Yohane 11:51 - Deduamiti

⁵¹ Yoac imoc yengena ubeaac negemma mi deec. Yeng kifa imohai yudangic yeneac womonggarengtoa kefec, imocac kpefing deec. Yesungo bangec areng yeneac amma homeudeac ifi anec.

Yoak kekehagocac Dzadzahac gboria nga Mitiyegec

⁵¹ Yoac imoc yengena ubeaac negemma mi deec. Yeng kifa imohai yudangic yeneac womong garengtoa kefec, imocac kpefing deec. Yesungo bangec areng yeneac amma homeudeac ifi anec.

Yohane 11:51 ပူးပေါင်းရင်းမြစ်များ

Makekeng 28:30

Nga yoac isinggema desigecdeac kasou urim nga tummim faiyuruna Aharonggac woucboraac witiau mama nammaec ye Kebuac kicfu kenude. Ifi anu ye imoc woucboraac witiau heima kecma Isracel medacfora yeneac yoac isic isingge imoc Kebuac kicfu tatahoc kecengkecbeso.

Danicel 9:26

Anu sonda 62 imoc wisickeu kerecdokungo nadzicmimia ye herecgegecde nga yeac wiac femiec imoc kpac anude. Amma ngictau monggac ngicngacareng yeneng hama taontoa nga kpetiac womong kpembarackema hesisickedacgecde. Anu dzikac fekemmanu wisic wisickea imoc dokutunggbaung haande, ifi isoc hama wiac kpedzamegecde imoc bic deserigec. Yoac imoc seria febesande.

Bangec kisiu 22:28

Ifi anu Kebungo donggingageraac enara meefaiu Bilecam yoac yofi edeec, “Ni noc wiac mong mangana anggemba ge imoc hemma nuna naso harebec ande?”

Bangec kisiu 24:2

Fima henu Isracel yeni kisicfocnginasoc modacma guru mema kporucamanginau tacyac anggec. Ifi henu Anutuac Asungo yeac witiu maec.

Yohane 11:49

Ifi degec, yenearunac mong kpara Kaifa, ye kifa imohai womonggareng enara kefec, yeng yofi edeyunuec, “Ngeni wiac mong mi negentegecdae.

Yohane 18:13

hanahema Hanasiaru mekenggec. Nga Hanasi kpegea Kaifa ye kifanaso imohai womonggarengtoa kefec.

1 Korinti 13:2

Amma profeteyoac debai dede nga negen negeng keme kemea sasawa negentegecbade amma negen negentegecnagoc kecbai dede tiki meickebadeac negen negensinna imocacsoc fenende amma ngicngac yeni heresongogoc ine mi hoangyunubai foraya mong mi meficgebai.

2 Korinti 5:21

Kristo ye yengena kopocsiha kpac. Amma yeng donina mema kopocsicac ebicfu enec. Enu nenang yegoc kpeketahema Anutuac ngicngac dindingac amma kecdimbe.

Garata 3:13

Yesungo donina mema dedeseriyoacac sowecfunac bummenunuec. Nga yoac yofi oho ohoya fede, “Ngic sasawa icfu gbedicyunugec nanggec, yeni sowecnginagoc.” (Dser 21:23) Ifi feecac dedeseriyoacac sowecngo Kristo sendenggeu yeng dedeseriyoacac sowecfunac menunuec.

1 Petoro 2:24

Ye yengena sebiango nenang kopocsic atickema icfu nanec. Nanu nenang kopocsicfunac homema sing dindingac modacnideac ifi anec. Nga yeac kubecngo ngeni hafeidzoicfunac ngerec ngeree meficgengemmeec.

1 Petoro 3:18

Kristongo Anutuac hoannu fainunuudeac atac mocgu donina mema kpendzengtoa kpeec. Ngic dindingacngo yoackpekpe areng nenanggac amma ifi anec. Ye sebiugeng kpegec homeec nga ongaasuugeng bic megboriu kefec.

1 Yohane 2:2

Ye nenang kopocsicac amma yengena sacfusiango bunnina bic meec. Amma nenangsac kpac, ngicngac bangectoa bangec yomohai kecdae, yeneac momoc.