Yohane 1:51 - Deduamiti

⁵¹ Negenggec, kurumeng anggeu ngeni Anutuac angerofora yeneng Ngicac Medac yearu engemmama anggec yenenggecde, imoc fora yombong edengunuduae.”

Yoak kekehagocac Dzadzahac gboria nga Mitiyegec

⁵¹ Negenggec, kurumeng anggeu ngeni Anutuac angerofora yeneng Ngicac Medac yearu engemmama anggec yenenggecde, imoc fora yombong edengunuduae.”

Yohane 1:51 ပူးပေါင်းရင်းမြစ်များ

Fingec fingec 28:12

Fema gaukpefinnu tire mong henu hania bangecfu nanu hemmodacma henu kurumeng kpeserema nanec. Nanu Anutuac angerofora yeni imohai engemmama anggec yenenec.

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Mataio 25:31

Kecma Ngicac Medacngo kuc nga kibikperagiagoc nga angero sasawa yenigoc hasikebesandae, naso imohai ye ngictau tataha kibikperagiagoc ihai emma tarude.

Mataio 26:24

Ngic ye Ngicac Medac doc meude, ye sowehagoc. Ye nonggeaac here manaunac mi fingecbac dede efaimibac. Nga Ngicac Medac neac negemma mitikibiu yoac yofi oho ohoya fede, yeng wangunuma kenudenoc.”

Mataio 3:16

Nga Yesungo doku nadzicma dokuunac eremanu kurumeng anggeec. Anggeu Anutuac Asungo kebesacac siric amma hau hemmanu yearu maec.

Mataio 4:11

Ifi deu mangana minginango wama kenu angero yeneng hama Yesu henggareng ammigec.

Mataio 8:20

Ifi deu Yesungo yofi deec, “Katekasi yeni bangec manau fefenginagoc nga sawau neng yeni faecnginagoc nga ngicac Medacngo ine kparicganga kpac, ifi kecde.”

Mataio 9:6

Ngicac Medac ye bangecfu kopocsic wawaac uayoac nga kuc femide. Nga ngeni imoc negenggecdeac amma yoac yomoc deduae.” Ifi dema ngicpuring yofi edeec, “Ge yacma dzakega mema amagau kenna.”

Mareko 1:10

Nadzicmiu Yesungo dokuunac eremanu imohaingoc kurumeng anggeu Asungo kebesacac siric amma yearu mau henec.

Mareko 14:62

Ifi deu Yesungo deec, “Ni imocnoc. Anu kecma ngeni Ngicac Medac Kuctoa mingina yeac foiaugeng tacma kurumenggac hoennu kicnginau hau hembesandae.” (Mitiyegec 110:1; Danie 7:13)

Ruka 2:13

Ye ifi demanu imohaingoc kurumenggac angerohabu kuneng, yeneng fingecma yegoc namma Anutu dengerema yofi degec,

Ruka 2:9

Kecmagec Kebuac angero mongngo fingecyemmeu Kebuac kibikperagitoayango mekperagiyunuu yeni kengec ebiria anggec.

Ruka 22:43

Ifi numumanu angero mongngo kurumennunac fingecmima mama meseriu

Ruka 22:69

Nga yofinenggac nga namma enude Ngicac Medacngo Anutu Kuctoa minginaac foiaugeng tarude nga tacbesande.” (Myeg 110:1)

Ruka 24:4

Amma yeni noc wiac fingecdac dema obohoma nammagec imohaingoc ngic yohockang ngakpingira kongac koporarac yombong, yereng hama kicnginau fingecma nanoc.

Ruka 3:21

Ngicngac sasawango mitidoku nadzicmagec Yesungo ifingoc mitidoku nadzirec. Nadzicma numuma nammanu kurumeng anggeu

Yohane 1:50

Ifi deu Yesungo yofi meremmiec, “Ge fig ic haniau tacna gendua deduaeac negensinnunec. Kecma faka yofia monggoc ferahema fingeru hennade.

Yohane 10:1

Ni fora yombong edengunuduae, “Ngic mongngo rama yeneac oda manau embeso dema oda naguya wama monnusing enudemoc, ye hamangec nga godzungic.

Yohane 10:7

Obohogec Yesungo monggoc yofi edeyunuec, “Foracngoc, neng rama yeneac nagu, imoc edengunuduae.

Yohane 13:16

Foracngoc, wanacngicngo mingina mi feraheude nga sue sueango ngic sueec, ye mi feraheude, imoc edengunuduae.

Yohane 13:38

Ifi deu Yesungo meremma yofi edeec, “Ge naric neac amma kekecga wana doude, ifi denec me? Foracngoc, ni edegubade, kokorecngo mi arohomanu geng atac harebec neac busic kpenade.”

Yohane 14:12

Foracngoc, mong ye ni negensinnude, ye ni ua meanduae, imocngoc meude, imoc edengunuduae. Amma ua mekefai, yeng imoc ferahema monggoc meude, nocac ni Manggacaru kembade.

