Yoele 2:11 - Deduamiti

¹¹ Anu Kebungo wasaifora kpetengina kpac yenigoc waraiyemmema parandanggemanu wasaihabu yeac dederecgea modacgecac amma yeni kuctoanginagoc. Ifi anu Kebu nasotoa imocngo kuneng nga bibiagoc ammanu naso imohai merang naric serima nanude?

Yoele 2:11 ပူးပေါင်းရင်းမြစ်များ

Mitiyegec 18:14

Ye tebe kperecgema tebemedac isoc kpesaiu ngabafora singsararang kpegec. Ye piratac kucnginagoc sing edzacyunuma faiu yeni sing imoc modacma kenggec.

Mitiyegec 46:6

Bangec monnunac ngicngac Anutu mi negemmidae, yeneng dzomugerec mekecdae nga bangecac eucerereng yeni goroc goroc amma mayunuude. Ye ubia miacma kparu bangectoa bangecngo sisingaima kpac andarude.

Mitiyegec 68:18

Geng wi sawau yombong emma witicareng witicyunuma wangecyununa arenggau kenggec. Ngic yeneng ubangerecac wiac genggec. O Kebu Anutu, geng ihai kecnec nga ngic yeni geac modzongina tiu yoacga kpeandae, yeni ifingoc ubangerecac wiac genggecde.

Yoele 1:15

Naso imocac kuku heigec! Imoc yofiac: Kebuac nasotoango bic mewegenenunude, imoc Anutu Kuctoa Mingina yearunac kpendzengngagoc haude.

Yoele 1:6

Anu bangeha bangehaunac wasai habu kuneng kpetea kpac yeneng neac bangecfu eredae. Nga yeni enacngina imoc laionggac isoc amma ngiwengngina imoc laiong ngageraac isoc.

Yoele 2:1

Tsionnu trampet fifibisia, neac kpetiac tikiu esamubung gigigec. Bangecfu kecdae sasawa yeneng dzonong fedefede ambisia imoc yofiac kebuac nasotoango hade nga imocngo bic mewegenengunude.

Yoele 2:2

Kebuac naso imocngo kundung dzicnambac nga hoeng amma hoeng dzadzuac naso anude. Anu ipua yeneng wasai habu kunengngoc kuctoanginagoc tiki witiau Unung unungmeragiaac iroroyango sokoma maande, ifi isoc hagecde. Warac naso ifia mong mi fingerec nga dengec fingecsahe feenude, imohai mong mi fingecbesandengoc.

Yoele 2:25

“Nga kifa dafigucac manau ipuango wiacngina nedacgec, imocac turunga merengngemmebade. Imoc ipua kuneng kuneng nga ipua medaha amma ipua goa nga ipua siricngina hania hania kpetengina kpac, imoc yeni neannaoc wasaingic habuya habuya isoc ngeneac botucfu sueyunuyai.

Yoele 2:31

Kebuac nasotoa imocngo kpudamuyagoc mi fingecmanu wenackiwango meremma kundung kpedarude nga afongo sac anude.

Yoele 3:14

Anu Kebuac isingisinggac nasotoango wegenedeac amma isingisinggac tumeatoa imohai habuya habuya kpetea kpacngo kpedzucnedae.

Yoele 3:16

Anu Kebungo Tsionnunac laionggac aro isoc arohoude nga Yerusalaimnunac parandanggeude ammanu bangec nga kurumeng sasawango gbigbiheude. Ifi anu Kebungo ine ngicngacfora yeneac debang amma Isracel ngicngac yeneac memeseri anude.

Amosi 1:2

Amosingo yofi deec, “Anu Kebungo Tsionnunac laionggac aro isoc arohoude nga Yerusalaimnunac parandanggeude. Anu rama yeneac kpindzingngo dzanggeu Kamere tiki bumaac ichasango ifingoc ururueude.”

Amosi 5:18

Ubahodung kuneng ngicngac damocngo Kebuac naso imocac tomai kecdae! Ngeni noc haniaac Kebuac nasotoaac tomai kecdae? Uameme imoc kperagiaac naso kpac kundungtoaac naso anude.

Amosi 5:20

Kebuac naso imocngo kperagia kpac kundungngagoc fingerude amma kundungdzapac fingeru kperagiaac iroroya hofocgecde.

Owadya 1:15

Kebuac nasotoango ngiha ngiha mewegenengunuude. Edom ngeni faka anggec faka siriha imocngoc ngenearu fingerude. Amma angammemengina imocngoc monggoc ngenang witiu dzigenengemmebesande.

Nahum 1:6

Amma yeac heregerec fingeru mongngo naric mi serima nanude. Nga kimbengaac borangngo timanu mongngo yeac wegenac naric mi kefude. Amma yengenaoc harongang wegenac kenu yeni tohoma dzindzururung kpegecde.

Malecaki 3:2

Yeac sike sikenasou mongngo naric mi serima kecbesande nga yeng fingectegeru mongngo naric mi serima nambesande. Nocac yeac siriha imoc gerecngo silwa dzeu seuha isinggema meickeandae ifi isoc ande nga saifengo wamba dzuacgec kongac kpeande ye fakaya ifia mebesande.

Bangec kisiu 24:23

Ifi dema kpefingyoara torokpema wisic wisickeau yofi deec, “Ebictoa yombongngo fingengemmebesande. Anutungo ebicnginagoc anggecdeac ifi deu mongngo naric mi kefude.

1 Tesaronike 4:16

Kebungo imohai yoac kuhagoc demanu angero yeneac enarangina mong yeac ubaudumeng fingerude. Imohaingoc Anutuac trampet arohoude. Arohomanu Kebu yengenaoc kurumennunac sawau maude. Mau ngicngac Kristogoc kpeketahema homegec, yeneng waraima gborima yacgecde.

Yohaneac kpefing 18:8

Imocac amma uameme mocguac manau homec nga ubahodung amma here homehome hanahemima yeac witiau kpendzeng ifia fingeru ngac ye gerecfu dzeude. Imoc yofiac, Kebu Anutu ye kuhagoc, yeac faka isinggema foraya desiec.

Yohaneac kpefing 6:17

Yereac ngabaac nasotoa bic hadacac neni naric mi serima nannide.”