Yohane 1:4 - Deduamiti

⁴ Yearunoc kekec feec nga kekec imocngo ngicngac yeneac kperagi anec.

Yoak kekehagocac Dzadzahac gboria nga Mitiyegec

⁴ Yearunoc kekec feec nga kekec imocngo ngicngac yeneac kperagi anec.

Yohane 1:4 ပူးပေါင်းရင်းမြစ်များ

Mitiyegec 49:6

Ngicngac imoc yeni hiedzongina negenserima kecandae, yeni dzofinactoanginaac negenggec wiac engena anu imocac yoac homac osogecde.

Mitiyegec 84:11

Nocac Kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Malecaki 4:2

Anu kpacna eweheimiandae ngenearu dindingac kekec wenac isoc ereu memengerec meficgeyemmeude. Ifi anu burumakamedaha yeneng amanginaunac mesiyunugec bangecfu mama sogac sogai yuengyuma kengkecdae ngeni ifi isoc ambesandae.

Mataio 4:16

Ngicngac kundunnu kecgec, yeni kperagi kuneng henggec nga ngicngac homecac bageu bangecfu kecgec, yeneac botucfu kperagia fingerec.” (Yes 9:1-2) Yoac imoc fora anudeac ye Kafanaung taonnu tacyac anec.

Ruka 2:32

Nga yeng bangeha bangeha ngicngac ge mi negensinggudae, yeni mekperagiyunuma kperagingina ambesande amma ye israengicngacfocga yeneac kibikperagitoa.”

Yohane 11:25

Ifi deu Yesungo yofi edeec, “Homecfunac yacyac nga kekec, imoc ninoc. Mong ye ni negensinnude, ye homeude nga sifu kefude.

Yohane 12:35

Ifi degec Yesungo deec, “Kperagingo naso wegenanecsac ngenigoc kefude. Kundunggac kucngo semengunubacac ngeni kperagi fengemmemanu kperagigoc kecbisia. Ngic mong ye kundunnu kengkecde, ye sing dafiu kende, imoc naric mi negentegerude.

Yohane 12:46

Nga ngicngac negensinnudae, yeni sasawango kundunnu monggoc mi kecgecde nocac bangecfu kperagia mama fingectegerec, imoc ni.

Yohane 14:6

Kpesimiu Yesungo yofi deec, “Ninoc sing nga yoac fora amma kekec. Ngic mongngo nia kpacfu Manggacaru keng keng imocac sing mong mi fede.

Yohane 3:19

Yoacninaac desi desiac hania imoc yofi, kperagingo bangecfu hau ngicngac angammemengina manganaac amma kundunggac songo monggoc negemma kperagia wagec.

Yohane 5:21

Manggacngo ngic homemea midiyunuma megboriyunukecde, ifi isocngoc Medacngo ngic megboribeso negemmiu ngereeu megboriude.

Yohane 5:26

Manggac yengenaaru kekec fede, siriha imocngoc yeng kekec Medac miu Medacaru ifingoc kekec fede.

Yohane 8:12

Yesungo monggoc torokpema yoac yofi edeyunuec, “Ni bangectoa bangec imocac ngicngac ngeneac kperagi. Mong ye ni modacnude, yeng kundunggac sing mong mi modarude. Amma ye kekecac kperagi mekefude.”

Yohane 9:5

Ni bangecfu kecma bangecac kperagi anduae.”

Aposoro 26:23

Messia ye kpendzeng negengkecma homeec. Amma homemea yeneac enara mema yacma yudangic nga bangec monnunac ngicngac momoc kperagiyoara dekperagiyemmedarude. Yoac imocnoc Mose nga profete yeneng ohogec.”

1 Korinti 15:45

Imocac yoac yofi oho ohoya fede, “Adang warac warac, ye ubaongayagoc nga kekehagoc fingerec.” (Fing 2:7) Fingeru Adang wisic wisickea, ye asu kekeha nemmeude.

Efeso 5:14

Imocac siriha yofi, wiac sasawa kperagiango henu meaiude. Imocacnoc yofi dedea, “O, ngic gau fema kecnec, ge gborima homecfunac yacna. Ifi anna Kristongo mekperagiguude.”

Kolosai 3:4

Kristo ye kekecnginaac hania. Yeng fingectegeru, naso imohai ngeneng yegoc yeac kuc nga kibikperagiau ngenahafoc fingectegecgecde.

1 Yohane 1:1

Bicngoc bicngoc yombong hanac hanaheaunacngoc kefec, neni ye kedzacninango negemma kicninango siriha nga fakaya hemma marininango kpesereing. Kekecac Yoac, ngic yenoc dekperagidimbe.

1 Yohane 1:2

Kekec imocnoc fingectegeru hemma kekecseri mingina yeac hepuc amma dekperagima edengunudimbe. Yeng warac Manggacgoc kefecngo nenannu fingerec.

1 Yohane 5:11

Nga dedekperagia yomocngo hepucnina ande, Anutungo kekec wisic wisickea kpac nemmeec nga kekec imocngo Medahaaru fede.

Yohaneac kpefing 22:1

Imocac witiau angerongo doku mong mafefea kekecac dokugoc edzacnuec. Doku imocngo gontaning pirac pirac amma Anutu nga ramamedaha yereac ngictau tatacfunac erema

Yohaneac kpefing 22:16

Ni Yesungo angerona sueba yeng dedekperagi yomoc kpebung sasawa ngenearu dekperagingemmeudeac haec. Ni Dawidiac sera nga bangeha amma asoacac asomeng kibikperagiagoc.”