Yohane 10:3 - Deduamiti

³ Nga nagugarengngo yeac amma odanaguya naric witiude. Witiu rama yeneng ubea negenggec, yengenaoc rama kpacnginau kparu hagec waraiyemmeu yenahafoc ngadeau kemegecde.

Yoak kekehagocac Dzadzahac gboria nga Mitiyegec

³ Nga nagugarengngo yeac amma odanaguya naric witiude. Witiu rama yeneng ubea negenggec, yengenaoc rama kpacnginau kparu hagec waraiyemmeu yenahafoc ngadeau kemegecde.

Yohane 10:3 ပူးပေါင်းရင်းမြစ်များ

Mitiyegec 80:1

O Isracelac rama gareng, ge kedzac faima yoacnina negenna. Geng Yosefac areng rama habu isoc wangecyununade. Keruw yeneng miacguma ngictautatacga anggec geng yeneac witiu tacannec, gennoc hama kperagigango nerarannunubesena.

Makekeng 33:17

Ifi deu Kebungo Mose yofi edeec, “Ni geac negemba ngereede nga kpacga negenduae, imocac amma ge yoac dedang, imoc andacbade.”

Yohane 10:14

Neannaoc ramagareng gombunga. Mannango ni negennude nga neng Manna negenduae, ifi isoc neannaoc ramafocna negengyunuduae nga ramafocna yeneng negennudae. Neng rama yeneac amma kekecna wabade.

Yohane 10:16

Amma ramafocna goa kecdae, yeni oda yomohanac kpac. Nga neng hesicyunuba ubana negenggecde. Ifi anggec ramakpebung mocgu nga ramagareng mocgu anude.

Yohane 10:4

Ye ramafora hesicyunuu kemedacgec waraiyemmeu ramafora yeni yeac ubea negendaeac ye modacgecde.

Yohane 10:9

Ni neannaoc nagu. Mongngo nearu ferecgema oda manau enudeu Anutungo ye ebicfunac mesiu komoc kpeude. Amma ye naguusing engemmama amma nenesemeng meficgeude.

Yohane 6:37

Mannango ngicngac sasawa nenec, yeneng nearu hagec ngadeau naric mi kisangyunubade.

Yohane 6:45

Profete yeneac kibiu yoac yofi oho ohoya fede, ‘Anutungo kpouyemmedarec.’ (Yes 54:13) Imocac amma ngicngac sasawa Manggacac yoacfu kedzac faima yearunac negen negeng medae, yeneng nearu hadacgecde.

Roma 8:30

Arenggema ngicngac warac bic meisingyunuec, yeni ifingoc kpacyunuma dindingac deyemmeec. Dindingac deyemmema kuc kibikperagiagoc ifingoc yemmeec.

1 Korinti 16:9

Yomohai ua kuneng yombong mebadeac sing sarima fede. Nga ngabafocna homac yomohai ifingoc kecdae.

Firipi 4:3

Nga ogona geng yoac modackecnec amma nigoc ua mekecnecac desambic amma yofi edeguduae, ngac yohockang yomoc meficyurubesena. Nocac yeri nga Kremento amma ngicngac tosea goa kpacngina kekecac kibiu fede, yeneng nigoc kecma siduc gombunggac ua arennu uatoa mema kecgec.

Kolosai 4:3

Ngeni neneac ifingoc negemma yofi numubisia: Anutungo yoacac nagu menemmeu Kristoac negen negeng sufu sufuya fede, imoc dekperagini negembisia. Yoac imocacnoc witicamau kecduae.

2 Timoteo 2:19

Anu Anutungo wotung seria faiu kemeec nande, imoc goroc goroc naric mi anude. Imohai yoac yofi oho ohoya fede, “Kebungo ngicngacfora negengyunuude.” (Bki 16:5 Septuaginta mitikibiunac.) Nga mong yofi, “Ngicngac Kebuac kpac kpacandae, yeni faka nga angammeme kopocsicgoc, imoc sasawa wama araing kecbisia.”

1 Petoro 1:12

Kicfifi amma yenang meficemegecdeac kpac, imoc ngeni meficngunugecdeac yoara dekperagingemmegec, Anutungo imoc edzacyunuu yeni ireckegec. Kecma Anutungo Tiri Asu kurumennunac bangecfu sueu mama siduc gombung dedengic kuc yemmeu, yeni yoac imoc mema dekperagingemmegec ngeni imoc negenggec. Nga Angero yeni imoc ifingoc henggecdeac ayemmeande.

1 Yohane 4:6

Nenang Anutuarunac, imocac ngicngac Anutu negemmidae, yeneng nenang yoac negenggecde. Amma mong Anutuarunac kpac, yeng ine nenang yoac mi negenude. Imohainoc nenang yoac foraac Asu nga asu ikoha hentegecnide.

3 Yohane 1:14

Ni wegenanec gearu haba gegoc ewacma enacfu denegeng andedeac negensiduae.

Yohaneac kpefing 20:15

Nga mongngo kpara kekecac kibiu oho ohoya mi feec, ye kondunggac gerecfu ukugec.

Yohaneac kpefing 3:20

Henna, ni naguu namma kpong kpong heikecduae. Heikecba mongngo neac kedzac faima ubadzidzina negemma nagu mesideu neng yearu emba neri nerahafoc tacma yaka nedede.’

Yohaneac kpefing 7:17

Imoc yofiac, ramamedaha ngictau tatacac dzongiau nande, yeng ramagarengngina amma kekecac dokukiwau hesicyunuude. Nga Anutungo kickumangina sasawa kicnginaunac mekerenggeude.”