Yoele 2:2 - Deduamiti

² Kebuac naso imocngo kundung dzicnambac nga hoeng amma hoeng dzadzuac naso anude. Anu ipua yeneng wasai habu kunengngoc kuctoanginagoc tiki witiau Unung unungmeragiaac iroroyango sokoma maande, ifi isoc hagecde. Warac naso ifia mong mi fingerec nga dengec fingecsahe feenude, imohai mong mi fingecbesandengoc.

Yoele 2:2 ပူးပေါင်းရင်းမြစ်များ

Mitiyegec 10:6

Ye yengenaac yofi negenude, wiac mongngo menuu goroc goroc naric mi ambade. Ni nga esangabofocna kecma ebic mong naric mi meficgenide.

Mitiyegec 97:2

Hoeng nga kundung kunengngo ye oronggema fedape. Faka dindingac nga sing dindingac, imocngo yeac ngictautatahaac sering seria.

Makekeng 10:14

Yeni homac yombong hama mama Aigitabangectoa sokodacgec. Warac ipuatoatoa ifia mong mi hagec amma kecma ngade ifia monggoc mi hagecde.

Makekeng 10:6

Nga geangga amamana sasawa nga enactofoc tofohofocga yeneac amamana nga aigitangicngac sasawa yeneac amamana, imoc momoc wakedacma fegecde. Faka imoc bangecfocngina yeni fingeceregecfunac kecerema yaguc bangec yomohai ifia mong mi fingeru henggec.” Ifi dema dzigenema Pareco wama kenoc.

Makekeng 20:21

Ifi deu ngicngac yeni tihereema nammagec Anutungo hoeng kundung dzicnambac imocac manau taru Mose ye imohai kenec.

Danicel 12:1

Anu ngickunengtoa Mikacel, ye geac bangecarenggac kunengngina amma kasongina amma nangkecde, yeng naso imohai yacma nanude. Anu medacfocngina yenigoc nammanu ebictoaac naso mong warac ngicngac hanac hanaheaunac bangecfu fingeceregec kecma naso imohai ebictoa ifia mong mi fingerec, ebictoa mong ifiangonoc fingecbesande. Anu naso imohai geac ngicngacarennunac ngicngac kibi kpoukpouyau kpacngina oho ohoya fede yeni sasawa onggongyunudacgec komoc kpegecde.

Danicel 9:12

Nga yeng yoara edenunuec imoc modacma uaya mema neni nga desi desingicfocnina yoacnina desinunuu neni yoacfu fainunuec. Ifi amma neneac witininau ebic kunengtoa faiec, wiac ifia warac kurumenggac bageau mong mi memea imoc Yerusalaim imohai fingerec.

Yoele 1:6

Anu bangeha bangehaunac wasai habu kuneng kpetea kpac yeneng neac bangecfu eredae. Nga yeni enacngina imoc laionggac isoc amma ngiwengngina imoc laiong ngageraac isoc.

Yoele 2:25

“Nga kifa dafigucac manau ipuango wiacngina nedacgec, imocac turunga merengngemmebade. Imoc ipua kuneng kuneng nga ipua medaha amma ipua goa nga ipua siricngina hania hania kpetengina kpac, imoc yeni neannaoc wasaingic habuya habuya isoc ngeneac botucfu sueyunuyai.

Yoele 2:31

Kebuac nasotoa imocngo kpudamuyagoc mi fingecmanu wenackiwango meremma kundung kpedarude nga afongo sac anude.

Yoele 2:5

Nga yeneng yuma tikibuma ferahagec udumengnginango keretacac udumeng isoc amma suruac borang udumenga isoc nga wasaihabu kuctoanginagocngo dzikacac meemegec udumeng fingecande, ifi isoc fingerec.

Yoele 3:4

“Anu Tiro nga Sidong taong amma Perestia bangec sasawaac ngicngac, ngeni neac noc yoac mekecdae? Ngeni wiac andua imocac turung kpougecdeac negendae me? Ngeni turunga kpounenggecdeu, Neng imoc meremba ngenanungoc haude.

Amosi 4:13

Yennoc tiki deu fingecdacgec nga firang meficgeec amma yengena negen negengnga sufusufuya, imoc ngiha ngiha mekperagiyemmeande. Nga unung unung meragia imoc merennu kundung kpeande amma bangec buma buma sasawau kecdacande. Yeac kpara Kebu Anutu Kuctoa Mingina.

Tsefanya 1:7

Kebu ni Kebungina neng sesegerecna mengerema heitaingunuma arengngunuyai. Neac naso wegenedeac ngeni neac kicfu ning kpegec.

Dzekarya 14:6

Anu naso imohai wenackiwa nomanema kuha kpac ambesande.

Mataio 24:21

Naso imohai kpendzeng kuneng yombong fingerude. Kpendzeng ifia bangec hanac hanaheaunacngoc erekecma yofinenggac mong mi fingerec amma ngade ifingoc mi fingecbesande.

Hebiraio 12:18

Isracel ngicngac yeni tikingina mewegenema henggec gerecborang dzeu kundung kpema medzickeyombonggeec. Nga firang kpeu

Yuda 1:13

Nga tembong kuneng kpema sofororoc seuhagoc mehaande, yeni ifi isoc gamengina ifi kpakegecde. Yeni asomeng sing segedae, ifi isoc kecdae. Nga yeneac ama kundung dzapac wisic wisickea kpac faifaia fede.

Yohaneac kpefing 9:2

Migec yeng ki imoc mema teng buya kpac mesiec. Mesiu gerecngo ua dzeu hosuc kuneng ereande, hosuc siriha ifia isocngo tennunac ereec. Teng imohacnac hosuc ereu wenac nga sawaac kperagi kucngira maec.