Yohane 10:28 - Deduamiti

²⁸ Modacnugec kekecseri yemmeba yeni wiac mongngo naric mi memanganeyunuude. Nga ngic mongngo marinaunac naric mi mesiyunuude nga mesiyunubesande.

Yoak kekehagocac Dzadzahac gboria nga Mitiyegec

²⁸ Modacnugec kekecseri yemmeba yeni wiac mongngo naric mi memanganeyunubesande. Nga ngic mongngo marinaunac naric mi mesiyunuude.

Yohane 10:28 ပူးပေါင်းရင်းမြစ်များ

Mitiyegec 31:5

Ni ongaasuna marigau faiduae. O Kebu, yoac modac modac Anutuna, geng bummenuma ebicfunac mesinunec.

Mitiyegec 37:28

Kebungo ngicngac sing dindingac modacgecdeac ammiu yeac kpetiac areng, yeni naric mi ngadeyunuma wayunuude. Ye onggongyunuude, imoc wisic wisickea kpac. Ngic Anutu ngadehema mangana megecdeac ayemmeande, yeng yeac nambaracfora ine meicyunuu kpac anggecde.

Mareko 13:22

Imoc yofiac, ngicngac fingecma ikoc amma degecde, ‘Ni Messia.’ yeni nga profete ikoha yeneng fingecma ngicngac uba mesufu ayemmegecdeac ngicngac tobangyunuma faka kuhagoc nga morora megecde. Amma yeni sing meficgegecdeu ngicngac meisingyunuyunuya ifingoc ikocfu wangecyunugecde.

Ruka 23:46

Nga Yesungo ubaudumeng kunengngoc kpacma deec, “Manggac, ongaasuna marigau faiduae.” (Myeg 31:5) Ifi deu asuya ereec.

Yohane 10:29

Mannango yeni nenec, yeng wiac sasawa yeneac engena. Imocac Mannaac mariunac mongngo naric mi mesiyunuude.

Yohane 11:25

Ifi deu Yesungo yofi edeec, “Homecfunac yacyac nga kekec, imoc ninoc. Mong ye ni negensinnude, ye homeude nga sifu kefude.

Yohane 14:19

Naso wegenanec wisickeuguc bangectoa bangec imocac ngicngac yeneng ni monggoc mi nenggecde nga ngeneng ine nenggecde, nocac ni kecduaeac amma ngeni kecgecde.

Yohane 17:2

Geng bangecngicngac sasawa yeac kuc bageau faiyununec. Nga yeac areng denec yeng kekecseri yemmeudeac yeni yeac bageau kecgecdeac uayoac nga kuc ye minec.

Yohane 18:9

Nga Yesungo yoac bic deec, imocngo hafoangoc fora anudeac torokpema yofi deec, “Ge ngic nennec, yenearunac mong mi waba sufuec.” (Yoh 6:39)

Yohane 3:36

Imocac Medaha negensinggede, ye kekecserigoc kefude nga kecbesande. Nga Medahaac yoac kpeude, ye kekec mi henu Anutuac turungngo ine yearu fekefude nga fekecbesande.”

Yohane 4:14

Nga mong ye neng doku miba neude, yeng dokuac monggoc mi ammiude nga ammibesande. Nga doku mibade, imocngo yearu dokukiwa sike sikea fingecma kekecseri meficgemiude.”

Yohane 5:24

Foracngoc, ngic mong ye neac yoac negemma Manggac suenuec, ye negensinggeude, yeng kekecserigoc kecma yoacfu mi embesande, imoc edengunuduae. Yeng homec wama kekecfu bic endac.

Yohane 6:27

Yaka mong hoaema kpac angande, ngeni imocac uatoa mi mebisia. Nga Ngicac Medacngo kekecseriac yaka ngemmeude, imocac uatoa mebisia. Imoc yofiac, yeac witiu Anutu Manggacngo yengena dedeseriac dzic faiec.”

Yohane 6:37

Mannango ngicngac sasawa nenec, yeneng nearu hagec ngadeau naric mi kisangyunubade.

Yohane 6:47

Foracngoc, ngic mongngo ye negensinggede, yeng kekecserigoc anude.

Yohane 6:68

Ifi deu Simong Petorongo yofi meremmiec, “Kebu, gearu kekecseriac yoac fora fedeac neni ngic monggaru naric mi kennide.

Aposoro 7:59

Guruhema Stefano hocngo heigec yeng yofi dema numuec, “O Kebu Yesu, ge ubaongana mena.”

Roma 5:17

Ngic mocgungo hanahema sing feraheu yeac kopocsicac amma homecngo ngicngac garengyunuudeu ine yofi negembisia, Anutungo ngicngacareng danggunuctoa ayemmema wosoefacfu dindingac deyemmeu, yeni ngic mocgu, Yesu Kristo, yegoc kecma kekecac arennu kecma wiac homac yenahafoc garenggegecde.

