Yoele 2:10 - Deduamiti

¹⁰ Naso imohai bangecngo kpemindzaheude nga kurumenga kurumenga yeneng dzonong fedefede anggec ammanu wenac nga afo yereac kperagingirango kundung kpeu nga asomeng yeneng monggoc mi kperagigecde.

Yoele 2:10 ပူးပေါင်းရင်းမြစ်များ

Mitiyegec 114:7

O bangec, ge Kebuac kicfu dendeng kpekecbesena. Ge Yacakowac Anutu yeac kicfu gbigbihebesena.

Mitiyegec 18:7

Yeng ngaba anecac bangecngo kockpac amma kpemindzaheu usoc meu tikiac titiseri yeni dendeng kpegec.

Yoele 2:2

Kebuac naso imocngo kundung dzicnambac nga hoeng amma hoeng dzadzuac naso anude. Anu ipua yeneng wasai habu kunengngoc kuctoanginagoc tiki witiau Unung unungmeragiaac iroroyango sokoma maande, ifi isoc hagecde. Warac naso ifia mong mi fingerec nga dengec fingecsahe feenude, imohai mong mi fingecbesandengoc.

Yoele 2:31

Kebuac nasotoa imocngo kpudamuyagoc mi fingecmanu wenackiwango meremma kundung kpedarude nga afongo sac anude.

Yoele 3:4

“Anu Tiro nga Sidong taong amma Perestia bangec sasawaac ngicngac, ngeni neac noc yoac mekecdae? Ngeni wiac andua imocac turung kpougecdeac negendae me? Ngeni turunga kpounenggecdeu, Neng imoc meremba ngenanungoc haude.

Amosi 5:8

Kebungo asomeng habuya habuya sasawa meficyunuec, ye hurubia merennu unung unungmeragia angande nga hadzing mekundungkpeu toforeande. Amma kondunggac doku kpacyunuma bangec kiwau kpakeyunuu sokoma fedae. Ye kpara Kebunoc.

Nahum 1:5

Tiki yeni yeac kicfu kpemindzaeandae amma bangec buma buma yeni sisingaiandae nga bangec goa gboria monggoc yadima eremagec ngicngac nga wiac sasawa ihai kecdae yeni dzonong fedefede anggecde.

Mataio 24:29

Anu kpendzengtoa nasoya wisickeuguc wenackiwa kundung kpeu afokperagia mi fingerude. Asomeng yeni kurumennunac fotockema magec kurumenga kurumenga yeneac kuc sasawa kpemindzahebesandae. (Yes 13:10; 34:4)

Mataio 27:51

Ereu homeec, imohaingoc Anutuac womonnu kpoructoa womongmana kpetiac yombong naguyau nanec, imocngo wihacnac botuhaungoc tohoma mama yohockang anec. Amma usoctoa meu fagannu hoctoa toa tohogec.

Aposoro 2:20

Kebuac nasotoaac kuc kibikperagiagoc mi fingecmanu wenackiwa meremma kundung kpeude nga afokiwa sac isoc anude.

Yohaneac kpefing 20:11

Imocac witiau ngictau tatactoa kongac kongac mong henai. Nga imocac witiau tarec, yeac kiwaunac bangec nga sawakebanga woraec tatacngira mong mi feec.

Yohaneac kpefing 6:12

Anu ye kendokereha wisic wisickeaac bageau mekpacgeu henai. Hemba usoctoa meu wenackiwa dzadzu kpeec. Imoc ubahodunggac ngakpi isoc, ifia nga afo hafoangoc sac isoc anec.

Yohaneac kpefing 8:12

Nga angero mongngo trampeha fifiec. Fifiu wenac nga afo amma asomeng yeneac kperagiaac kuc imohacnac harebecac noboha mocgu (⅓) kundung kpeudeac meickeec. Meickeu hadzing tofocnac yereac kperagiaac kuc imohacnac harebecac noboha mocgu (⅓) mi fingerec.

Yohaneac kpefing 9:2

Migec yeng ki imoc mema teng buya kpac mesiec. Mesiu gerecngo ua dzeu hosuc kuneng ereande, hosuc siriha ifia isocngo tennunac ereec. Teng imohacnac hosuc ereu wenac nga sawaac kperagi kucngira maec.