Yoele 2:1 - Deduamiti

¹ Tsionnu trampet fifibisia, neac kpetiac tikiu esamubung gigigec. Bangecfu kecdae sasawa yeneng dzonong fedefede ambisia imoc yofiac kebuac nasotoango hade nga imocngo bic mewegenengunude.

Yoele 2:1 ပူးပေါင်းရင်းမြစ်များ

Mitiyegec 119:120

Ni geac kengec amba sebinango gbigbihekecde nga geng yoacna isinggema desinade, imoc negemma negengfagunggoc kecduae.

Mitiyegec 87:1

Kebungo tiki kpetiacfu taong mong faiu fede.

Makekeng 10:14

Yeni homac yombong hama mama Aigitabangectoa sokodacgec. Warac ipuatoatoa ifia mong mi hagec amma kecma ngade ifia monggoc mi hagecde.

Danicel 6:26

Ni kibi yomoc ngemmema yoacseria mong yofi faiduae, ngicngac neac eucererennu noboc noboc kecdacdae ngeni Danicelac Anutuya yeac kicfu dzonong fedefede nga damugoc kecbisia, Yennoc Anutu kekehagoc ye kecengkefude nga kecbesande. Yeac eucerereng imoc naric mi kpetotiebesandae. Yeng Ngictaungina amma ngicngac garengyunuma kecde, faka imoc nasoya nasoya fekengkecbesande.

Danicel 9:16

Neneac kopocsic nga bangecfocninaac singyoac kpekpefakanginaac amma bangecareng sasawa yerecnunuma tacyac andae yeneng Yerusalaim nga ngicngacfocga neneac negenggec wiac mangana yombong andimbe. O Kebu, ge dindingacfakaga sasawa modacmana ngabaga nga herebugango geac kpetiac tikiga Yerusalaim amatoa wama kembeso.

Danicel 9:20

Anu ni Kebu Anutunaac kicfu neanna nga ngicngacarengfocna Isracel kopocsicninaac amma numuma dedefic deai amma yeac kpetiac tikiac ebic imoc negemma numumiai.

Yoele 1:15

Naso imocac kuku heigec! Imoc yofiac: Kebuac nasotoango bic mewegenenunude, imoc Anutu Kuctoa Mingina yearunac kpendzengngagoc haude.

Yoele 2:11

Anu Kebungo wasaifora kpetengina kpac yenigoc waraiyemmema parandanggemanu wasaihabu yeac dederecgea modacgecac amma yeni kuctoanginagoc. Ifi anu Kebu nasotoa imocngo kuneng nga bibiagoc ammanu naso imohai merang naric serima nanude?

Yoele 2:15

Anu ngeni Tsionnu trampet fifima ngicngac sasawa ihai kecdae, yeneng kpetiac anggedeac yakasege, imoc dekperagibisia. Amma enara nga ngicngac sasawa ihai kecdae, ngeni kpedzucemebisia.

Yoele 2:31

Kebuac nasotoa imocngo kpudamuyagoc mi fingecmanu wenackiwango meremma kundung kpedarude nga afongo sac anude.

Yoele 3:14

Anu Kebuac isingisinggac nasotoango wegenedeac amma isingisinggac tumeatoa imohai habuya habuya kpetea kpacngo kpedzucnedae.

Yoele 3:17

Ifi fingecmanu ngeneng Ni Kebu Anutungina kpetiac tikina Tsionnu kecduae, imoc negenggecde. Ammanu Yerusalaimngo kpetiac anude. Anu kuricngic yeneng ihai susuferecge monggoc mi anggecde.

Amosi 3:6

Nga dzikacac trampet udumengngo taonnu meficgeudeu ngicngac yeneac dzonongngina mi fedeude me? Amma taong monnu ebic kuneng fingerude, imoc Kebungomi negemmanu fingerude me?

Amosi 5:18

Ubahodung kuneng ngicngac damocngo Kebuac naso imocac tomai kecdae! Ngeni noc haniaac Kebuac nasotoaac tomai kecdae? Uameme imoc kperagiaac naso kpac kundungtoaac naso anude.

