Yoele 1:2 - Deduamiti

² Ngicenara sasawa ngeni negenggec nga bangecfu kecdae ngeni kedzac faigec. Ngeneac nasou me esangabofocngina yeneac nasou faka ifia mong fingerec me?

Yoele 1:2 ပူးပေါင်းရင်းမြစ်များ

Mitiyegec 49:1

Ngiha ngiha ngeni yoac yomoc negembisia nga ngicngac bangectoa bangecfu kecdae, ngeni kedzac kpema yoac yomoc negembisia.

Danicel 12:1

Anu ngickunengtoa Mikacel, ye geac bangecarenggac kunengngina amma kasongina amma nangkecde, yeng naso imohai yacma nanude. Anu medacfocngina yenigoc nammanu ebictoaac naso mong warac ngicngac hanac hanaheaunac bangecfu fingeceregec kecma naso imohai ebictoa ifia mong mi fingerec, ebictoa mong ifiangonoc fingecbesande. Anu naso imohai geac ngicngacarennunac ngicngac kibi kpoukpouyau kpacngina oho ohoya fede yeni sasawa onggongyunudacgec komoc kpegecde.

Yoele 1:14

Nga kpetiac anggedeac yakasege, imoc dekperagigec amma ngeni enara nga ngicngac sasawa ihai kecdae, ngenang tembuc kpekpedzuc mema Kebu Anutunginaac amau Kebu kpacsambic ammibisia.

Yoele 2:2

Kebuac naso imocngo kundung dzicnambac nga hoeng amma hoeng dzadzuac naso anude. Anu ipua yeneng wasai habu kunengngoc kuctoanginagoc tiki witiau Unung unungmeragiaac iroroyango sokoma maande, ifi isoc hagecde. Warac naso ifia mong mi fingerec nga dengec fingecsahe feenude, imohai mong mi fingecbesandengoc.

Amosi 3:1

Isracel ngicngac, Kebungo ngeni sasawa ngeneac turung kpoukpouac yoac dede, imoc kedzac kpema negenggec, Nennoc Aigitanac mengunu hayai.

Amosi 4:1

Ngac Samaria tikiu kecdae, ngeni Basanggac burumaka gbofong isoc ngeni kedzac kpema negenggec, ngac ngeni makpekpea nga kpe-kpedadanga meenti memati ayemmema ebic kuneng witinginau faima ewefocngina yeneac yofi deandae, “Dokuseria mehagec neni!”

Amosi 5:1

O Isracel, geac amma ubahodung yegec yomoc heigenduae, ge kedzac kpema yegec sibia yomoc negenna.

Mika 1:2

Ngiha ngiha ngeni sasawango yoac yomoc negenggec, nga bangec amma damocngo bangecfu kecdae, ngeni kedzac kpegec. Kebu Kpembibiagocngo kpetiac womongngau tacma manganangina heficgema haniangina mekperagima yoacfu faingunubesande.

Mika 3:1

Ifi anu yofi deai, “Yacakowac esamedac yeneac enara nga Isracelac oruha, ngeni kedzac kpema negenggec. Ngeni faka dindingacac fagung faficgoc kecgec ngereebac,

Mika 3:9

Yacakowac esamedac yeneac enara nga Isracelac oruha sasawa ngeni yofi negenggec. Ngeni angammeme gombunga ngadehema faka dindingac femanu netohoma menggbaringgeandae.

Mataio 13:9

Kedzahagoc yeng yoac yomoc negembeso.”

Mataio 24:21

Naso imohai kpendzeng kuneng yombong fingerude. Kpendzeng ifia bangec hanac hanaheaunacngoc erekecma yofinenggac mong mi fingerec amma ngade ifingoc mi fingecbesande.

Yohaneac kpefing 2:7

“Kedzahagoc yeng Asungo kpebung yoac edeyunude, imoc negembeso. Nga firang anude, ye kekecac ic Anutuac eucererennu nande, imohacnac fora naric miba nebesande.”