Yohane 16:20

Foracngoc, ngeni kiac songgong ammagec bangectoa bangec yomocac ngicngac yeneng sogaigecde, imoc edengunuduae. Nga ngeni ubahodung anggec ubahodungngina imocngo merennu ngeni ubangerec monggoc meficgegecde.

Yohane 16:23

Anu naso imohai ngeni wiac monggac mi kpesinenggecde, kpac. Foracngoc, ngeni wiac monggac neac kpacfu Manggac numumigec yeng imoc ngemmeude, imoc edengunubade.

Yohane 21:18

“Ni fora yombong edeguduae, ge sebigbori kecma geanggaoc wambaga faima songoga modacma kengha angannec. Nga ge kpengeng annade, naso imohai mariga miacna ngic mongngo wamba heigemma songoga mi fede, imohai megu kemma faigugecde.”

Yohane 3:3

Ifi deu Yesungo yofi meremmiec, “Foracngoc, ngic mong ye fingec fingec gboria mi fingerude, yeng Anutuac eucerereng naric mi henude, imoc edeguduae.”

Yohane 3:5

Nga Yesungo yofi meremmiec, “Foracngoc, ngic mong ye dokuu nga Asuu gboria mi fingerude, yeng Anutuac eucererennu naric mi enude, imoc edeguduae.

Yohane 5:19

Ifi anggec Yesungo yofi merengyemmeec, “Foracngoc, Mamango ua mong meu Medacngo imoc hemma yengenaoc ua imocsac naric meude, imoc edengunuduae. Mamango ua mede, Medahango ua imocngoc meude.

Yohane 5:27

Nga Medaha ye Ngicac Medac, imocac amma Manggacngo ngic isingyunuma desiyunuudeac kuc miec.

Yohane 6:26

Ifi degec Yesungo yofi edeyunuec, “Foracngoc, neng faka kuhagoc meba hendau, imocac amma mi hofocnudae, imoc edengunuduae. Ngeni yaka negebec andauac hofocnudae.

Yohane 6:32

Ifi degec yofi edeyunuec, “Foracngoc, Mose ye yengenaoc kurumenggac yaka mi mema ngemmeec, imoc edengunuduae. Mannango kurumenggac yaka fora ngemmeude.

Yohane 6:47

Foracngoc, ngic mongngo ye negensinggede, yeng kekecserigoc anude.

Yohane 6:53

Ifi degec Yesungo yofi edeyunuec, “Foracngoc, ngeni Ngicac Medac sacfusia mi negecdeu kekecngo ngenearu mi feude, imoc edengunuduae.

Yohane 8:34

Ifi degec Yesungo yofi deec, “Ni fora yombong edengunuba, mongngo kopocsic meande, ye kopocsicngo wanac meu wanacngiha kecde.

Yohane 8:51

Foracngoc, ngic mong ye neac yoac mekefudeu, ye naric mi homeude nga homebesande, ni edengunuduae.”

Yohane 8:58

Ifi degec Yesungo yofi deec, “Foracngoc, Abrahang mi fingecmanu ‘ni kecduaengoc,’ imoc edengunuduae.”

Aposoro 10:11

Kurumeng anggeu wiac mong henec. Imoc kporuc isoc tegia noboc noboc mema bangecfu faigec mama, ifi isoc anec.

Aposoro 7:56

“Negendae, ni kurumeng anggeu Ngicac Medacngo Anutu foiau nanu henduae.”

2 Tesaronike 1:7

Nga ngeni nga neni kpendzenggoc kecdimbe, imocngo kpendzennina menomaneude. Anu Kebu Yesungo angerofora kucnginagoc, yenigoc kurumennunac mama fingectegecgecde, imohai ifi ambesande.

2 Tesaronike 1:9

Turunga kpoukpou ua imocngo wisic wisickea kpac memanganeyunukefu yeni Kebuac kicfunac nga kuc nga kibikperagiaunac meicyunugecde.

1 Timoteo 3:16

Negen negensinninaac hania imoc sufu sufuyau feec: Ye kuneng nga engena yombong, imoc fora. Ye sebiu fingectegerec nga Asungo haniaya dindingac imoc nonongkac mekperagiec. Angero yeneng ye henggec. Ngicngac yeni yeac siduc bangec monnunac ngicngac, yenearu dekperagigec bangec noboc noboc kenu negensinggegec. Ye Anutuac kuc nga kibikperagiau monggoc meemma ihai kecde.

Hebiraio 1:14

Angero sasawa yeni asuareng amma ua mema kecdae nga ngicngac memengereac dedzege anec imoc megecdeac tomai kecdae yeni yeneac kingang kpegecdeac Anutungo sueyunuande.

Yuda 1:14

Anu Enoko ye Adanggac fingecsahe yenearunac andenga sewennu fingerec, yeng yeneac profeteyoac yofi deec, “Henggec, Anutungo kpetiac arengfora teng tauseng nga dafiguc meyunuu hama

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.

Yohaneac kpefing 4:1

Anu ni nagu mong witi witia kurumennu henai. Amma ubaudumeng warac trampet isoc yoac edenuu negennai, yeng yofi deec, “Ge yei erena. Yomocac ngadeau noc faka fingecbesande, imoc edzacgubade.”