Amosi 8:2

“Hembare yofi kpesinenec, Amosi ge noc wiac hennec?” Deu meremmiai, “Icgbomea kpaua sakahagoc taru henduae.” Ifi deba Kebungo yofi deec, “Isracel ngicngacfocna yeneac faka manganangina imocngo ic gbomea isoc kpauedeac amma naric mi orocyunubade.”

Owadya 1:15

Kebuac nasotoango ngiha ngiha mewegenengunuude. Edom ngeni faka anggec faka siriha imocngoc ngenearu fingerude. Amma angammemengina imocngoc monggoc ngenang witiu dzigenengemmebesande.

Tsefanya 1:14

Kebuac nasotoa imoc wegenede nga bic mewegenenunude. Naso imoc ubaebigoc anude, dzikacac wasaingic yeni ebicfu emma arohoma winggema kiacbesandae.

Tsefanya 1:16

Anu wasaingic yeni taongnginaac hocodatoatoa hembarackema imocac tuturungau kicfifiac amaherecngina nangande imoc kpedzacmegecdeac dzikacac tomeng fifibesandae.

Tsefanya 1:7

Kebu ni Kebungina neng sesegerecna mengerema heitaingunuma arengngunuyai. Neac naso wegenedeac ngeni neac kicfu ning kpegec.

Tsefanya 3:11

Naso imohai ngicngacfocna damoc ngeni mangana hania hania amma wosonau megec imoc ngeni gamengina kpac kecbesandae, imoc yofiac ngeni nendefe fakanginaac sogaiandae, imoc ngeni meicngunudacbesandua. Meicngunuba ngeni kpetiac tikinau sebiengenggoc monggoc mi kecbesandae.

Dzekarya 14:1

Kic fima henggec Kebuac nasotoa hade naso imohai ngabafocngina yeneng hama hiedzongina wangecngunudacma botucnginau yenennammagec emekeng emeha ambesandae.

Dzekarya 8:3

Imocac ni monggoc Tsionnu dzigenema Yerusalaimgac botuhau tacbesandua. Ihai tacba yeni Yerusalaimgac kpara, “Yoac foraac taong,” ifi debesandae amma kurumenggac wasaiareng habuya habuya yeneac Kebu neac tikiac kpara, “Kpetiac tiki,” ifi debesandae.

Malecaki 4:1

Kurumenggac wasaiareng habuya habuya yeneac Kebungo yoac yofi dede, “Negendae, naso hade imoc gerectoayagoc hade. Imocac ngic damoc yeni dehesi nga deengdema amma mangana meandae yeni naso imohai gerec seriango dzema yonohodacbesande. Imoc wiac mong dzuama harandanggeu gerecngo godeagoc sasawa dzemusunggeude ifi isoc yenearu fingecbesande.

Bangec kisiu 10:2

“Ge silwa mema hamango heimengere amma trampet yohockang mebesena. Amma dena trampet imoc yereng arohoma ngichabu kpacyunuma kpedzucyunubesera. Anu yeni efaima yacma kporucamangina meickema bangec imoc wama kenggecdeac dena arohobesera.

Bangec kisiu 10:3

Nga yerahafocngoc yoha yoha arohoecde, naso imohai ngichabu hafoangoc yeni gearu hama Kebugoc ewacemeemeac kporucamaac naguu kpedzucnema nambisia.

1 Korinti 14:8

Amma dzikacac tomengngo udumenga gombunga mi fingeru ngic yeni dzikacac naric mi efaigecde.

Firipi 2:12

Imocac songoarengfocna, ngeneng warac nasosoc yoacna modacma kecgec, ngeneac wegenac kecbare enacna modacgec ifi isocngoc yaguc hereau kecbare ngeni yoacna modacmangoc wosokpidocfu nga fagung amma madzacgoc uatoa mema kecmagec nasoya hau komoc kpegecde.

Yakobo 5:8

Nga Kebuac hahanaso bic wegene hadeac amma ngeni ifingoc ubaherengina meserima modzotitia kpac tomai kecbisia.

1 Petoro 4:7

Wiac sasawa imoc kpac ambesandeac naso mi ukuude. Imocac ngeni garengemema negengisinggoc kecma nunumu ua mebisia.

Yohaneac kpefing 6:17

Yereac ngabaac nasotoa bic hadacac neni naric mi serima nannide.”