Yoele 3:7 - Deduamiti

⁷ “Ammanu neng, ine amabangec sueyunugec imohacnac miacyunubade, amma faka anggec imocac turunga kpoungemebade.

Yoele 3:7 ပူးပေါင်းရင်းမြစ်များ

Esta 7:10

Ifi deu wotung herea Modekaiac mengereec, imohai Hamang yengena mekemma gbedickegec ubasacneec. Neu ngictauac herebuya kuha mau negenu ngereec.

Yoele 3:4

“Anu Tiro nga Sidong taong amma Perestia bangec sasawaac ngicngac, ngeni neac noc yoac mekecdae? Ngeni wiac andua imocac turung kpougecdeac negendae me? Ngeni turunga kpounenggecdeu, Neng imoc meremba ngenanungoc haude.

Dzekarya 9:13

Ni Yehuda tebenaac gurutu isoc tiba kemebesande nga Efrayimngo tebemedaha isoc ambesande. Ni Tsionggac medacfora demeefai ayemmeba yeni wasaibeang isoc ammagec fenggeyunuba grikngic medacfocngina yunubesandae.

Mataio 7:2

Imoc yofiac, ngeni ngic isingyunuma yoacngina desiandae, siriha ifiangoc yeneng isingngunuma ngeneac yoacngina desigecde. Nga ngeni wiac kpetea isinggema imocacsoc ngicngac wiac yemmeandae, yeni siriha ifiangoc kpetea isinggema turung kpoungemmegecde.

2 Tesaronike 1:6

Anutu ye faka dindingacac mingina. Imocac ngic kpendzennu faingunukecdae, yeng yeni turunga kpouyemmema kpendzennu faiyunuude.

Yakobo 2:13

Ngic mong ye ngicngac ogofora wosoefacgoc mi ayemmekecde, yeac wosoefac faka mong yoacfu mi fingerude. Nga wosoefacgoc kekecngo yoacfu namma firang ambesande.

Yohaneac kpefing 13:10

Ngic mong megec witicamau faigecdeac degecdeu ye witicamau kembeso. Ngicngac wasai beangngo yunuhomegecdeac degecdeu imocngo yunuhomebisia. Anu ngicngac kpetiac yeni modzotitia kpac nga negen negensinggoc kecbisia.

Yohaneac kpefing 16:6

Nga yeneng areng ifia amma ngicngac kpetiac nga profete yeneac sac kpakegec. Imocac amma geng sac negecdeac gumecyununa negecdeac ngereede.”

Yohaneac kpefing 19:2

Imoc yofiac, ye ngicngac yoacngina isinggema fora nga dindingac desiude. Amma yeng singtoangac kuneng serofakayango bangec memanganeec, yeac faka isinggema wanacarengfora yeneac sacnginaac turunga yearunac meec.”