Yakobo 5:16 - Deduamiti

¹⁶ Imocac ngeni ngerec ngeree meficgegecdeac kopocsicngina ngenaocngoc deficemema nunumungo meficemebisia. Ngic mong dindingacngo numuude imocngo wiac kuhagoc amma memefihagoc anude.

Yoak kekehagocac Dzadzahac gboria nga Mitiyegec

¹⁶ Imocac ngeni ngerec ngeree meficgegecdeac kopocsicngina ngenaocngoc deficemema nunumungo meficemebisia. Ngic mong dindingacngo numuude imocngo wiac kuhagoc amma memefihagoc anude.

Yakobo 5:16 ပူးပေါင်းရင်းမြစ်များ

Fingec fingec 19:29

Anutungo tumiau taong sasawa tackenggec imoc kpetotieyunuec naso imohai Awrahamgac negensima Lot imocac botuhaunac meickeec. Ye taong warac fekenggec Lot ye imohai feyac kengkefec imoc sasawa hembac kpembarackedarec.

Fingec fingec 20:17

Kebungo Awraham enema Saraac amma Awimelecac enema nga ameau ngac kecdacgec yeni momoc sasawa kufing andacgecdeac negengyemmeec. Ifi anggec Awraham ye numumiu Anutungo Awimelecac enema nga wanacngacfora yeni monggoc kogoc megecdeac mengereyunuec.

Fingec fingec 20:7

Awraham ye neac profete imocac amma ge yeac enema meremmibesena. Anu ge kecnadeac yeng geac numubeso. Anu negennec, ge enema mi meremminadeu ine ge nga wiacfocga ngeni sasawa homedacgede.”

Fingec fingec 32:28

Ifi deu yofi dema edeec, “Ge Anutu nga ngic yenigoc momoc dzikac kpema firang andanggac geac kpacga Yacakow monggoc mi kpacbesonga. Geac kpacga imoc Isracel ifi debesonga.”

Mitiyegec 34:15

Kebungo kiwa ngicngac dindingac yenearu fima kedzac kpema kiacngina negenude.

Makekeng 17:11

Namma Mose ye maria miackefec naso imohai isracelngic yeni dzikacfu serikecgec nga maria mausoc amalekngic yeneng serigec.

Makekeng 9:33

Anu Mose ye Pareco nga taong wayuruma kemma maria Kebuaru miaru gbumparandang nga kia aisgbomeagoc kpac ammategeru kiatungbaung bangecfu dzikeec.

Bangec kisiu 11:2

Yonohou ngicngacareng yeni Mose haudeac kpacgec ye Kebu numumiu yeng deu gerec bokoec.

Mataio 21:22

Nga ngeni wiac monggac me monggac negensinggema nunumunginau kpesigecdeu ngeni imoc sasawa megecde.”

Mataio 3:6

Kemma kopocsicngina deficgemagec Yodannu doku nadzicyemmeec.

Mareko 1:5

Nga ngicngac yeni Yudaia provins nga Yerusaleng taonnunac amanene yearu kenggec. Kemma kopocsicngina deficgemagec yeng Yodang dokuu namma doku nadzicyemmeec.

Ruka 9:6

Ifi deu yeni amea amea kemma siduc gombung dekperagikecma hafeinginagoc mengereyunugec.

Yohane 9:31

Nenang yofi negendimbe, Anutungo kopocsicmeme yeneac yoac naric mi negengyemmeude. Anu ngic mongngo eweheimima dedea tofohoande, Anutungo ye negemmiude.

Aposoro 10:38

Anu Anutungo Yesu Nadzaretenac kuc nga Tiri Asu faimiu yeng bangec yerecgema kengha amma ngic meficyunuma mengereyunukefec nga mangana minginaac kucngo ngicngac kekecngina memanganedarec, yeni mengereyunudarec. Anutungo nonggo tacmimanu yeng ua imoc meec.

Aposoro 19:18

Dengerema ngicngac Yesu negensinggegec, yenearunac homacngo sikema angammemengina mangana angkecgec, imoc nonongkac deficgedacgec.

Aposoro 8:24

Ifi deu Simongngo deec, “Wiac dedapemoc, imoc mi fingecnembeso. Imocac ngeraoc neac amma Kebu numumiec.”

Roma 3:10

Imocac yofi oho ohoya fede, “Ngic mongngonec dindingac mi kecde, imoc kpac yombong.

Roma 5:19

Nga ngic mocgungo enac tofoc tofoho faka wau ngicngac ebiriangoc yeni kopocsicnginagoc andacgec. Nga ifi isocngoc ngic mocgungo enac tofoc tofoha anecac amma Anutungo ngicngac ebiriangoc yeneac dindingac deyemmeec nga deyemmeude.

Kolosai 1:9

Anu hanahema ngeneac siduc negening, imohacnac ngeneac amma tatahoc numuma kpesi kpesi yofi kpesikecdimbe, Anutungo wiac negenu ngereede, negen negeng imocngo mewakengunuu Asu yengenaoc negen negeng gombunga nga negen negentegec ngemmebeso.

1 Tesaronike 5:17

Amma ngeni tatahoc numuma kecbisia.

1 Tesaronike 5:23

Anutu ye ruae mingina. Yeng kpetiac kekecac faka meyadingemmema mewakengunuu ongaasungina nga ubaongangina amma sebingina hafoangoc soronga nga kopocsiha kpac femanu Kebunina Yesu Kristo haude.

1 Tesaronike 5:25

Tosofocnina, ngeni neneac ifingoc negensima numuma kecbisia.

Hebiraio 11:4

Abengo negen negensingagoc kecma Anutuac sesegerec faiec, imocngo Kainggac sese feraheec. Ferahau Anutungo yeac sesegerec hemma negenu ngereeu ngic dindingac demiec. Abe ye bic homeec, amma sifu negen negensingau yoara dekecdengoc.

Hebiraio 11:7

Ngicngac yeni dokutoa haudeac ebic mi hemmagec Anutungo Noa goroyoac edeu yeng yoara negensinggema eweheimima wagetoa mong meec. Ifi mema yengena arengfora ebicfunac onggongyunuec. Yeac negen negensingngo bangectoa bangecac faka mangana mekperagiu Anutuac yoacfu kenggec. Yeng ine Anutuac yoac negensinggeu Anutungo ye ngic dindingac demiu foraya henec.

Hebiraio 12:13

Amma ngicngac hanimangang haningina mepatickebauac ngeni singngina heitumebisia. Ngeni ifi anggec haningina ngereebeso.

Hebiraio 13:18

Ngeni neneac numubisia. Neni herenegen negennina kpetiac, ifi negenserima kecdimbe. Nga angammemenina sasawa gombunga feudeac anemmede.

1 Petoro 2:24

Ye yengena sebiango nenang kopocsic atickema icfu nanec. Nanu nenang kopocsicfunac homema sing dindingac modacnideac ifi anec. Nga yeac kubecngo ngeni hafeidzoicfunac ngerec ngeree meficgengemmeec.

1 Yohane 3:22

Ifi kecma nenang singyoara modacma yeac songou wiac sasawa fede, imoc angkecdimbeac wiac mong me monggac Anutuarunac kpesima menide.