Yoele 3:16 - Deduamiti

¹⁶ Anu Kebungo Tsionnunac laionggac aro isoc arohoude nga Yerusalaimnunac parandanggeude ammanu bangec nga kurumeng sasawango gbigbiheude. Ifi anu Kebungo ine ngicngacfora yeneac debang amma Isracel ngicngac yeneac memeseri anude.

Yoele 3:16 ပူးပေါင်းရင်းမြစ်များ

Mitiyegec 18:2

Kebu ye neac hoc peperandzi seria, ye amana seria amma neac yungec yungecngic. Ye Anutuna nga neac hoc peperandzi seria anu ni yeac hoannu kemma sufuma kecbade. Ye kasona nga ye kuhagoc amma ebicfunac mesinuu yeac odaseriau kecbade.

Mitiyegec 29:11

Kebungo ngicngacfora kuc nemmema kenecnunuu ruaegoc kecbisina.

Mitiyegec 61:3

Ge neac sufu sufuama. Ngabafocna yeneng nubeso anggec geng amana herea nga seria annec.

Amosi 1:2

Amosingo yofi deec, “Anu Kebungo Tsionnunac laionggac aro isoc arohoude nga Yerusalaimnunac parandanggeude. Anu rama yeneac kpindzingngo dzanggeu Kamere tiki bumaac ichasango ifingoc ururueude.”

Amosi 3:8

Anu laiongngo kunengngoc arohomanu merang kengeha kpac nanude? Nga Kebu Kpembibiagocngo ngic mong yoac edemanu ye profeteyoac imoc naric mi dekperagiude, me?

Nahum 1:7

Kebu ye gombunga. Ye ebicnasou ngicngacfora kaso kpeyemmeande amma ebicfunac kengec worama yearu kengandae, yeng yeni negengyemmema hoangyunuande.

Haggai 2:6

Kurumenggac wasaiareng habuya habuya yeneac Kebu ni yofi deduae: Naso mi hereemanu ni kurumenga kurumenga nga bangeha bangeha amma kondung nga bangec kpemindzaheyunuba turic turic anggecde.

Haggai 2:7

Amma ngicngac habuya habuya yeni ifingoc kpemindzaheyunudacba turic turic andacgec dzofinacngina yei hadaru ama mana yomoc kibikperagingo mewakebade.

Dzekarya 10:12

Ni neanna kpacfu kuc yemmema meseriyunuba yeni neac kpacfu sing kembesandae. Imoc Kebuac dede.

Dzekarya 10:6

Ni yehudahabu meseriyunubade. Amma Yosefac habu ebicfunac mesiyunuma bombangecnginau monggoc dzigenegecdeac wangecyunu hama amatatacngina mengerebesandua. Ni yeneac ubahodung negenganduaeac amma ni monggoc hoangyunuma yeni mi wayunuyai imocac sirihau kecbesandae. Ni Kebu Anutungina kecduaeac nunumungina negemma turunga merengngemmebade amma merengngemmebesandua.

Dzekarya 9:12

Kebuac yoacfu heirima tomai kecdae ngeni bombangecnginau hocoda gununggununggea ihai monggoc dzigenebesandae. Yagucnoc fakana dekperagibade imoc hembisia, wiac mocgu hamangec mengemmegecfu neng wiac yohockang turunga ngemmebesandua. Ifi amma kekecngina monggoc mengerebesandua.

Hebiraio 12:26

Moseac nasou Anutuac ubaudumengngo bangec kpemindzaheec nga yofinenggac ine yofi deserima edenunukecde, “Naso monnu monggoc bangec kpemindzahebade, imohai ine bangecsac kpac, kurumenga kurumenga ifingoc kpemindzahebesandua.” (Hag 2:6)

Yohaneac kpefing 11:13

Enec naso imohaingoc usoctoa meu taongyada tegia 10 imohacnac noboha mocgu (1/10) barackeec. Usocyada meec, imocac manaunac ngicngac kpetengina 7 tauseng yeni homegec. Homegec ngicngac tosea yeni kengec amma Anutu kurumennu kecde, ye afehegec.

Yohaneac kpefing 11:19

Anu kurumennu Anutuac womonggac naguya megec yeac dzadzahacac katapa kicnginango henggec. Hemmagec piratac heiu udumengtoa nga gbururungtoa heiec amma usoc meu nomang gbomeatoa maec.

Yohaneac kpefing 16:18

Ifi deu piratac nga udumeng amma gbururung fingeru, usoctoa meec. Nga ngicngac bangecfu keceregec, imohai usoc kunengtoa nga engenayombong ifia mong mi meec.