Yoele 2:12 - Deduamiti

¹² Imocac Kebungo yaguc yofi dekperagide, “Ngeni kiac ubahodunggoc yakasege amma heregoc yombong nearu dzigenebisia.

Yoele 2:12 ပူးပေါင်းရင်းမြစ်များ

Esta 4:16

“Ge kemma Yehuda ngicngac Susa taonnu kecdae, yeni sasawa kpedzucyununa uameme harebecac manau neac negensima yakasege amma hadzing nga toforec nenedoku monnec mi nebisia. Anu ngeni yakasege anggecde isoc ni uangacfocnagoc ifingoc annide. Ifi amma neng singyoac kpema ngictauaru kembade. Nga kpebucnugecdeac degecdeu, imoc naric homebesare.”

Makekeng 33:5

Anu Kebungo Mose yofi edeec, “Ge Isracel medacfora yofi edeyununa, ‘Ngeni ngicngac ubaseri yombong, ni naso wegenanec me naso mocgu ngeneac botucfu kecma memanganengunuba kpacambauac. Imocac amma ringnganoc heiandae imoc meickedacbisia. Meickegec dafi angemmebade, imocac negengising ambesare.’ ”

Danicel 9:3

Ifi negemma yakasege amma toruwamba heiba kemeu hama nadzicma kicmesuna Kebu Anutuaru meremma yeac kpara kpacma kpacsambic ammima ubaherena hafoangoc ye numumiai.

Yoele 1:13

Womonggareng arata kiwau waraiyemmema sese meandae, ngeni yukung heima arohoma torengkpegec. Amma Anutunaac hoannu wit nga baliac sese nga waing dokuac sese faiandae, imocngo Anutunginaac amau monggoc mi faigecac amma toforecfu hamma yukunggoc kecbisia.

Dzekarya 7:3

Amma Kebuac womonggareng nga profete ifingoc yofi kpesiyemmegecdeac kenggec, “Yeni hama womong hembarackegecac neni kifasoc afo kpete faef imohai imoc negensima ubahodunggac yakasege amma kecereing. Ifi isocngoc monggoc naric annide me kpac?”

Dzekarya 7:5

“Ge amabangec yomocac ngicngac amma womonggarengfocngina yofi edeyunubesena, ‘Ngeni kifa sewentiac manau afo kpete faef nga afo kpete sewen imohai kiac ubahodunggoc yakasege angkecgec, imoc fora ngeni ifi angkecgec amma neac mong mi negensikecgec.

Malecaki 1:9

Imocac womonggareng ngeni Anutungo negeng ngereengemmeudeac bic numumigec yeng negeng ngereengemmeu heng. Faka imoc ngeneac kopocsicac amma fingerude.

Aposoro 26:20

Ni hanahema Damasko kemma dzigenema Yerusaleng nga Yudaia bangecac yuda ngicngac amma bangec monnunac ngicngac, yenearu kenai. Kemma yeni ubangina dzigeneu Anutuaru kpeketahema ubamerem merenggac angammeme meficgegecdeac edeyunukefai.