Yohane 1:45 - Deduamiti

⁴⁵ Anu Firipongo Natanae meficgema yofi edeec, “Mosengo dedeseriyoac kibiu ohoec nga profete yeneng ifingoc ohogec, neni ngic imoc meficgeding. Imoc Yesunoc, Yosefeac medac, Nadzarete taonnunac.”

Yoak kekehagocac Dzadzahac gboria nga Mitiyegec

⁴⁵ Anu Firipongo Natanae meficgema yofi edeec, “Mosengo dedeseriyoac kibiu ohoec nga profete yeneng ifingoc ohogec, neni ngic imoc meficgeding. Imoc Yesunoc, Yosefeac medac, Nadzarete taonnunac.”

Yohane 1:45 ပူးပေါင်းရင်းမြစ်များ

Fingec fingec 22:18

Nga geng yoacna tofohodang imocac amma geac bangecgaac arennu bangecfu ngicngacareng sasawa kenecnginagoc ambesandae.’ ”

Fingec fingec 3:15

Anu ni ge anggemba ngacac ngabaya annade nga ngac ye ifingoc geac ngabaga kefude. Amma geac fingecsahe yeni ngacac bangecfora yeneac ngabafocngina anggecde. Amma yeac bangecfora yeni geac fingecsahegaac ngabafocngina anggecde. Amma ye geac orucga tidzameu geng meremma hania kinade.”

Fingec fingec 49:10

Amma ngictauyasu imoc Yehuda yearunac mi meickeude nga ngicenaraac yasu haniau wegenac mariango seria mekefude. Mekecmanu yasu minginango hama meu ngicngacareng yeneng yeac yoac modacgecde.

Mika 5:2

Nga “Bet Lehem Efrata, ge ine Yehuda taong kapia yenearunac mong. Gearunac mongngo neac hama Isracel bubunggeude amma yennoc hanac hanaheaunacngoc keceregec yeneac dzitec hania.”

Dzekarya 6:12

Anu yofi edebesena, ‘Kurumenggac wasaiareng habuya habuya yeneac Kebu yeng yofi dede, “Negennec, ngic mong kpara Icfawa ye sera kpema erema yadiseri amma Kebuac womong monggoc gununggebesande.

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Mataio 10:3

Firipo nga Batoromaio nga Toma amma takesimemengic Mataio, Yakobo Arifaioac medac nga Tadaio

Mataio 13:55

Ye amamemengic yeac medacnoc. Nga nonggea kpara Maria amma ye Yakobo nga Yosec nga Simong amma Yuda yeneac dacngina.

Mataio 2:23

Kemma taong mong kpara Nadzarete, ihai emma kecgec. Profete yeneng yoac yofi degec, “Ye nadzaretengic, ifi degecde.” imoc fora anudeac ifi fingerec.

Mataio 21:11

Ifi degec ngicngac habutoa yeneng edeyunugec, “Imoc Yesu, profetenoc Gariraia bangecfunac Nadzarete taonnunac.”

Mareko 14:67

Hama henu Petoro ye gerec dzeunegemma taru kiwa yearu fima deec, “Ge ifingoc Yesu Nadzaretenac, yegoc kefoc.”

Mareko 6:3

Ye Mariaac medac nga amamemengic. Ye Yakobo nga Yosec amma Yuda nga Simong yeneac dacngina nga naingfora yeni nenanggoc kecdae.” Yeni ifi dema dehesi amma wagec.

Ruka 18:37

Kpesiu edegec, “Yesu Nadzaretenac, yeng ferecgema kende.”

Ruka 2:4

Yosefe ye Dawidiac kisicfunac, imocac amma yeng Gariraia provinsiunac erema Nadzarete wama Yudaia provinsiu Dawidiac taongbisic kpara Betereheng, ihai kenec.

Ruka 2:48

Nga nonggomama yereng ye hemma kpidohoma nonggeango yofi edeec, “Medac, ge nocac faka ifia anecmenec? Manggagoc nereng negengyohoc amma hofocgukecdic.”

