni gaugbori kecgec meficyunuude, yeni kenecnginagoc. Foracngoc, ye yengenaoc yeneac kingang kpeudeac kporuha mewegenema ‘Ngeni tacmagec.’ deu tacgec yaka meha yemmeu negecde, imoc edengunuduae.

Ruka 6:46

Ngeni nocac Kebuna Kebuna kpacnuandae nga yoacna wama mi modacnugecde?

Ruka 9:23

Yesungo habu sasawa yofi edeyunuec, “Ngic mong ye ni modacnubeso negendeu ye yengena ubasebiaac songo memama wenacsoc mariponga miacma tofohoma modacnubeso.

Yohane 10:27

Ramafocna yeni ubanaac kedzac faigec ni negengyunuba yeneng modacnugecde.

Yohane 13:16

Foracngoc, wanacngicngo mingina mi feraheude nga sue sueango ngic sueec, ye mi feraheude, imoc edengunuduae.

Yohane 14:15

Ngeni heregoc neac songo negenkecdaeu singyoacna modacgecde.

Yohane 14:3

Amma ngeneac amatatac heitumeibadeac kemma dzigene hama hesicngunubade. Ni kecbade, ihai nenahafoc kecnideac negenduae.

Yohane 15:20

Ni yoac warac edengunuai, imoc negenggec febeso, wanacngicngo mingina naric mi feraheude. Imocac amma ngicngac nukporac anenggec, yeni ifi isocngoc ngeni ngunukporac angemmegecde. Nga neac yoac hoanggeandaeu ngeneac yoac ifingoc hoanggegecde.

Yohane 17:24

Manggac, bangec nga kurumeng mi fingecmaec ge bic heresongogoc hoannuma kuc nga kibikperagi nennec. Nga ngicngacfocna nennec, yeni neac kuc kibikperagiagoc imoc henggecdeac neng kecbade, imohaingoc nenahafoc kecbesandimbeac anende.

Yohane 21:22

Ifi deu Yesungo yofi edeec, “Ni songona andeu yeng kecmanungoc dzigene habade, imocngo ine geac wiac mi ande. Ge eng hama modacnuna.”

Roma 1:1

Ni Paurongo kibi yoc ohoma Roma kpebung ngenearu faiduae. Yesu Kristo ye minginna nga ni yeac wanacngic. Yeng kpacnuma segerenuu aposoro ua mema Anutuac siduc gombung dekperagibadeac denenec.

Roma 14:18

Anu mong ye sing imoc modacma Kristoac kingang kpekecde, ye Anutungo negemmiu ngereeude nga ngicngac yeneng ifingoc ye hennegeng ammigec naric anude.

2 Korinti 4:5

Kebu Yesu Kristo dekperaginide nga neni nenang mi dekperagiemeandimbe, kpac. Yesuac amma ngeneac kingangkpekpe amma kecdimbe.

2 Korinti 5:8

Ifi kecma negengyohoha kpac kecnide. Nga singa febac dede neni bangecsebinina yomoc naric wama Kebuaru kemma amanina gboriau kecbing.

Garata 1:10

Anu ni yaguc yoac deduae, imoc ngic yeneng negen ngereenugecdeac mi deduae. Imoc Anutungo negen ngereenuudeac amma deduae. Amma ngic yeneng neac negenggec ngereeudeac ua mebai dede Kristoac wanacngic naric mi kecbai.

Firipi 1:23

Songo yohockangngo kpedzinuu kecduae. Kemma Kristogoc kecbadeac homac anende, imocngo wiac sasawa ferahema ngereeyombonggede.

Kolosai 3:24

Ifi megec Kebungo turunga kpoungemmema eucererenggac bung ngemmebesande. Nga Kristongo ngeneac mingingngina nga ngeni yeac uanoc mekecdae.

Kolosai 4:12

Kristoac wanacngic Epafara, ye ngeneac arennunacnoc, yeac wenacngerecngo ngenearu hade. Amma ngeneng yadiseri amma nanggecdeac nga Anutuac negen negeng nga songo sasawa ireckema imohai hafoangoc kecgecdeac, ye ifi negemma ngeneac amma nasosoc nunumu ua ebiriangoc mekecde.

2 Petoro 1:1

Ni Simong Petoro, Yesu Kristoac wanacngic nga aposorongo kibi yomoc ohoduae. Nenang Anutu nga memengerecnina Yesu Kristo, yeri dindingac, imocac amma ngeni nigoc negen negensinggac nadunga mocgu meficgenemmeoc. Imoc wiac engena yombong. Kibi yomoc ngenearu kende.

1 Yohane 5:3

Nenang Anutuac singyoac tofohoma yeac songo heregoc negengyombonggenide. Nga yeac singyoac imoc ebira kpac.

Yuda 1:1

Ni Yuda, Yesu Kristoac wanacngic nga Yakoboac munea. Anutu Manggacngo ngicngac kpacngunuma heresongogoc hoangngunuande, ngeni seria nanggecdeac Yesu Kristongo garengngunuma kecde, ngenearu kibi yomoc hade.

Yohaneac kpefing 14:4

Ngic imoc yeni ngac yenigoc mi kecma wonongngina kpac amma kongaha yombong kecgec ramamedahango ihai me ihai kengande, imohai ye modackecdae. Ramamedahango bangecac ngicngac yenearunac buma heima yeni bummeyunuu yeni Anutu nga yeac waracareng anggec.