Yoele 3:1 - Deduamiti

¹ Anu Kebungo monggoc yofi dede, “Uameme nga naso imohai Ni Yehuda nga Yerusalaim me-mengere amba tatacngirau monggoc tatuckeecde.

Yoele 3:1 ပူးပေါင်းရင်းမြစ်များ

Mitiyegec 14:7

O, Isracel neneac mengec mengere, ye Tsion tikiunac mama habeso, imocac yombong anemmede. Kebungo ngicngacfora monggoc mengerenunuu naric kecnide, naso imohai Yacakowac nambaracfora sogaigecde nga Isracel neni ubangerec negennide.

Mitiyegec 85:1

Kebu ge bangecga gombunga yombong ammima Yacakowac areng monggoc mengereyununa naric kecgec.

Danicel 12:1

Anu ngickunengtoa Mikacel, ye geac bangecarenggac kunengngina amma kasongina amma nangkecde, yeng naso imohai yacma nanude. Anu medacfocngina yenigoc nammanu ebictoaac naso mong warac ngicngac hanac hanaheaunac bangecfu fingeceregec kecma naso imohai ebictoa ifia mong mi fingerec, ebictoa mong ifiangonoc fingecbesande. Anu naso imohai geac ngicngacarennunac ngicngac kibi kpoukpouyau kpacngina oho ohoya fede yeni sasawa onggongyunudacgec komoc kpegecde.

Yoele 2:29

Ammanu naso imohai Ni wanacngicngacfocna yenearu Asuna ifingoc kpakebade.

Amosi 9:14

Ni Isracel ngicngacfocna witicuau kecdae yeni monggoc meyunu habade. “Anu taongngina manganeec imocac sesuhau monggoc me-mengere amma imohai tacyac anggecde. Nga waing uanginau homecma waing dokuya negecde. Amma semeng uanginau homecma fora menec anggecde.

Bangec kisiu 11:29

Ifi deu Mosengo yoac yofi meremmiec, “Ge neac keracmangang annec imoc mi ngereede. Kebuac ngicngac sasawa yeneac witiu Asuya faiu yeni profete ambau, imoc negemba ngereebac.”

Bangec kisiu 12:6

Kenec yofi edeyuruec, “Ngeri yoacna negenec, botucnginau profete mong kefudeu ni neannaoc wiac kpefinnu edzahabade nga gaugau isoc yoacna edebade.