Roma 5:2

Yeng sing meficgenemmeu Anutuac danggunuc manau yofinenggac kecdimbe. Nga Anutuac kuc kibikperagiagoc ngade fingecnemmebesande, imoc wiac engena, ifi negemma sogaima kecdimbe.

Roma 5:21

Imoc yofiac, kopocsicngo homec meficgema yenenggareng anec, ifi isocngoc danggunucngo garennina anu Anutungo Kebunina Yesu Kristoac amma dindingac denemmema kekec wisic wisickea kpac nemmebesande.

Roma 5:9

Anu yeac sawaac amma Anutungo ngicngac dindingac denemmeu yofinenggac kecdimbe. Imocac ye ifingoc turung kpoukpouac nasou yoacnina deu komoc kpebesandimbe, imoc negenserima kecdimbe.

Roma 6:23

Imoc yofiac, kopocsicac buma imoc homec megecde nga Anutuac wosoefac, imoc Kebunina Yesu Kristoac amma kekecseri buma kpac nemmebesande.

Roma 8:1

Nga ngicngac Yesu Kristogoc kpeketahema kecdae, yeni ine yoacac arennu mi makpegecde.

Roma 8:29

Imoc yofiac, Anutungo ngicngac bic negengyunuec, yeni meisingyunuu yadiseri amma yengena Medaha isoc anggecdeac desiyunuec. Medahango munafora homac yeneac waracdacngina anudeac ifi arenggeec.

Firipi 1:6

Amma yofi negensinggeduae, Anutungo ua gombunga ubaherenginau hanahema imoc torokpema mekengkefu Yesu Kristoac nasotoa hau, imohai uaya imoc mesidacbesande.

2 Tesaronike 2:13

Kebuac songo areng nga negen negensinggoc tosofocnina, Anutungo ngeni hanahema meisingngunuu Tiri Asuyango kpetiac kekecfu meyadingunuu ngeni yoac fora negensinggegec. Nga ye mengerengunuu komoc kpegecdeac negemma meisingngunuec. Imocac amma neni ngeneac negemma nasosoc Anutu dangge edekecni ngereeude.

1 Timoteo 1:16

Ifi kecbare, ye modzotitia kpac fakaya imoc didiu fingectegerudeac wosoefaha kpenenec. Ifi anenu ngic yeneng negensinggema kekecseri megecdeac sosoha amma waraiyemmeai.

2 Timoteo 1:12

Imocacnoc kukusisic witiau kecduae. Imoc yofiac, ni ngic negensinggema kecduae, ye negemmiduaeac game naric mi nuude. Nga negen negensina seria yofi fede. Ye kuhagocngo wiacna yearu faiai fede, yeng imoc garenggekecmanu nasoya haude.

Hebiraio 7:25

Ye nasosoc Anutuac kicfu yoacfu meficnunuma kefudeac ngicngac yearusing Anutuaru kennide, nenang hafoangoc mengerenunuudeac mi obohoude.

1 Petoro 1:5

Ngeni negen negensinggoc kecmagec Anutu ye kuhagocngo garengngunuu naso wisic wisickeau komoc kpebesandae. Imoc fingerudeac efaima fede.

1 Yohane 1:2

Kekec imocnoc fingectegeru hemma kekecseri mingina yeac hepuc amma dekperagima edengunudimbe. Yeng warac Manggacgoc kefecngo nenannu fingerec.

1 Yohane 2:19

Yeni nenanggoc kecgec nga sifu nenang arennunac kpac. Yeni nenannunac ambau dede nenanggoc kecbau. Yeni sasawa nenanggarunac kpac, imoc didiu fingectegerudeac, ifi fingerec.

1 Yohane 2:25

Medac ye yengenaoc kekecserinoc nemmeudeac deserinemmeec.

1 Yohane 5:11

Nga dedekperagia yomocngo hepucnina ande, Anutungo kekec wisic wisickea kpac nemmeec nga kekec imocngo Medahaaru fede.

Yuda 1:1

Ni Yuda, Yesu Kristoac wanacngic nga Yakoboac munea. Anutu Manggacngo ngicngac kpacngunuma heresongogoc hoangngunuande, ngeni seria nanggecdeac Yesu Kristongo garengngunuma kecde, ngenearu kibi yomoc hade.

Yuda 1:21

Anutuac heresongou kecgecdeac ua mekecbisia. Nga ifi kecmagec Kebunina Yesu Kristongo ubamangang angemmema kekec wisic wisickea kpac ngemmeudeac tomai kecbisia.

Yuda 1:24

Anutu yengenaoc garengngunuudeac kuc femide, imocac ngeni naric mi mangunuude. Yeng ngeni hesicngunuma yengena kuc nga kibikperagiaac kicfu faingunuu ngeni kopocsicngina kpac sogac sogaigoc imohai nanggecde.