Ruka 24:27

Yengena siduc imoc mitikibiu oho ohoya fedacde, imoc Moseac kibiunac hanahema kengkecma profete sasawa yeneng yeac siduc ohogec, ye imocac hania deireckeyemerec.

Ruka 24:44

Nema yofi edeyunuec, “Ni ngenigoc kefai, imohai yofi bic edengunuai, wiac sasawa neac negemma Moseac dedeseriyoacfu nga profete yeneac kibiu amma Mitiyegecfu oho ohoya fede, imoc sasawa fora fingecbeso.”

Ruka 3:23

Yesungo kifaya 30 ammanu uaya hanaheec. Nga ngicngac yeneng yofi negenggec, ye Yosefeac medac. Nga Yosefe ye Heriac medac

Ruka 4:22

Nga yeac enacfunac yoac dedea imocngo wosoefac nga kuhagoc anecac ngicngac sasawango yeac negenggec naric anu kerectegec amma yeac kpesiemegec, “Ngic yomoc ye Yosefeac medacngo ifi dede.”

Yohane 1:44

Nga Firipo nga Anderea amma Petoro yeni Besaida taonnunac.

Yohane 12:21

Kecma Firipoaru hama degec, “Ngickuneng, neni Yesu hembeso negendimbe.” nga Firipo ye Gariraia bangec Besaida taonnunac.

Yohane 14:8

Ifi deu Firipongo deec, “Kebu, ge Manggac edzacnununa henni socnunuude.”

Yohane 18:5

Kpesiyemmeu degec, “Yesu Nadzaretengic, ye hofocdimbe.” ifi degec Yesungo yofi deec, “Imoc ni.” Ifi demanu Yuda Yesu doc meec, yeng yeneac botucfu nanec.

Yohane 18:7

Kpefemagec monggoc kpesiyemmeec, “Ngeni merac hofocdae?” deu degec, “Yesu Nadzaretengic.”

Yohane 19:19

Anu Piratongo yoacbuma mong yofi ohoma mariponnu faiu nanec, “Yesu Nadzaretenac, yudangic yeneac ngictau.”

Yohane 21:2

Simong Petoro nga Toma Tombosonga dekecgec amma Natanae Gariraia bangecfu Kanang taonnunac nga Dzebedaioac medachora amma Yesuac medacfora yenearunac ngic yohockang, yeni yenahafoc tacgec.

Yohane 6:5

Nga Yesungo kic fiu kenu ngicngac habutoango kuting kuting yearu kenggec, yenemma Firipo yofi kpesimiec, “Nenang yaka dahacnac bummema ngicngac habutoa yomoc yemmeni negecde?”

Yohane 6:7

Kpesimiu Firipongo meremmiec, “Nenang afo 8ac uabung, imocac socfu yaka bummema hesisicke yemmeni yeneacsoc mi anude.”

Aposoro 10:38

Anu Anutungo Yesu Nadzaretenac kuc nga Tiri Asu faimiu yeng bangec yerecgema kengha amma ngic meficyunuma mengereyunukefec nga mangana minginaac kucngo ngicngac kekecngina memanganedarec, yeni mengereyunudarec. Anutungo nonggo tacmimanu yeng ua imoc meec.

Aposoro 2:22

Israengic, ni edengunuba negenggec, Yesu Nadzaretenac, ye Anutungo meefaima nonggo tacmimanu botucnginau faka kuhagoc nga negensinggegecdeac faka kuhagoc nga faka mi hengena meec. Imoc bic irec ireckeaac hania hentegecgec.

Aposoro 22:8

Ifi negemma yofi deai, ‘Kebu ge merac?’ Deba yofi edenuec, ‘Nukporac angannec, Yesu Nadzaretenac ninoc.’

Aposoro 26:9

Amma ni Yesu Nadzaretenac, yeac kpacsiduhaac kuc sing hania haniau memabesare dema yofi anai.

Aposoro 3:6

Yeremmanu Petorongo yofi edeec, “Ni hiedzona kpac nga wiac mocgu fenende, imoc ine gemba mena! Yesu Kristo Nadzaretenac, yeac kpacfu yacma kenna.”